انا امس رحت اللولو وخذيت اغراض حق تجهيزات رمضان وباقي اروح قبل الشهر الفضيل عشان اخذ بقية المستلزمات وانا سويت جذي عشان ماتصير عندي حوسة في المطبخ. المهم هاذي الاشياء الي شريتها:
١ - محضرة الطعام كيننود الي تجيي ب٣٠ استعمال وقوتها ٩٠٠ وات وخذيتها ب٤٧ دينار حوالي ٤٧٠ ريال وخذيت معاها محضرة الطعام اليدوية الفيليبس بتقريبا ٨٠ ريال لاني العام في رمضان كل ماسوي الشوربة وابي اهرسها احطها في الخلاط تحترق يدي من الماي الحار فنصحتني اختي اخذ هاذي. ( بس ان شاء الله استعملهم خوب انا غرامي تجميع الاغراض.
٢- خذيت جبنة شيدر ماركة بغييت اظن هاذي اسمها احنا ناخذها معلبات كبار ومسويين عليها عرض ٣ حبات ب٣٨ ريال تقريبا كيلو الا شوية بس انا خذيتها من صوب الاجبان بنفس السعر اللهم انهم ابشروها لي وماشاء الله صاروا ٣ علب كبار وخذيت من عندهم جبنة موزاريلا فرنسية الكيلو ب ٢٧ ريال وبعد بشروها لي وسيدة رجعت البيت وحطيتها في الفريزر وخذيت بعد جبنة بيضا سعودية بعد كيلو ب١٠ ريال
٣- ورق عنب معلب وجاهز ماركة الدرة ٢ كيلو ب٢٥ ريال رفيجتي نصحتني فيه وقالت اهيا اتفرزنه ولين يات بتطلعه اتحطه في الفرن واتحط عليه الماجي ودبس الرمان والذي منه وان الكل يساله عنه ويعجبهم. وياخذ منها بس ٣٠ بالفرن
وخذيت سمبوسة سويتز وخضرة مجمدة ودجاج التنمية بس مثلج والباف بستري
المهم اليوم صحيت ورتبت البيت والمطبخ وصارت دواليب المطبخ تفتح النفس ورتبت فيهم المحضرة وخليت الاغراض الي احتاجهم في البداية عشان ماتعب
وعقبها خليت المزيون زوجي الله ايخليه لي يعصر الليمون لاني قررت افرزنه في مال مكعبات الثلج لاني باحتاجه يوميا حق السلطات والشوربات وماقدر اقضي كل يوم من البرادة الي يمنا لانه مايوصل الا اذا كانوا الطلبات وايد والحمد لله سوي نص الكمية ومسكين تعب وقال بيروح اينام عقب المجهود الشاق
حمصت لي الخبز اللبناني عشان الفتوش وحطيته في حافظة بلاستيك وحطيته بعد في الفريزر وقلت باريح شوية لي عقب شوي
اها نسيت اقولكم ذاك اليوم زوجي عنده شغلة في الثقبة ولحقته انا وامي وخالتي ووداني نفس المحلات في الثقبة مال الاسعار الرخيصة خذيت منهم اشياء وايد والله من مواد تنظيف وكلينكس خذيت رولة مطبخ كبيرة كلش وتستحمل ورقها قوي الحبة ب٧ ريال وخذيت جدرين ستييل حدهم ثقال ومتان حتي احسهم احسن من مال ايكيا ب١١٠ الاثنين وماشاء الله خذينا شغلات حلوة ورخيصة من عندهم حتي زوجي استانس عليهم
طبعا هاذي المقاضي توها فيىالبداية وهالاسبوع ان شاء الله باسوي المفرزنات عاد هاذي اول مرة بس كل مادش عالم حواء واشوف همتكم اتشجع
ايه صج نسيت باخذ لي فوانيس مال رمضان بس يبي ادور عليهم وباحاول اغير في الديكور بحيث انه ايبين انه رمضان وياخواتي الي اتقول انه شهر نفس بقية شهور السنة اتكون غلطانة احنا في هالشهر نتجهز عدل عشان ايصير عندنا وقت للعبادة وثاني شي من وعينا علي الدنيا رمضان له اكلاته وتجهيزاته الخاصة الي اتذكرنا بايام زمان الحلوة والناس الي كانوا بينا وراحوا عنا الحين وانا اقول ان الواحدويغتنم اي فرصة ويستانس فيها واحنا الحمد لله استانسنا في رمضان غيرنا مسلم ويحتفل بالكريسمس وغيره
انا امس رحت اللولو وخذيت اغراض حق تجهيزات رمضان وباقي اروح قبل الشهر الفضيل عشان اخذ بقية...
هنا طريقة تحميل الصور
http://forum.hawaaworld.com/showthread.php?t=2140003
وعشان تشوفين ردودك اضغطي على اسمك وادخلي الملف الشخصي وتشوفين مشاركاتك
امين بالعكس ترتاحين برمضان وتتفرغين للعبادة شوي
الله يرفع قدرك
اميييييين
ماشالله عليك وحلو تجهيزك وترتيبك للمطبخ عشان برمضان تصير النفسية حلوة للطبخ :pinklove:
والمفرزنات مررررة تريحك برمضان واذا جربتيها مرة ماراح تستغني عنها :biggthump