شكرا على المرور 00000والمشاركه

حبيبتي أم البتول مشكورة لطرحك الموضوع

انا ماعندي شغالة بس الحمدلله الشغل مو كثير لان ماعندي اطفال

ولاافكرحتى لو جاني اطفال اني اجيب لان من وجهة نظري ان اللراحة النفسية اهم بكثير من الراحة الجسدية

ويكفي بس عيونها الحاره لما تشوفيك انتي وزوجك مع بعض

وانا اعرف وحده تحلف بالله ان لما تقفل الباب (غرفة نومها طبعا ) انها تعصب وتقول طول اليوم مزاجها معكر

واني اخاف اكلمها تهوشني :08:

انا مابعد قريت الردود..يمكن يكون كلامي مكرر..بس راح اقول رائي..
الايجابيات..
تساعدك في تحسين النفسيه خصوصا لما يكون عندك كم طفل ورى بعض..لاني مع كثر الشغل النفسيه تقلب مائه درجه..
تساعد في تقبل اي ضيف وفي اي وقت..
ماتشيلين هم العزايم والدوريات لي جت عليك..
تشبعين نوم الصباح اذا كنتي تسهرين مع الاطفال او ابو العيال..
تساعدك تخصصين وقت للطعاه من نوافل وقراءه قران..
تساعدك على الاطفال في الحدائق والملاهي والاستراحات..
تشيل عني الاشياء الثقيله لاني مسويه عمليات وماشيل الا على خفيف..
السلبيات..
تحرمك من اللبس الحلو في البيت..
تاخذ بعضا من خصوصيتك مع زوجك ..خصوصا اذا البيت صغير..
ممكن اذا عطيتيها وجه تتدخل في خصوصيات الاطفال ..من ملابس او وقت النوم او نوع الاكل..
تقفيل البيت وغرف النوم في كل طلعه..
وانا رائي اذا ماعندك اطفال ..او كبروا اولادك ودخلوا المدارس..وانتي ربه بيت.. الاستغناء عنها افضل..

مرحبا ام البتول

.... من ايجابيات الخادمه .......

تتفرغين لاولادك وزوجك

تمارسين هوايات كنتي مشغوله عنها

تطلعين من البيت مرتاحه لانك بترجعين وكل شيى مرتب وفي مكانه

البيت داااائما مرتب والملابس مكويه ونظيفه

اذا جاك ضيوف ترتاحين معهم مو رايحه وجايه ..

تعزمين وانتي نفسك مفتوحه

تساعدك في وقت الربكه والشغل الكثير في المناسبات

اذا كان عندك طفل صغير تساعدك في حمله والجلوس معه وتغيير ملابسه اذا كنتي مشغوله

........ سلبياتهم ........

تتحملين اثمها لانها بدون محرم

ماتنومين وتصحين على راحتك لانك تكونين حذره من تركها لوحدها

يحتاجون قوة ولين في نفس الوقت وهذا يخلي نفسيتك مشدوده فانت تخافين تظلمينها لان لظلم ظلمات يوم القيامه

ماتلبسين على رااحتك

لما تطلعين من البيت مشكله لانك ماراح تاخذينها في كل مشوار واذا تركتيها لوحدها مشكله

تكونين قلقه من ناحية الاكل والشرب لانك مو ضامنه ميه الميه
انها مو موسيه لكم شيى في الاكل

تخافين على زوجك واولادك منها يعني تكونين حذره دائما


باختصاااااار يا ام البتول

الشغاله راحه جسميه لكن نفسيه لااا

ايجابياتها :

الراحه _ الاهتمام بالزوج والاطفال اكثر _ النظافه بكل شي


سلبياتها :

عدم الراحه النفسيه احيانا _ كثرة مشاكلهم وزعلهم بدون سبب _ تكون رقيب في البيت _ الغيره فبعضهم تغار عندما ترى وئام بين الزوج وزوجته _ الخوف على الاطفال منها لانها ربما تحقد لسبب انت لاتعلميه وتنتقم بالاطفال _ هي خطر كبير على الزوج في حين الخروج وتركها في المنزل _ عدم وجود حريه في المنزل فهناك شخص غريب ولا يعلم كيف تربيتها او نفسيتها ..