ياقلبي كلنا ودنا نوظف ونتوظف ومن قال مانهتم والقليل لهم حق في الضمان لاكن الاكثر هم اللي مالهم اي حق من قبل الدوله

اذا وحده يهمك امرها طيب والشباب مايهمك امرهم

اكيد فيه بيوت مافيها رجال لاكن فيه ضمان يشمل كل فرد على حده

وماسمعتي رجال عنده اسره يعولها وماعنده وظيفه وحتى مايحق لاسرته الضمان بما ان عندهم عائل قادر على العمل
من منهم ضلمه اكبر ومصيبه اعظم


واذا سمحوا بالكاشير والله ياقلبي لايكون كل الموظفين نساء لانهم أداه جلب للمستهلكين

ياأختي احنا نطالب بالحق من بعد الدين

هذا باب رزق للنساء لاكن مقابله سد باب رزق للرجال وهم الاحق بهالوظيفه وفيه ابواب رزق كثيره للنساء محل لها البيع في امور كثيره بالاضافه لاستحقاقها من الضمان


والشباب العاطل يقطع برزقهم عادي لاضمان ولاوظيفه ؟

عموما عمل الكاشير حرم من قبل العلماء وانا كتبت موضوع يوضح فيه السبب
في اعمال وتجاره تكون بعيده عن الشبهات

والله يرزق جميع بنات وشباب المسلمين

طيب ولو وظفو رجال كـ كآشير برضو بيصير اختلاط....لأن فيه حريم يجون يتسوقون وماعندهم محرم ....وش يضمنهم ان الكآشير ما راح يرمي عليهم كم كلمة على كم رقم ...!!

ولا هم يمكن يتحرشون فيه ..!!

و إلآ البنات بدل ما يقولون نلتقي ببيت فلانة بيقولون نلتقي بـ بنده عند الكآشير الفلآني ...!!


يا جماعة الخير ...الغلط مو بالأختلاط .........الغلط فـي بعض العقول السقيمـة


وإلآ وحده جآلسة بيبتها مرتاحة و مصروفها بأيدهآ ......طبيعي بتستنكر الشغل وبتطلع فيه الف عيب


بعكس وحده يالله تلاقي شي تمشي فيه يومها .........وأكيد خبر زي هذا بيكون لها باب أمل وانفتح



وياما سمعنا عن بنات حمايل قاعدين في بيوتهم وبين اهاليهم ومع هذا سوو بلآوي ...... يعني اللي يبغى الغلط بيغلط سوآء بأختلاط او غيره

وبعدين اشوف بكل رد و الثاني الممرضات و الممرضات ........خير...تراني ممرضة وبقسم مختلط حريم برجال بدون حاجز ولله الحمد ليومكم هذا ما احد قدر يطلع عني كلمة وحده . والله يسترنا ويستر بنات المسلمين فوق الأرض وتحت الأرض



ويرزق كل محتاج بالرزق الحلال

استغفر الله واتوب اليه

مكرر مليون مره

اولا انا مو مع المقاطعه بالعكس بروح اشوف ايش اللي راح يصير هههههه

ثانيا ما اعتقد انه فيها شي لانه مافيها خلوه والبيع راح يكون في مكان مفتوح

ما اعتقد احد يقدر يتعدى على بائعه الا اذا كانت هي متبرجه هذا شي ثاني

ماشاءالله في البحرين على الكاشير حريم ولا فيها اي شي التعامل باحترام

يمكن هالخطوه المقصود منها تعويد الشباب على عمل المرأه وتعويده على احترامهم

لانه كل الدول المرأه تعمل في الاماكن العامه بكثره الا احنا خوفا من الشباب

اتمنى رايي مايزعج احد ويحترم والسلام عليكم :)