على حسب النواقص غالباا ..


وغالبا مع الرواتب نروح السوبر ماركت ونجيب الناقص

واكتبهم في ورقه اريح عشان ما انسى شئ



اما الخضروات على حسب الطبخه اجيب

الي احتاجه اجيبه في نفس اليوم طازج واطبخه


اما الحوم اجيب نفس الشي طازج مبرد دجاج حق اسبوع فقط

والذبيحه متى ماخلصت ذبحنا واسوي منها مفروومه وافرزنهاا

والحمدلله على النعمه يارب

انا اروح للمحلات الجمله
واشتري كل شي نص كرتون مايطلع معنا الا 1000
ويجلس معنا اكثر من شهرين
والخضروات اسبوعياً

نظام بيت اهلي
كل شهر كرتون كلينكس - ٢كيس كبير مناديل رول صغيره للحمام - مناديل مطبخ - كرتون اكياس زباله اسود - كرتون اكياس زباله صغيره للغرف و جمب المغاسل

جركل كبير كلوريكس - جركل لينور - كيسه حجم كبيرررر صابون ملابس - جركل كبير شامبو عبايات

* امانه مو كل الاشياء لازم كل شهر احيانا يبقى ويصير كل شهر ونص مثل شمبو العبايات مثل اكياس زباله الصغيره

تصير كل ٣ شهور




-


ماعندنا شي اسمه مقاضي يوميه

كل اسبوعين نتقَضى للبيت اجبان فواكه خضار معلبات كيس رز - مكرونه ( طبعا حنا الرز مو شي اساسي نسوي مكرونه جريش - مرق خضار - مطاعم ) كرتونين دجاج

كل راس اسبوع نجيب خبز- زيادي - حليب
الخبز نجيبه من ودن بيكيري رخيص و رووووعه وهش + يجلس اكثر من اسبوع احيانا ٣ اسابيع بس حطيه في الفريزر وطلعي كيسه وحميها بالمكرويف ٠ مفرود -صامولي - توست ) كل نفس النظام

الزبادي و الالبان والحليب نجيب ٢ سيت
كل سيت فيه ست حبات = ١٢ علبه للفطور و علبه للعشاء لمده اسبوع

(مو صحبه مررره مع البن و الحليب الفريش )

نشتري حليب السعوديه ولا صافولا ويجلس اسبوعين واحيانا اكثر


بيت اهلي ٨ اشخاص واكثر من نصهم شباب نادر ما ياكلون في البيت فاتنهتم المطاعم



اما انا وزوجي

اشتري المنظفات والكلوريكس بالحبه من السوبر ماركت لان حنا اثنين وتكفي اسبوع اسبوعين على حسب
( طبعا ما اغسل الملابس يوميا - والبيت ما امسحه يوميا
لان حنا اثنين وكبار والي يكركب يرتب و انا حامل والمسح كل ٣ مرات في الاسبوع خير وبركه


ولا انا ولا زوجي نحب اللبن و لا الزبادي فمما يدخل بيتنا و الحليب بابا جاب لي كرتون يقول انتي حامل اشربيه كويس

الخبز نجيب ٤ اكياس وتكفي اسبوع واحينا تزيد

الدجاج مايدخل بيتي الا صدور كل صحن فيه ٤ نشري ٣ يكفينا اسبوعين
كل مره اطلع صدرين
وانوع مرات لحم مرات سمك مرات خفايف مرات مطاعم مرات اعزم نفسي في بيت اهلي

المشكله شلون اقضي شهريا ومافي مكان ؟؟

وزود يخربون

انا وزوجي مخصصين مبلغ معين لمقاضي البيتمع الراتب اخذكل النواقص من والي
وطول الشهر ما اجيب شي من برا غير الخضار حتي الخبز والتوست والصامولي اشتريه واحطه بالثلاجه
وبالعكس ماينفع يوميا تاخذين النواقص
افرضي جوك ضيوف فاجاءه
او زوجك مسافر
او نايم تعبان او بالدوام
ع الاقل يكون اغراضك متوفره
لان عائلتي صغيره فماخذ بالكرتون
والمنظفات شهر وشهر لا لان يبقي منها للشهر الي بعده
البصل خذي كميه تكفيك شهر لانه مايخرب بسرعه
عاد مقاضيكم ع حسب طبخكم وع حسب للضيوف وعدد افراد الاسره