السلام عليكم
أنا مقبله على زواج باقي على زواجي شهر وأحس نفسي مسدوده
مهر قليل و خطيبي وظيفته ع قد حاله تقريباً 4000 ريال
مره متحطمه والنفسيه زي الزفت وفوق هذا كله حتى أبوي هذي الفتره يمر بظروف صعبه ومايقدر يساعدني
والله فيني غصه وافكر أنا وش ناقصني عن غيري !
لاتقولون ليش وافقتي عليه وهو راتبه قليل بإختصار هو قريبي وفي نفس عمري ومن زمان لما كنا ندرس في الجامعه وهو معروف انه بيخطبني وقريب تخرجنا وتعرفون مافي وظايف زي الناس كلها رواتبها قليل واستخرت وعاد خلاص كل شي تم
المهم أنا مره ضايق خلقي كيف بتزوج وانا بهذي الحاله شايله هم المستقبل 😔
كيف ممكن اغير نفسيتي ؟ حرام انكد عليه اذا رحت عنده لأني مهمومه من كل الجهات ( نفس الاسباب الي ذكرتها فوق + هم وخوف من الحياه الجديده )
ورجاء الي عندها كلمه حلوه تقولها ولا تلومني وتزيدها علي
وشكراً 💕💕
Diima10 @diima10
عضوة نشيطة
يلزم عليك تسجيل الدخول أولًا لكتابة تعليق.
حبيبتي عمر الفلوس ماكانت مقياس للسعاده ياما ناس عندهم ملايين ومرضي او مهمومين وش نفعتهم فلوسهم انتي الي تبنين حياتك وسعادتك بنفسك وبكره ****لله ربي بيرزقك وظيفه وتاخذين كل الي نفسك فيه بس لا تربطين حياتك بالماديات واذا الله رزقك بزوج حنون ويخاف الله صدقيني بتصير حياتك جنه
بتول~
•
الله يوفقك يارب بحياتك وﻻ تشيلي هم ربي ييسرها دايما وتفرج ..ﻻ تفكري بالمستقبل ليش تشيلي هم شي بيد ارحم الراحمين ممكن كنتي تاخذي غني بس كنتي تضمني مايصير فقير بيوم فليش التفكير يااختي ..وزوجك راتبه زين باذن الله ﻻنكم توكم باول حياتكم وربي باذن الله بيبارك فيه ..ومبروك وان شاء الله تطلعي احلى عروس بالدنيا والله يسعدكم ويبارك لكم بحياتكم
إذا معه شهاده جامعيه أن شاء الله يتوظف ... مع الوقت . لو بعدين .... الله يرزقكم من واسع فضله
طيب انت ما تقدم لك غيره و صراحة لا تجاملين احد هذا خيارك لباقي عمرك خلاص هذي فرصتك الوحيدة
و من البداية ليش كنتو موافقين بس عشانه يقربلك يعني ؟
اذا انت همك وضع مادي احسن لا توافقي الا اذا كان من النوع الطموح و اللي يعرف كيف يجيب دخل بس حاليا اموره معكسه عليه
و من البداية ليش كنتو موافقين بس عشانه يقربلك يعني ؟
اذا انت همك وضع مادي احسن لا توافقي الا اذا كان من النوع الطموح و اللي يعرف كيف يجيب دخل بس حاليا اموره معكسه عليه
الصفحة الأخيرة
وفيه حديث الرسول صلى الله عليه وسلم فيما معناه
ان اقلهن مهور اكثرهن بركه..