مقارنتي مع سلفتي

السلام عليكم

في البداية الانسانة مااقول فيها شي لانها كافية خيرها وشرها قافله على نفسها في بيتها ولاحد يدري عنها ومن هنا المشكلة .. انا مدري هل هي انسانة انطوائية او هي ماتحب التجمعات وهي حره بنفسها ماقلت شي لكن اهل زوجي بما اننا ساكنين في نفس العمارة بدوا يقارون و يتحلطمون عند زوجي ليه لازم تطلعون ؟انتم ما تجلسون في البيت ؟ و زوجتك كل يوم في مكان ؟هاذي فلانه قاعده في بيتها ولا تطلع ، هي يمكن تزور امها بين فتره وفتره بس وبحكم ان الماده تهمهم كثير يركزون على انها ما تصرف شي طبيعي ما تصرف لانها ما تحضر مناسبات او افراح او حتى عزايم عادية او تزور ناس ، مايهمني الكلام لكن زوجي بدا يلاحظ هالاشياء ويشوف انها عيوب وغير كذا ماحد يجيها ابدا الا عمتي تنطنط عليها كل فتره ويوم احد يفكر يزورها تعتذر بكذا اثاثها جديد ماشاء الله عكس اثاثي اللى بدا يتغير و يقدم وبرضك يقولون هاذي فلانه محافظة على اثاثها والخ من المقارنات ، انا ما اسكت لزوجي واقوله كل انسان وله شخصيته مو لازم اكون نسخة منها