اسفه فيوفه على تأخري في الرد عليك وانا ما كنت ادري عن السالفه

الا يوم مريت من عند قسمكم الا واشوف ازعاج وصياح وحوسه واجيك

داخله بأمان الله يوم شافوني البنات ويصيحون بي هذي هي جات

واحط رجلي ما تشوفين الا غباري تقولين مقروصه قلت يا بنت ما بدهاش

العمر واحد ويمكن احد فطس من البنات وبيلزقونها فيني لأني حبيبه وعلى نياتي

وما ارد احد ( هين حبيبه في المشمش ) والبنات وراي طردي من قسم لقسم

ولا وقفت الا يوم شفت عزيزه قالت خير خير وش فيه الا ويوقفون البنات

ويطلعون يلقطون وجيههم :22: واجيك انا واسلم عليها قلت اشوي انك

فكيتيني منهم قالت ايه تعالي هنا وينك من يومين ندور عليك قلت يا مال

النشبه حتى عزوز تبيني شكل الموضوع كبير فيه قتل وبصمات ودربكه

ليش ما ترديني ( كل هذا وانا اكلم نفسي ولا فقت الا على صوت عزيزه )

( حشى فلم مصري ) قلت كنت مشغوله ؟؟ قالت المهم فيوفه تدور عليك

وتبي تعرف وش تحطين في الصره واحنا بصراحه انشغلنا عليها قلنا

لا يطق فيها عرق والا شيء قبل رمضان ، الا يوم قلبي رجع مكانه وانفلجت اسارير

وجهي ( ما ادري وش معناها داخله عرض ) قلت صدق لازم الحقها لا تفطس الحرمه

وانبلش بديتها عاد انا وراي كوم لحم مين يربيهم اذا انسجنت ( صار فلم هندي )

قالت يالله بلا كلام فاضي روحي لحقي الحرمه وعلميها ، واجيك طالعه من المجلس

وادخل قسمكم ويوم شفتيني فكيتي لي الكشره عرض وطول عاد انا مسدوده نفسي

من الروعه اللي اخذتها من البنات اللي بغيت افطس بسبتها ، وابادلك بابتسامه

صفراء مجاملة لك الا يوم فقيتي فمك ما صدقتي اني ابتسم لك :22: :22:

وانا ادعي في نفسي ان شربتك تحترق ويحوسك زوجك بسبتها :21: واقولك

وانا مستعجله بهارات الصره اللي بغت تودينا في داهيه ( قرنفل ، هيل ، قرفه ،

شيبه ، فلفل اسود ، كمون ، خولنجان ، كزبره ) واطلع من عندك واروح ادرعم

على قسم ثاني :32: :32:

مساء الفل يا سيد الكل

يا بنت يا ذكرى مسطر لنا اربعين سطر .....ويوم جيتي عند المفيد

قلت بسرعه اقولها
:23: :23: هذا وأنا موصيتك .......ههههههه

ترى معجم اللغه اللي عندي صادك على شغلات تجنن
وما تطلع الا منك.....:23: :23:

انلفج،،،دخلتي مدرعمه .....وما زلتي طلعتي
بدرعمه هههههههه

الله مير يسعدك يا شيخه

****** با قي سبع أيا م بالتمام ،،وتنطوي صفحه من الزمان ،،مبروك عليك الشهر عيوني ****

الحين رادة عليهم كلهم ياسمر وتاركتني ..:( :( :( :(
طيب لنا الله :mad:

بسم الله الرحمن الرحيم

اخواتى الغاليات.....ما اقدر اكتب اى اسم ..ما شاء الله من كثركم :)

انامثل الأغلبية ما عندى تخصيص مقاضى للشهر الفضيل عن غيره على طبعى كل شهر اطلع لسوق الجملة مرة وحدة....اللهم برمضان تزيد على اغراضى الفيمتو والطحين تكون كميته برمضان اكثر لزوم المعجنات والسمبوسة...

وانا مثل طبع اختى عزيزة: حتى ملابس العيد شريتهم وجهزتهم حتى اتجنب نزلة السوق برمضان...ويا ليتكم تتبعون هالطريقة معنا صدقونى راح ترتاحون من السوق وزحمته وتكسرون جشع التجار اللى يرفعون اسعارهم برمضان ....


اخيرا...لا يفوتنى تهنئتكم وحدة وحدة بالشهر الفضيل وارجو الله ان يبلغنى وإياكم صيامه وقيامه ويقبله من أجمعين....

teen girl تسلمين والله ماقصرتى اشكرك على المساعده وشي مو غريب عليك يالعسل .....بعدين تعالى ياعسل وينك من فتره ماشاركتى معانا بتجربه حلوة من تجارك ترى انا اول وحده استفيد من افكارك ياام الافكار:27:



**************************************

سمر كيك عسى مافيه صيدات علينا:21: :22: ياحبيلك والله احس انك زي الماء تروين الموضوع بكلامك العسل مثلك .....بس الحقى على سجى لاتزعل علينا:32:


**************************************

ذكــــــــــــــــرى :eek: : واخيرا جيتى وانا اقول المرة وش جايها مالها حس ولاخبر واثرك لاهية بالدرعمه من قسم لقسم وقسمنا مافكرتي ادرعمين له لنا الله مانسيين من الدرعمه(اتحداكم تقولونه خمس مرات)
لكن الصرة فكرة الصرة خطيررررررررررررره وتين جيرل ماهنت عليها الله يعافيها عجزت تصبر قالت والله المرة مااحد سائل فيها وكنت قاعده القط وجهى والقى رد تين جيرل الله يعافيها واشوى وعقبها ماتشوفين الا كشرتى من الوناسه مترين:32:
عاد شفت ردك وتزيد كشرتى مترين زيادة لين غاصت عيونى:21: :34:


عاد لاتلهين بالدرعمه وتتركينناولا ترى نبي ندرعم وراك ونجيبك ونصك عليك في القسم ماتطلعين:31: