السلام عليكم ورحمة الله
اخواتي اليوم كنت عند دكتورتي النسائية وفحصتني وكان كل شيء طبيعي وانا بالاسبوع ال 12 وعملتلي سونار ولما فحصت سماكة رقبة الجنين وجدتها سميكة وفوق النسبة الطبيعية وكانت 6 مم والطبيعي حتى 2 مم
انا انصدمت من الموضوع لان هذا ممكن يكون علامة على انو الجنين مو طبيعي ومريض منفولي او متلازمة داون والعياذ بالله
الدكتورة حولتني مباشرة على اخصائي وحسيت بخطورة الموضوع لما استعجلت بالموعد عند الاخصائي
يارب يخيب ظن الدكتورة ويكون جنيني بخير وبصحة وعافية يارب .
حسبي الله ونعم الوكيل ولا حول ولا قوة إلا بالله العلي العظيم
والله تعبااااااااانة ونفسيتي زفت ... أستغفر الله العظيم
كنت فرحانة رح شوف الجنين بس انقلبت سعادتي هم وحزن
من مر عليها هيك شي ؟ وكان الجنين طبيعي
الله يطمن قلوبنا على اجنتنا يارب ويكونوا بصحة وعافية اللهم آمين
اللي ما تعرف عن الموضوع ... تدعيلي دعوة يكون جنيني بخير وعافية ولها بالمثل ان شاء الله
يارب تطمئن قلوبنا يارب ويسر حملي واخواتي واجعل اجنتنا سليمة معافاة يارب
يا اخواتي انا في المانيا وعندي موعد الخميس ان شاء الله عند اخصائي ويارب يطلع كلو خير يارب ويرزقني وإياكم جنين سليم معافى
ياااااااارب
يارب ترحمني وترحم جنيني ياااااااارب
ويوم الخميس
كنت اليوم عند الاخصائي والسونار طلع تقريبا نفس الشي حتى سوأ من الاول
سماكة الرقبة 5.6 مم وايدي وارجل الجنين اقصر من الطبيعي نظريا من دون مقاسات لان حجم البيبي صغير
اقترح الاخصائي فورا سحب عينة من السائل الامينوسي حتى نتأكد من صحة الكروموزومات رغم انو الطبيب قال انو احتمال الاصابة بمتلازمة داون أو متلازمة باتو او اضطرابات جينية تانية كبيييييير
او اختلال بنمو العظام وعدم نموها بشكل طبيعي وهاد كلو غير مأكد
كنت رح اعمل تحليل السائل الامينوسي فورا والنتيجة بعد اسبوع بس بسبب الاعياد وعيد الفصح ما بينفع كلو مسكر
رح اعملو التلاتاء القادم ان شاء الله
انا تعباااااانة ومصدووووومة ومنهارة فعلا من هيك شي
انا متمسكة بالجنين كتير وفرحانة اني حامل ورح يجيني اخ او اخت لابني
بس بدي يكون جنيني سليم وما بتحمل يكون مريض لان رح اتعذب انا وياه بالدنيا ونفسيتي ما بتتحمل
صرت عم فكر بالاجهاض لو طلع جنيني مريض لاني قريت فتاوى تجيز الاجهاض قبل انتهاء الشهر الرابع وهاد الشي كمان ما بتخيلو والوضعين عزاب بالنسبة لإلي !!!
واللي اكتر من هيك انو الدكتور قال انو ممكن يموت بأي لحظة ببطني لان في شي غير طبيعي بالجنين
صرت عم فكر شو رح يصير لو جنيني تأكد انو غير طبيعي من التحاليل اللي قال الدكتور انها 100 بالمية اكيدة
انا عم اكتب وما عم اتخيل اني عم اكتب عن جنيني اللي حاملتو ببطني
ياااااااارب عفوك ورضاك
انا منهارة فعلا من البكاء ومش قادرة اتخيل الموضوع ومش عارفة كيف رح انتظر حتى الاسبوع الجاي لأعمل التحليل
ارجوكم ادعولي وحطو نفسكم مكاني شو كان رح تعملو ؟ لان اي وحدة فينا معرضة لهيك شي ؟
الله يحفظ اجنتنا جميعا ويجعلها سليمة معافاة ويخيب ظن الدكاترة ويخرجني من هدا الوضع الحرج والصعب والامتحان الصعب اللي انا فيه ياااااااااارب
ياااااااااااارب
استغفر الله العظيم .. استغفر الله العظيم

زهرة دمشقية @zhr_dmshky
عضوة نشيطة
يلزم عليك تسجيل الدخول أولًا لكتابة تعليق.

امل وعندي امل :
يارب يطلع سليم معافى يارب ويفرح قلبك ياربيارب يطلع سليم معافى يارب ويفرح قلبك يارب
ان شالله يكون سليم ومتعافي
تحليل السائل هو الفيصل وان شاالله يطلع سليم
انتي عليك بالدعاء والله يرزقج ما تتمنين
الله يهديج لفعل الصواب واستخيري يا اختي
الله يمسح على قلبج ويبدل حزنج فرح
تحليل السائل هو الفيصل وان شاالله يطلع سليم
انتي عليك بالدعاء والله يرزقج ما تتمنين
الله يهديج لفعل الصواب واستخيري يا اختي
الله يمسح على قلبج ويبدل حزنج فرح

نونوو72
•
رهف بنت الكويت :
ان شالله يكون سليم ومتعافي تحليل السائل هو الفيصل وان شاالله يطلع سليم انتي عليك بالدعاء والله يرزقج ما تتمنين الله يهديج لفعل الصواب واستخيري يا اختي الله يمسح على قلبج ويبدل حزنج فرحان شالله يكون سليم ومتعافي تحليل السائل هو الفيصل وان شاالله يطلع سليم انتي عليك بالدعاء...


الصفحة الأخيرة
ويفرح قلبك يارب