:icon28: بعض الشباب يجيك فيه شطانه العالمين ومقالبهم تفشل احيانا ويبدون يسألون العريس عشان يخططون له :42:
هذا واحد نعرفه ليله زواجه اخوياه بيسوون فيه مقلب لانه هو مسوي فيهم قبل
وش سوو
لما انطلق الموكب والسيارات والبواري تفاجأوا ان الشارع مسكر منهم ولاقدروا يمشون وتاخروا وحالتهم حاله حسبي الله على شيطانهم
لا والمصيبه انه يوم وصلوا الحمدلله بالسلامه وتقهووا وتعشوا وشال العريس عروسته وراحوا شقتهم
وفتح الباب بيدخل الا يلقى الشحم عند الباب وانحاس ثوبه والعروسه تعرفون فستانها يمشي بالارض مترين
هههههههههههه مساكين
وواحد طفوا عليه الانوار ببيته قولي هذي عادي احسن بعد عشان يعيشون جو رومنسي:)
وهذا واحد يوم دخلوا المعاريس شقتهم جاء خويه وشغل الطرطعان عند دريشه الشقه على طول قال العريس لعروسته وهو يضحك هذا واحد فرحان اننا تزوجنا ويضحك مره متفشل مسكينه زوجته كل شوي وهي قايمه من مكانها من الروعه
وواحد كسرواا دريشه بيته < عااااد هذي وقاحه
اخر مقلب يفشل يفشششششششل واللي سواه ابد مايستحي
العشاء وصل للقاعه وجاء واحد من اخوياه وشال الرز وحط ترااااااااب تخيلووووووووا الظاهر ان واحد فيه خير دبر عشاء لهم بس من جد مايستحي اللي حط تراب ومقلب مره فاشل
وهذاعريس بعد قاله خويه بجيب لك عشاء ليله زواجك على حسابي طق عليهم الباب دخل العشاء مزين وحركات ورومنسيه
فتحوا الاطباق ماشاء الله الا وهو مطازيز ومدري وشو بعد شعبيات عاد بالله العروسه بتاكل مطازيز بليله زواجه المعاريس يبون اكلات خفيفه بطاطس سمبوسه نجت كذا حاجات خفيفه موب مطازيز اتوقع قاصدها خويه هههههههههه وواحد يقولون قاله خويه انا على العشاء وليله الزواج طق الباب ومد له العشاء وش صار رز مطبوخ طبعا بكيسه ومعه بصل وجرجير ههههههههههه اتخيل العروس تاكل جرجير وبصل
ياربي الله يفكنا من شرهم بالمستقبل خخخخخ
يلا كل وحده تقول مقالب اخوانها زوجها اقاربها
:icon28:
روانه $ @roanh_2
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
الرجال مسكت معه وقال أبد تحدي .. ماتقدرون تسوون فيني مقلب
تزوج الرجال وتوجه للفندق مع عروسته .. وتوهم داخلين الفندق وجالسين أول ليلة والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان
اخذها وحطها عند العروس .. جلس شوي ورنّ الجرس مرة ثانية راح فتح الباب واثره العامل معه بوكيه ورد وفيه كرت
أخذ البوكيه وحطه بالغرفة .. على أساس إن البوكيه هدية من الفندق لهم استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
ألف ألف مبروك الزواج .. وأتمنى لك التوفيق في حياتك الجديدة
..أموله..
انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
مكتوب فيه :
ألف ألف مبروك زواجك .. ونتمنى لك التوفيق في حياتك الجديدة
أخوياك بالاستراحة ( أموله )
والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!
يعني خربوا عليه أول ليلة في حياتهم .. بسبب هالتصرف !!!!!
وبعض الشباب يحطون مع العصير مسهل وتعالي شوفي المعاريس رايح جاي للحمام
وهذا واحد حلقوا شنبه ليله زواجه عاد يقول خويه من حينه شين وحلقناه وش طلع ههههههههه الله يعين زوجتك