مقاطعة الاب ؟!

السلام عليكم


انا تقريبا مقاطعة بابا داخلة على تانى سنة مشوفتوش ومعرفش عنه حاجة
واخويا من بابا مش بشوفه بردو وبيكبر وانا معرفش عنه حاجة ولا هو بيشوفنا ويعرف اخواته
سبب مقاطعتى لبابا أنه جه فجأة قالنا انه اتنصب عليه فى مشروع كان عامله وفلوسه كلها راحت وفلس وانه مش هيصرف علينا تانى وان انا واختى واخويا نشتغل ونصرف على نفسنا ونساعد ماما فى مصاريف البيت وهو هيبعتلنا مبلغ رمزى كل شهر
احنا مش مصدقين موضوع أنه فلس دة لانه كان مستريح ماديا وكان بخيل جدا معانا طول عمره ومكنش بيرضى يدى لاى حد فلوس لو محتاج لأى حاجة هى المصاريف الأساسية وخلاص
رغم أنه يعتبر كان غنى بس احنا كعياله منعرفش حاجة عن الرفاهية هى مصاريف البيت وشكرا وحتى مصاريف البيت كانت ماما ماشية بيها يدوبك على القد
انا مش قادرة انسى اننا كان عندنا مدرسة خاصة خطوتين من بيتنا بابا مرضيش يدخلهلنا ورمانا فى مدرسة حكومية بنمشيلها ربع ساعة وفى منطقة شعبية ومخيفة علشان ميتكلفش حاجة فى تعليمنا
رغم أن اختى الصغيرة كانت مريضة وعندها إعاقة جسدية بس مكنش عنده قلب ولا بيفرق معاه راحة عياله


هو المفروض أن انا ازاى اوازن بين احساسى بالذنب انى مقطعاه وان ربنا هيحاسبنى على كدة وفى نفس الوقت انا فعلا مش قادرة أشوفه واتعامل معاه تانى
وحتى لو عملت كدة عشان ربنا يرضى عنى ماما مش هتوافق وهعمل كدة من غير ما تعرف
فانا المفروض اعمل ايه ؟