مقابلتي خطوة بخطوة......

السلام عليكم ورحمة الله وبركاته  كيفكم ياعسولات هذي اول مشاركة لي وحبيت افيدكم لأني استفدت منكم كثير 
انا من الطائف وترشحت في صبيا مع انها رغبتي السابعة كانت صدمة بالنسبة لي لكن توكلت ع الله واخذت موعد يوم الاثنين الساعة 9ص وجهزت نفسي وعيالي وملابسنا ومشينا لصبيا يوم الاحد مرة ما عندنا وقت بخلص وافتك لان القلق كان عامل عمايله وكان الطريق طووووووويل 8ساعات تقريبا وطبعا اخذنا شقة مفروشة ونووووم وفي اليوم الثاني اللي هو يوم المقابلة وانا محضرة الساعة 8 في الاشراف التربوي طبعا المحافظة صغيرة وما تتوه الحمد لله وع طول دققوا في اوراقي وقالوا روحي سوي المقابلة وتعالي واروح عند اللي تسوي المقابلة اعتقد انها موجهة وقامت تسألني انت من فين وكيف امورك بتقدرين تنقلين انت وزوجك وكيف وضعك قلت لها كله تمام وان شاء الله تتيسر وقالت كم لك سنة تنتظرين التعييين قلت لها13 سنة قالت الله يوفقك ويسهل امورك  انا قسم لغة عربية فسألتني كيف نفرق بين الفعل والاسم ؟كيف تتعاملين مع الطالبة اللي مستواها ضعيف؟قلت لازم نراعي الفروق الفردية بين الطالبات وممكن اسوي لها دروس تقوية حتى يتحسن وضعها.قالت اذا جابت لك طالبة واجب مسويته من النت كيف تتصرفين معاها؟قلت المثل يقول لاتعطني سمكا كل يوم ولكن علمني كيف اصطاد ومن هذا المنطلق لازم نشجع الطالبات ع القراءة ودخول النت وتثقف نفسها وتبحث في النت وغيره.سألت عن التنبي من اية عصر وما رايك في اشعاره؟قلت من العصر العباسي وطبعا اشعاره سهلة ورائعة سألت اذا كنت قرأت كتب عن تخصصي قلت لا بس اقرأ في غير التخصصقالت لي انصحك تقتنين كتاب الجامع في دروس العربية امصطفى الغيلاني وكتاب النحو الوافي لانها مفيدة جدا وترجعين لها اذا احتجت وقلت جزاك الله خيرواعطتني ورقة اختمها من المديرة ع اساس اني اجتزت المقابلة ورجعتها لها واعطوني الكشف الطبي كان فيه تحليل عن السموم وسويت التحاليل وخلصت من المستشفئ العام لصبيا ورجعت لهم يوم الاربعاء واعطوني نماذج اعبيها طلب توظيف وكان فيه الرغبات حقت القرى ثلاث رغبات وورقة عن الخبرات السابقة وورقة عن الدورات ورتبتها في ملف اخضر علاقي مع الكشف وورقة المقابلة والسجل الاكاديمي والوثيقة وكرت العائلة طبعا كلها صوروسلمتها الملف ووقعت عند اسمي وقالت الله يسهل عليك حيتصلون عليك ان شاءالله وع طول لمينا عفوشنا ومشينا العصر وع الطايف والحمدلله تسهلت اموري اي استفسار انا جاهزة واي وحدة عندها معلومات عن صبيا والقرى المجاورة لها لا تبخل علي.😊