طبعا الفريك مشهور بمنطقة نجد في الشتاء وغير الشتاء للنفاس لانه مغذي ...
سالت امي الله يخليها وعطتني مقادير الفريك .. بس لاحظو المقادير كميه كبيره
وتقريبا تكفي النفاس كله ان شاء الله ..ولاتنسونا من دعواتكم ان الله يصلح عيالها
ويهديهم ويخليهم لها
............................
المقادير :
8علب ماء في علبة الشوربه ((كويكر ))اكيد تعرفونها
كيلو زبده
كيلو ونص سكر
كيلو تمر
علبة معجون طماطم السعوديه ((للون فقط ))يعني ما يعطي طعم
ملعقه ونص صغيره خميره فوريه
ملعقه ونص ملح
ملعقه صغيره بكنج باودر
نص كاس فلفل اسود
الطحين بدون كميه حدده بس بالنظر تكون العجينه لينه مرره
الطريقه :
تذوب الزبده والسكر وعلبتين مويه في قدر على النار الى ان يذوب ..وطفي النار
وبعدها اضيفي باقي علب المويه الـ 6علب المتبقيه ..وباقي المقادير ماعدا التمر والفلفل الاسود..واعجني العجينه تكون ليونتها بين عجينة المرقوق واللقيمات
وتتخمر العجينه ساعه ..وبعدها تفرد في صاج الفرن الكبير..واحيانا تفرد في صينيتين على حسب حجم فرنك..وتكون سمك العجينه بعد الفرد ثلاث اصابع تقريبا "3 سم"..تترك في الفرن على نار هاديه ساعه ونص تقريبا بشرط انها تتشقر وتستوي مزبوط اهم شي لا تحترق ابدااااا وتقمرينها مع الوجه شوي بس تاخذ لون ذهبي
اذا طلع اللون بني تطلع قاسيه مره
واذا نضج خذي مقدار منها وحطيه في طاحونة المولنكس فرامة البصل او فرامة الكبه ..وحطيه فيها وحطي معها 7تمرات وملعقه فلفل واطحنيها لين ماتطلع زي الكيك المفتفت وحطيها في قدر كير لين ماتخلصين الكميه
وبعدها قسميها في اكياس نايلو تقريبا وزن الوحده 250 غ وتعتبر وجبة شخص
وفرزنيها تقريبا بتكون 40يوم ..واذا بغيتيها حطيها بصحن بايركس وحميها بالمكرويف وتطلع طازجه ولذيييييييييييييييييييييييذه ..
ووداعا لتعب الماما من صباح الله خير خخخ
وترى امي تسوي للي تبي // الكميه 250ريال عدد 40 حبه"كل حبه وجبه".. بدون التوصيل
التوصيل سائق خاص يوصل بـ 30 ريال اي مكان في الرياض فقط
وادعو لأمي لاتنسونها :p
