مقتطفات هــــــــــامه من فيافــــــــــــي

فيه اشياء وانا اقرا من نظام فيافي فادتني وقلت لازم انقلها
لكم للفااااااااااااائدة
ونبدأ
بالكبو طبعااا انا جبت النظام من النهااايه

لان اشياء البداية معروفه

اما البخور وهو مايسمى عندنا( بالكبو) يستخدم في الأيام الأخيرة افضل شي تسوينه كل ليلة قبل النوم وتتبخرين فيه وتجدينه عند العطار لان الكبو نوعان : كبو هواء وكبو شمم . استخدمي كبو الهواء.كبو الهواء(بخور النفاس) مكون من (خوا جوا +مرة +كمون + حلتيتة(رطبة أو يابسة) + محلب+ قشر بصلة + هد ب اثل + فلفل هواء + عود هواء + ورق حنا) انا اعطيت المكونات وممكن انتي تكونينها,( كبو الهواء مافيه مقادير معينه, لكن خذي من كل نوع مقدار قبضة اليد واخلطيهم مع بعض واذا جيتي تتكبين خذي من المخلوط مقدار ملعقتين كبار وحطيهم على الفحم ووقفي تحت المدخنه او ممكن تحطين المدخنه تحت كرسي مفرغ وتجلسين على الكرسي وبكذا يدخل الكبو


عند التبخر بالكبو البسي ملابس واسعه بدون ملابس داخليه تحتيه وتغطي جيدا بشرشف وبعد التبخر اذهبي مباشره للفراش مع التغطي جيدا ( طبعا ارتدي ملابسك الداخليه وانتي بالفراش ) ويجب ان تتكببي قبل النوم مباشرة والافضل بعد ارضاع الطفل وبعد نومه ولاتقومي بشغل ,على طول ارتاحي وتغطي للنوم.. ولاتتبخري في نفس الغرفه
اما كبو الهواء الجاهز اخاف يكون معاه اشياء تخرب واهم شيء اذا كان معاه شيء لونه احمر زي الخرز شيليه مو زين. (فلفل الهواء والحلتيته وهدب الاثل) هذولي مع الكبو اذا ما تبين تسوينهم فممكن تحذفيه

-------------------------------------

تحميلات المهبل(من بداية النفاس إلى آخره وهي للمتزوجات فقط ,ولاتستخدم مع اللولب):ملاحظه (تستخدم للمتزوجات فقط ) استخدميها من أول يوم لانها تعمل كمطهر للجروح وكمنظف وطارد للدم الفاسد .
استخدميها كل يوم وإذا بغيتي يوم ورا يوم ,

اطحني مقدار( .م.ك.مره +م ك محلب+ فنجان ملح خشن أو ملح فارسي)واعجنيه بعسل طبيعي ان وجد لحد مايتماسكون وكوريهم كبر حبة نوى التمر ويبسيهم يومين(انشريهم في تيارات الهواء وبعد ماينشفون) احفظيهم في مكان جاف ومو شرط الثلاجة كل ليله ضعي تحميله واحده صغيره كبر نوى التمر ( اصنعي كميه تكفي نفاسك)اوحيضك, التحميلة بنفسها بتذوب داخل الجسم وتنظف كل اللى داخل ,( التحاميل كل فترة النفاس حتى لو طهرتي وصليتي لان الارحام مازالت طريه وبحاجة للعنايه ويجب على الوحدة تجنب الزوج فترة الاربعين حتى لو طهرت, التحاميل تستخدم اثناء الدورة او بدون عادي) والله انا ما اتقيد انا بمقادير اقدر تقديرولكن ممكن انك تقللين المرة او تزيدين الملح او العكس
(م.ك مرة+م.ك محلب+ فنجان قهوه ملح) وتعجنيها بعسل وتكورينها وتخلينها بمكان فيه تيارات هواء لمدة يومين وبعد ماتنشف تستخدمينها.

ممنوع استخدام التحميلات مع الولب يخربن اللولب, واللي مركبة لولب :مافيه اي شيء اذا تركتي التحميلات واهم شيء الادويه الداخليه السفوف والشاي والاهم انك تتقيدين بترك الممنوعات والجوع اثناء الدورة والحيض وان شاء الله بتشوفين بنفسك
الفرق لما تخف المويات والرطوبة ولكن استمري ولاتملين (الحامل تتجنب التحميلات عشان ماتسحب موية الطفل وكذلك تتجنب الأعشاب والأدوية عموما)




