كلمي المديره

عن عن نفسي اعطي اولادي سندوتشات بالبيض المقلي مع الجبن او اسوي تونه مع بصل مقلي مع فلفل اسود واقلى التونه واحشى السندوتشات بيهم او اسوي الحشوة جبن شيدر مع المربى واعطي اولادي مع عصير السن توب او اي عصير واعطيهم معهم تحلية بسكوت كت كات او اي تحلية بس تكون بسيطة وما اعطيهم فلوس ابد الا في النادر لان لو اعطيهم فلوس على طول القى معهم علك وحلويات وفصفص واشياء مالها داعي

ياقلبي انتي .. خواتي يجيبون من البيت وينضربون ويؤخذ فطورهم
لدرجه مره المشرفه اخذت شاي وحده وكبته قدامهم .. بالغصب اشتري
من المقصف عشان يستفيدون مادري الراتب ماعاد يكفيهم ؟
ولا حسد وقلة ادب .. حرام مسمى شهاده ع هذيك الوجيه ...

ايو الله صادقه اذكر مره كانت بتجي مشرفه حقت المقصف والابلات على طول دسوا الشوكلاتات والاشياء الممنوعه عند الابلات ولمن روحوا رجع كل شي مكانو

شوفي يا اختي انا ادارية في احدى المدارس الحكومية والله العظيم لو تشوفي مقصف مدرستنا وهومن مدارس الابناء مقاسه 2×2 رفعنا خطابات وجت لجنة وشافت المقصف وقالت ما يصلح وارفعوا خطاب ورفعنا وكلمناولا حياة لمن تنادي هذا من غير بناتنا اللي في الصف الاول والثاني واللي بنات الصفوف العليا يدعسونهم حتى لما صرنا نطلعهم قبل الكبار بعشر دقايق ,,, امابضاعتهم اللي لو تحطيها للحيوانات الله يكرمكم ما أكلتها والاسعار حدث ولا حرج,, يجيبوا بضاعة اخيس من الخياسة (الله يكرم النعمة)طعمها غريب جداً والله اني اشتري لبنتي قبلها بيوم من السوبر ماركت ولما انكلمهم يقولوا هاذي شركة بابطين ما تيجيب الا البضايع الزينة ألحين غندور واخوانه(أنواع البساكيت) أحسن من المارس والكت كات والسنكرس والا العصير اللي تحسين كأنك تشربي مويه عليها نكهات صناعيةأحسن من السيزر وندى وخلافه والله مالي مصلحة اسوي دعايات ولكن انا اقدر اجيب لبنتي طيب وباقي بنات الناس واذا قلنا للبنات اشتروا من برى كأننا ارتكبنا جريمة ويا ويلنا سببنا خساير لشركة بابطين,,, أعرف اني طولت عليكم بس كتبت من القهر ما صدقت شفت موضوع يتكلم عن المقاصف المدرسية000