مقبلة على الزواج

مرحباً بنات انا مقبلة على الزواج وعندي اسئلة كثيرة ومنحرجة اكلم امي وخالاتي لان اغلبها عن الجماع لاني خايفه ومتوتره واحس ما اعرف شيء ومابي اتفشل قدام زوجي بيقول ما تعرف شي فقررت اكتبها هنا 🙈

1- اذا طلب مني ليلة الدخلة وانا ما ابغى عادي اقول له وكيف يعني اقول له اعطوني جملة مفيدة، وهل بيزعل اذا رفضت؟ وهل فيه منكم اللي زوجها اجبرها ذيك الليلة؟

2- انا من النوع الي مرره يستحي واحس ابغى اقول له بعد اسبوع نبدا الجماع لان انا من النوع الي ما يرتاح علطول للشخص لازم يمر وقت، عادي اقول له كذا ولا لازم اذا مو اول يوم يصير ثاني يوم؟ وحتى الملابس يمكن البس بجايم اول اسبوع مدري مو متقبله فكرة البس قصير علطول عند شخص غريب التفكير لوحده يجيب قشعريره 🙉

3- وابي البس شيء محتشم بس مو عارفه ايش البس عادي اذا لبست بجامه عاديه؟ولا لازم روب؟

4-معليش ذا السؤال جريء شوي بس مره عندي فضول ومابي اتفشل معاه، اذا بدانا الجماع اول مره كيف اتصرف يعني اخلي القياده له ولا بين فترة انا اداعبه وهل يطلبون منكم يعني ان تداعبونهم ولا غالباً هم بس؟

5- نصايحكم قبل الجماع ايش اسوي وايش الاشياء الي جربتوها وفادتكم وسهلت عليكم التجربة، لازم اكون اكلت شي واذا ايه لازم انتظر شوي ولا؟وافرش اسناني واكل علك ولا؟ وعادي اعطيه علك يعني عشان الروائح ولا بيزعل؟ والميكب ايش اساسيات لازم احطها؟ وحده من البنات قالت لي انتي تنتظرينه ينزل ملابسك تقول ذي عاده عند الكل اذا جا وقته هو ينزل ملابسك 😳
6- اذا بدا يمدحني ومثلا يلمس شعري ايش اسوي اصير جريئه زيه يعني وامدحه والمسه ولا بس اطالع احس ذي بتكون احرج لحظة وبتصرف زي الهبلة 😭🤭
7- واذا لبست وكل شيء انتظره في الغرفة ايش اسوي عشان الوقت يمشي؟ عادي استخدم جوالي لان احس اذا جلست ويدي فاضيه بيقول تنتظر يعني احس ابغى اسوي نفسي مشغولة بشيء مدري والله متوتره مره وخايفة دعواتكم زواجي بعد 9 ايام 🥺🙏🏻