غسول التشطف للمناطق الدخليه يكون يوميا باستخدام الغسول التالي لمنطقة المهبل وهو:
( ارطا يكسر+ يطبخ مع ماء + ملح) تلاحضين لونه يتحول الى الاحمر لاتخافي عادي ثم صفيه وضعيه في جركل وتوضئي منه يومياَ
( انا اقدرها تقدير ولكن خذي مقدار 3كوب ارطا +1كوب ملح +لتر ونصف ماء واغليهم وهذا يمكن استخدام يومين ومافيه داعي تحطيهم في ثلاجه ولكن اذا كثرتي الكميه احفضيها في الثلاجه ,الغسول مرة في اليوم ايام الحيض والنفاس واكتفي بالتنشف بالمناديل
,اغلي الارطى مع الماء والملح لمدة ربع ساعه وبعدين صفيه واحفظيه للاستخدام لتشطيف تلك المناطق) اذا مالقيتي ارطا ممكن عرن او اكتفي بملح وماء

--------------------------------------------------------------------------------بالنسبه للنظافه : ممكن الاستحمام كل اسبوع بس علي السريع وانتي واقفه تحت الدش اما يوميا فتغسلي من الرقبه الي السرة فقط بماء وصابون عادي وتجنبي وصوله الى المناطق الأخرى, التغسيل بالماء او الصابون وقت الحيض او النفاس من مسببات الخراب ولكن في الاوقات العادية غسلي بماء وصابون عادي ولكن تجنبي الشامبواو الصابون المعطر انا شخصيا استخدم (صابون ديتول) بس مو دايماواحرصي انك تنشفي المناطق هذي بعد التشطف بمناديل أي نوع لان الفطريات والبكتريا تحب تتجمع في المناطق الرطبه الحارة وهذا من المساعدات على حصول الالتهابات
وان شاء الله الي تتبع الكلام السابق سوف تدعيلي وقد تكون بعض النساء خربانة وتلاحض خروج الكثير من السوائل من المهبل لاتخاف وتستمر على ذلك كل حيض وسوف تلاحض الفرق بعد الشفاء ان شاء الله, و النظام السابق اللي انا وضعته ماتتخيلين مفعوله وخاصه التمرة مع الرشاد والسمن البلدي ,والخراب عشان الوحده تطيب منه ميه بالميه لازم يكون بعد نفاس بس اذا الوحده سوت النظام لمدة اربعين يوم عادي تكون بأذن الله نسبة الشفاء ثمانين بالميه وهذا تقدم ومع الدورات ترجع مثل اول واحلاواهم شي صحتها قبل كل شيء




ولاكن ارجع وانبه ان الجوع او الرجيم في تلك الفترة ممنوع .لابأس با لسمك والروبيان,
تهتم بنفسها اثناء الدورة وتتجنب البارد والمشروبات الغازيه والممنوع من الفواكه والخضار من الردود الماضيه وتستخدم السفوف وشاي الاعشاب والتمرة مع الرشاد مهمه

(طريقة النظام اللي انا كاتبته هو افضل شيء لان كل حاجة محسوبه يعني توقيت هضم المعده وتوقيت امتصاصها للادويه وتوقيت الفائدة من
هذه الادويه.خلطات بأذن الله ماتضر ابد وجميع النظام السابق يصلح للبنت الا (التحميلات)).






احرصي على: إضافة الفلفل الأسود كذلك اللوبياء الحمراء مع المرقوق أو المطازيز وإذا عندك فقع (كمأ) ضعيه مع أكلك ,واعتمدي على البر لأنه جدا مفيد و الماش ممتاز, والعسل ايضاممتاز , استبدلي السكر به(في حالات الكسور والجروح الصعبه نمنع المصاب من اكل السكر لانه مايساعد على التأم الجرح او الكسر وننصح بالعسل الطبيعي لانه يساعد على تكون الانسجة التالفة. عشان كذا قليل مانستخدم السكر في النفاس او الحيض ونلجأ الى العسل الطبيعي .)

المقلقل: اللحم ومرقته لما تكون ثقيله ,

المطازيز: مثل المرقوق بس العجينه تكون اصغر , وانا افضل البر لانه مايسمن ولا يساعد على تكون الشحوم في الجسم وهوافضل بكثير من الابيض وممكن انك تأكلين اللي تبين واللي تحبه نفسك ولكن تتجنبين الممنوعات وممكن تاكلين اسماك وروبيان ولحوم وطيور عادي ولكن الممنوعات من الخظار والفواكه ,اما الرز مايفيد ابد بس يكبر البطن(المجبوس). اما شرب الماء مايضر بس لاتكثرين منه على جوع او بارد وهذا الاعتراض ليش؟
لان الماء يكبر البطن و احتباس السوائل ولان كثرته تسبب خراب للارحام اشربي بالمعقول لاتكثرين ولا تقللين



