مقابلتي اليوم يامرشحات البكيريه

الحمدلله

رحت اليوم الصباح

وكنت اول وحده تقابل اليوم



تخصصي جغرافيا



اول شي الجو مريح وعادي جدا


اول مادخلت

قالوا لي تفضلي تقهوي
لحد مانشوف اوراقك

وصبت لي فنجال قهوه


بعدين جابوا لي ورقه اكتب فيها اسمي وتوقيعي

وبعدها ورقه اخرى

انتظرت شوي

بعدين رحت لمكتب
شافوا اوراقي
وكنت جايبه نسخ وسجل وووو كثير اوراق
ضحكت قالت انتي جايبه كثير
قلت لها اش نسوي كل ماسمعنا شي رحنا نجيبه

ماسألت عن السجل مرت عليه مرور الكرام وهي تشوف الاوراق ولا اعارت له اي اهتمااام
اخذت صوره من الوثيقه
وحسن السيره
وسجل الاسره ( دفتر العائله )
قالت بس هذول اللي نبيهم






\

ومعها وحده ثانيه
عطتني ورقه قالت اطلعي ع الكلام هذا
مكتوب فيما معناه
اني اتعهد انه مايحق لي اطلب اجازه استثنائيه ولا اجازة امومه خلال سنة التجربه


قلت لها يعني السنه الأولى
قالت ايه

كتبت اسمي تحت الكلام ووقعت
وكتبت تقديري

وتحته
مكتوب الرغبات المكانيه

قالت عندنا قطاعين

1 قطاع البكيريه وما حولها
2 قطاع الفويلق وما حولها <<<< وهذا ابعد ويارب اكون بالأول القريب

( الله يختار الخيره ويرضينا فيهااااا )


كتبت
ووقعت



بعدين
قالوا روحي الغرفه اللي جنبنا

فيها طاولات زي حقت الاجتماع بس اصغر

وهم لجنة المقابلات

ثنتين
سألتني الأولى
اين دفن الرسول صلى الله عليه وسلم

اي عام توفي صلى الله عليه وسلم

ماذا يسمى العام الذي انتقلت فيه الخلافه ل معاويه (( تفلسفت فيه ولا جاوبت ))

اين تقع الاهواز
وتتبع اي الدول الآن
وسكانها من اصل ايش
(( تفلسفت بعد والله يستر ))


عاد ابتسمت لها قلت ترى تخصصي جغرافيا وانتي مركزه ع التاريخ !!
ضحكت
وقالت
ماهو اطول نهر في العالم
وعاد انا اخذت راحتي وقمت اجاوب
وزدت لها عن اعرض نهر
وكم معلومه
\

قالت خلصت انا


\
الثانيه سألتني اسئله تربويه

اش تسوين لو كانت طالبه ماتحل الواجب باستمرار
مااستراتيجيات التعليم
ايش تسوين لو طالبه ترفض تجاوب عندك
لو طلبت منك رئيستك في العمل تدريس ماده من غير تخصصك عشان تكمل نصابك
( قلت اذا انا عندي القدره على تدريسها واقدر اوصل المعلومات للطالبات فيها عادي اقبل )

ايش تسوين لوطالبه سألتك سؤال ماتعرفي اجابته



\
وخلوني اقرا مقطع من كتاب


\

وسألوني عندك شهادات حاسب
قلت لا بس عندي خبره كبيره فيه

\
قالوا
اجل روحي المكتب الثاني
وطبقي حاسب

رحت
وعطتني ورقه
قالت اكتبي زيها بالووورد


وكلام اكتبه بالبور بوينت

سهل جدا


\

وبعدين
وحده اخرى عطتني ورقة الكشف
وقالت اذا طلعت النتيجه تعالي انتي بنفسك
عشان تاخذين ورقة مستند خاص لو اتصلوا علي التعليم اعطيهم اياه



\


قلت خلاص قالت خلاص


\
وطلعت
والحمدلله

\


رحت مستشفى بريده لأن لازم في مستشفى الملك فهد في بريده

عطيتهم عينة
وقالوا تعالي الاسبوع الجاي زي هذا اليوم


وووبس


والله ييسر لنا الخيره
ويكتب لنا مافيه صلاح ديننا ودنيانا


حبيت افيدكم