مقبله باذن الله علا حقن مجهري المجربات ينصحوني

لجودة التبويض انصحك بغذاء ملكات النحل كبسولات يجيك بعلبه اسطوانيه بالصيدليه سعره تقريبا 150 العلبه تكفيك شهر مع حبوب حمض الفوليك 5 ملجم الغذاء: قللي كربوهيدرات و وقفي قهوة زي نسكافيه وغيرها لان الكافيين عدو للتبويض اشربي زنجبيل شاي اخضر واعشاب وحاولي اذا وزنك زايد تنزليه واهتمي بالدوره الشهريه الرجل لازم يحلل وعلى ضوء التحليل ياخذ علاجه انتي اعتقد ثاني يوم الدوره الشهريه اللي ناويه تسوي فيها العمليه يسوون لك تحليل الدرقيه+ هرمون الحليب + هرمونات التبويض lh+fsh + استروجين + بروجسترون طبعا اذا فيه تحاليل اضافيهيكتبها الدكتور بس هذي المهمه يطلبوها لو عندك مشكله تكلفتها حول 2000 ريال ممكن تعمليها بمستشفى حكومي ، فيه فيتامينات لك ولزوجك اسمها ويل مان هذي للرجل ويل وومن هذي لك فيتامينات للاخصاب سعر الوحده منه 70 ريال ولاتنسين الماااااء افضل شي للبويضه والرحم اعتقد هذا اللي اعرفه من تجربتي اتمنى اكون افدتك

الله يرزقنا وإياك

زوجك لازم علاج فيتامينات ويعيد التحليل بعد 3 شهور لان العينه تحتاج من شهرين لثلاثه لحد ما يتغير الانتاج ولازم تعيدو التحليل علشان لا تنصدمو بعد السحب.
انتي خطي فوليك اسيد من الان. وانصحك كل التحاليل الغدد والامراض الوراثيه والاجسام المضاده بالدم والرحم والفيتامينات والهرمونات.
وتبدو انتي وزوجك تهتمو بتغذيتكم المويه مره مهمه والعصاير الطبيعي ويكون الاكل صحي ومن غير غازيات ولا وجبات سريعه وتخففو الكافين والمنبهات ولو مدخن يخفف ولو تقدرو تمشو لو 3 مرات بالاسبوع يحرك الدوره الدمويه. ثم تصدقو وتوكلو على الله.
فيتامين دال مهم اذا عندك نقص والكالسيوم. من الصيدليه بس بالاول تعملي التحليل علشان تعرفي الجرعه اللي يحتاجها جسمك
بالتوفيق

نصيحتي لك عن تجربة
اهتمي بنفسك لان انتي المتلقي
ترى في الغالب مايفرق كثير عينة الزوج لان هم اصلا يغسلوها وياخذو منها الممتاز و النظيف و و و وغيره يعني حتى لو عنده مشاكل خفيفه ان شاءالله مايأثر
لكن انتي اللي يأثر معاك نجاح العملية او فشلها الله لايقوله
لان انتي المتلقي لازم تكوني سليمة
هم طبيعي بيسولك تحاليل هرمونات غدد و هرمون الحليب و متابعة تبويض و هالاشياء
لكن مارح يسوولك تحليل اجسام مضاده او تحاليل للرحم انتي سويها كلها بنفسك اطلبيها


لان عرفت وحده سوت العمليه 6 مرات وكلها تفشل و بعدين دكتورتها استوعبت وسوتلها تحليل اجسام مضاده وطلعت هذي مشكلتها وهي سبب الفشل بعد ارادة الله طبعا
فأنتي خذي بالاسباب وسوي اللي عليك
من الان خذي حمض الفوليك و خذي من الصيدليه فيتامينات
غير كذا الموووويه اشربي مويه قد ماتقدري
و اكلك لازم يكون صحي ولو بنسبة مو ضروري كل يوم عادي ممكن تخبصي بس الفاست فود ابعدي عنه تماما ترى عدو لنجاح العملية والسكريات كمان والدهون
اسمعي كلام الدكتور زين ف الادوية خذيها بوقتها بدون اهمال او اتساهل لانها كلها ادوية هرمونات
و بوقت العملية اثناء السحب والترجيع والانتظار لازم لازم لازم ترتاحي اليومين الاولى راحة تامه حرفيا يعني بس الحمام الله يكرمك وترجعي ترتاحي لان بتكون هالايام هي ايام التعشيش وبوقتها ياتنجح العمليه ياتفشل ركزي ع هالنقطة
وبعدها لازم تنتبهي لاكلك الصباح تفطري و لازم تتغدي وتتعشي مو ثقيل لكن لازم تاخذي الوجبات كلها باعتدال
عن نفسي انصحك فطور بيض مع شوي جبن ابيض وخيار < ترى الخيار مهم ويساعد ع ثبات الاجنة
والغدا والعشا انصحك بشي مسلوق خضار او لحم براحتك بس لاتكثري بهارات حاولي تخففي
اقطعي الشاي والقهوة و الزنجبيل والتمر و القرفة والنعناع
اذا وزنك زايد نزليه ف هالثلاث شهور يعني لازم تبدئي تهيئي نفسك لاستقبال النونو
خليك متفائله ترى النفسيه مهمة جدا جدا
واخر شي ( تأكدي ) ان الله اذا اراد لامر ان يتم قال له ( كُن فـ يكون )
الجئي لله ومارح يردك


وسامحيني قرقرت كثير

الله يسعدكم بنااات والله دكتورتي ماقرقرت علي زيكم تدور الفكه مني باذن الله راح اسوي الي قلتو عليه واطا احد عنده معلومه زياده تكتبها الله يكتب اجركم