----------------------------------------------------

تمارين كيجل
فى البدايه كانت هذه التمرينات التى وصفها الدكتور ارنولد كيجل استشارى امراض النساء والولاده لعلاج النساء اللاتى يعانين من سلس الحذق( هروب بضع قطرات من البول اثناء اى حذق او عطس او ضحك..) وخاصه بعد الولاده وكان الغرض الاساسى تقوية عضلة التحكم بالبول وبعد مده من التطبيق اخبرته العديد من النساء اللاتى يتابعن هذا البرنامج انهن اصبحن يمارسن ويتمتعن بالجنس بشكل افضل من ذى قبل وبشكل ملحوظ ولما تحرى هذه الملحوظه وجد ان اكثر من 70% منهن قد لاحظ ان الاداء الجنسى لهن تحسن جدا وذلك من حيث الوصول للنشوه والاثاره والاندماج وبعد نشر هذه التمارين وجد ان نفس التأثير لوحظ لدى الرجال! وتبين ان هذه التمرينات تزيد من تحسن الدوره الدمويه فى الحوض وان تقوية العضله المتحكمه بالبول يساعد الرجل على تأخير القذف بشكل واضح كما انه يحسن من الانتصاب فى حالات الضعف البسيطه لدى البعض وان مجموعة العضلات التى تقوى بهذه التمرينات هى نفسها مجموعة العضلات التى تنقبض اثناء النشوه لدى الرجال والنساء على حد سواء ومن هنا بطل العجب
وصف التمارين تخيل نفسك تتبول واثناء التبول اردت فجأه ان توقف تيار البول( دون ان تستعمل يديك) انك تعصر العضله تقبضها هذه العضله تتحكم بخروج البول . هذه العضلات التى اعطيت لها الامر بالانقباض هى المقصوده بهذا التمرين : هناك عدة طرق لاداء ذلك سنختار اثنان منها الطريقه الاولى: الضغط(كأنك توقف البول) والارتخاء بسرعه من 10-20 مره متتاليه ثم راحه لمدة دقيقتين ثم ادائها مره ثانيه ثم راحه نفس المده السابقه ثم ادائها مره ثالثه ثم اداء كل ذلك 3 مرات فى اليوم لمدة 3 اسابيع على الاقل, الطريقه الثانيه: افضل وذلك بالضغط(كأنك توقف البول) وتستمر فى ذلك وانت تعد حتى 10 ثم الارتخاء نفس المده ثم الضغط نفس المده وتكرار ذلك 3 مرات وتكرار كل ذلك 3 مرات باليوم لمدة 3 اسابيع على الاقل وينتظر ظهور نتائج ايجابيه خلال اسبوعين من بداية التمرينات



منقوعه المحلب والمرة والعنزروت ممتازة بس في الايام الاولى قللي من المحلب وبعدين في الايام الخيرة كثري منه

السفوف (كلمة سفوف تعني أي شيء مخلط ومطحون ناعم قدر المستطاع, ويسف (يأخذ ناشف ويبلع))بملعقه بلعيه وراو الشاي وعادي حلي الشاي بعسل طبيعي افضل(لاتخلطين السفوف بالحليب السفوف يكون مطحون وتأخذين بملعقه أو ملعقتين وتبلعينه وعشان يروح ميلزق بالحلق تشربين وراه حليب )

شاي الأعشاب الميرميه والقيصوم ضروريات ولكن ممكن تستغنين عن قشر القهوه

الرشاد: حب(بذور) وهي صغيره ولونها بني ولطعمها لذعه واذا وضعتيها في ماء تصبح لزجة.
ينشف الدورة بدون تنظيف عشان كذا نستخدمه مع التمر بس اول ايام الدورة وفي الايام الاخيرة نستخدمه مع التمر ومع السفوف, الرشاد ممتاز وينظف ولكن يستخدم في الايام الاخيرة احسن وياليت تشوفين تدرج وضعي للدواء فانا اضع الرشاد مع التمر من اول الايام ولكن ما اخلطه مع السفوف الا بالايام الاخيرة. التمرة مع الرشاد والسمن البلدي حافظي على اكلها, ممكن تستغنين عن السمن بزبده ولكن السمن البلدي افضل بكثير , وإذا ماتحبين السمن بس اطبخي التمرة واضيفي الرشاد(بس ماظنيت بتنفع كثير)

قشر البصل لا مو هو اذا عندكم بالبيت بصل خذي قشرته اليابسه وهي اللي انا اقصد

الحبه السوداء (= الحبة السمراء) مع السفوف تطحن , لكن مع العسل لا ماتطحن.

