انا من المهتمات بالبيئه واحب احفظ عليها
لذلك عندي افكار اعملها بالبيت للحفاظ عليها
وتتلخص في اعادة استخدام ما يكون عاده للرمي
1-علب الحليب البودره الصغيره احسن حافظ لفحم البخور عن الرطوبه اما العلب الكبيره احط فيها فحم الشواء
2-علب الزبادي اللي بغطاء اغسلها واستخدمها بوضع بقايا السمك والدجاج النيئ واللحوم حتى لاتنتشر رائحتها ببرميل القمامه عز سامعكم وتبعدينه بعد عن انف القطط الفضوليه !
3-علب الكلينكس الفاضيه بعد لها مكان كيف؟
اكيد كلنا عانينا من حفظ اكياس البقالات النايلون ؟
انا اطوي الاكياس بحجم ورقة الكلينكس وادخلها بالعلبه!والله تنملي لحد ماتتخيلوه ولما اجي اسحبهم تطلع براحه 0000عمليه ممتعه ومرتبه للغايه بدل درج مكوم بالاكياس او كيس كبير مليان اكياس صح؟
4-علب البيض النايلون اوالفلين خليهم للاولاد للتلوين بالالوان الزيتيه والمائيه فيهم
5-علب صابون اليد السائل افرغ فيها صابون الصحون اللي الشغالات يلعبون بحسبته
وامليهم بعد بصابون العبايه لسهولة الاستخدام والتوفير
6-كراتين الاحذيه بس اللي تكون سميكه احفظ فيها اكياس التسوق الحلوه اللي حق الملابس
وبعد اضع في اللي اشكالهم حلوه قصاصات الصور اللي يحتاجونها اولادي للمدرسه والحضانه
الموضوع له تكمله
بفتش بادراجي يمكن نسيت اذكر شي:23:
متابعه لموضوعي00000
1-صناديق الفواكه الخشبيه احفظي فيها ما لا تستخدمينه من صحون واكواب بعد لفها وبتكون بمكان واحد ما تاخذ حيز بالمخزن
2-الصناديق البلاستيكيه حقت المشمش واليوسفي ضعيها في الدرج اللي اسفل حوض المطبخ لترتيب المنظفات وفراشي التنظيف وعلب الصابون وبتكون مرتبه للغايه وممكن تحطينها فوق بعضها
3-قناني زيت الزيتون الفاضيه اغسليها وفرغي فيها زيت القلي اسهل بالحمل واخف من القنينه الكبيره
4-كارتون البيض ما ارميه اضعه اسفل كيس القمامه الله يعزكم (الكيس اللي مليان) لحين التخلص منه حتى لو صار تسرب لاي شي مايلوث الارضيه
5-علب افلام الكاميرا اللي شكلها اسطواني افضل مكان للابر والدبابيس
6-الورق اللي بيكون في الحذاء الجديد لمعي به الزجاج بدل الجرائد(اجمعيه كل ما شريتي )
7-اسطوانة القصدير او الورق الحراري ضعيها بالمقاس المناسب في رقبة حذائك البوت الجلدي عشان ما يتكسر الجلد وخصوصا الناعم
8-علب السندويشات اللي من الفلين استخدميها للفريزر لتخزين السمبوسه والسبرنغ رول خصوصا وبيضل مرتب
9-الفوط اللي عفا عليها الزمن لاترمينها اعملي منها كيس بحجم اليد لتلميع الحذاء بعد طليه بمعجون الاحذيه بيسهل التلميع كثيرا
10-كاسات النودلز البلاستيك او الكاسات اللي جبتي العصير فيها من المطعم اغسليها وخلي واحد جنب حوض الغسيل لما تشتغلي بالمطبخ وارمي فيه بقايا الطعام والقشور عشان يضل الحوض نظيف وما تقفزي كل دقيقه لسلة المهملات!
برجع لكم بافكار من بيتي
نكوشه @nkoshh
محررة
يلزم عليك تسجيل الدخول أولًا لكتابة تعليق.
DeSiGnEr_StYliSh
•
افكار.. عجيبه .. تسلم إيديج :26:
الصفحة الأخيرة