مااطول عليكم لاكن من فترة وانا اقلب بمخي يمين ويسار:confused-
عشان اقدر انقص من كمية مقاضي السوبرماركت ولاكن دون جدوى بمعنى دائما وقولوا ماشاء الله تبارك الله ماأقضي بأقل من الفين وخمسمية واحيان ثلاث الاف بس طبعا مو كل شهر يعني كل شهرين تقريبا
ودايم انا وزوجي بخناق
ومهاوشه :mad:يقول معقول هذي المقاضي والله حاولت انقص بس مني عارفة يعني مثلا عندكم القشطة اخذ منها ستة علب وزيها التونة والجبنة الصفرا واي معلبات من طماطم وفطر وطبعا رز وسكر واندومي كرتون ولحم مفروم وووووووو بس انا نفس الشي اقول انه المبلغ كبير وقد ماانقص اجي للمحاسبة الاقي يصقعني بمبلغ جامد احاول انقص مااقدر
تكفون شوفولي حل الله يخليكم ترى حيل متوهقه وقريب بنزل السوبرماركت واقضي وشايله هم الخناق والهوشه منه
وعلى فكرة قبل شهرين يوم قضيت ماجبت لبزورتي اي حاجة يعني لا شيبس ولا بسكوت ولا حاجة تفرحهم وبرضوا خرجت بالفين ريال والهم راكبني ولو نقصت شي احسه ضروري لو احتجته بطبخه ومالقيته يزعل ابو الشباب ويقول وين المقاضيليه مااشتريتي
بنات اسفه طولت بس في ملاحضة عدد افراد الاسرة تسعة بالخادمة .
ساعدوني:icon33: ساعدونـــــــــــــــــــــــــــــــي:icon33: مستنياكم والله الله بالافكار ترى مالي غيركم:44:
ساااااااااااااااااااااااااعدوووووووووووووووووووووووووونا أخواتنا