المرة اذا كانو قديمات اصبح لونهم اسود

الصبرة اذا كانو قديمات اصبح لونهم اسود

الفلفل الاسود ممتاز مع الشوربات والايدامات والمرقوق والمطازيز ,والعسل ايضاممتاز لكن معمري انا خلطتهم مع بعض (النغز اللي تحسين فيه فأكثري من الفلفل الاسود مع اكلك فترة الدورة)

قشر الرمان معروف كعلاج لقرحة المعده , الحريم اللي يستخدمونه يمدحونه ولكن انا ما عمري استخدمته

الشبة: احذري الغسول يخرب اما الشبه والعفص هم الخراب وانتبهي تستخدمينهم انتي او أي واحدة من خواتك لانهم تشدون اول الوقت بعدين يخربون الوحدة خراب شديد

الحبة الحلوة : هي نفسها الشمر,

العنزروت: زي التراب وهولونين حليبي واحمر(زي الحصى الصغير جدا) وما يحتاج تشيلين منه شيء. وطعمها مر ,واذا غسلتيها تلزق مع بعض واذا نقعتيها يكون لونها مائل للعكر وتذوب جزئيا اذا طولتي ناقعته(لمدة يومين),العنزروت لاتطحنينه
---هل شرب منقوعة العنزروت في ايام الدورة ضارة لاني سمعت أنها ترخي؟ لا منقوع العنزروت ان شاء الله مايضر لانه منظف للمعده والامعاء ولا يضر ابدا لكن يكون مكون من(عنزروت+مرة+شوي محلب) ويشرب يومياَ

العلك المر: طعمه مر وشين وهو دوائر صغيرة مو زي العلك المستكه.

النونخه تشبه الى حد كبير حبة الحلوة ولاكن لها لذعه شوي وطعمها حالي

الماش: ممتاز جدا جدا وقت الدورة ولا يهمك استخدميه وهو مو مثل الصك واللك فرق السماء عن الارض. الماش حب زي حبة الوبياء لونه اخضر وهو ممتاز ويضاف ممكن مع المرقوق او المطازيز او يطحن ويضاف الى السفوف (الماش ممتاز يجبر الكسور ويكثر الدم ويقوي العضلات ويشدها) وهو ممتاز للعضام والجروح وتقدرين تأكلينه في اي وقت

الكركم له فوائد يقولون عجزنا انه ينظف الكبد والمرارة

الصك والك والعفص تجنبيها فهن الشر والبلا هن الخراب بعينه لانهن يزينن اول مرة وبعدين يخربن
الصك والك معروف يخرب وشكله زي الكلوه لونه بني واملس هذا ياساتر منه يسبب الخراب بشكل مرعب.
العفص: التبخر بالعفص سمعت عنه لاكن لم اجربها ,احذري :لاتأكلي العفص مع سفوف نصيحه((( اياك ثم اياك وان تأكلي العفص مع سفوف)))لأنه يزين اول مرة بعد اكله ثم يدمر المائة تدمير ويخربهاسواء حمستيه او طحنتيه احذري :الغسول بالعفص يخرب اما الغسول فيه ماأنصح به لأن مفعوله مثل الشبه وهي للاسف تخرب , العفص لا تستخدمينه والله العظيم يخرب يخرب يخرب


الخوا جوا: تشبه أعواد القرفه وقشرتها خفيفة ولونها ادعم او أحمر غامق ممتاز لكل شيء ونحن نستخدمه كاكبو وممكن تطبخينه مع زيت زيتون وشوي بصله كمدلك للبطن وممكن يخلط مع شوي ارطاء وملح للجروح او القروح وممكن مع محلب للثه وله عدة استخدامات


الحلبة: (الحلب = الحلبة)في السفوف يكون مطحون في الايام الاولي وفي الايام الاخيرة تحذفينه من السفوف
احذري : الحلب يستخدم العشرين اليوم الاولات من النفاس او الثلاث الايام الاولى من الحيض واذا زدتي عن المده المعطاة سوف ترتخي عضلات الارحام والمطلوب شد الارحام بعد الترهل اللي تعرضت له بسبب الولادة او الدورة.


المحلب: يختلف عن الحلب ينشف وينزل المويات بس مايستخدم إلا في اخر ايام الدورة او20 يوم الاخيرة من النفاس(ومع ذلك فقد وضعته في النظام من البداية ),وكان ردها:المحلب وبالكميه اللي ذكرت وهي ملعقه صغيره ماتضر على العكس تبعد الشمم ولكن الهدف من عدم تكثير المحلب في الايام الاولى هو انك ماتنشفين على خراب لان المحلب ينشف واذا تقيدتي بالمقادير ان شاء الله بتشوفين الفرق والمنقوعه ممتازة كل ايام النفاس عشانها تنظف المعده والله يقومك بالسلامه ولكن اهتمي بنفاسك القادم زين لانه باهتمامك ممكن ترجعين بنت :)


الارطا: جذوع نبات صحراوي معمر معروف وهو مجود في الرمال الصحراويه ويكون على شكل اخشاب (اغصان) تكسريها ثم تطحنيها وهو ممتاز للجروح, اتمنىانك تحصلينه ودوري عنه في محلات العطارة اللي يعمل فيها كبار السن من السعوديين .ويكون بصورته الرطبة الطازجة أو ناشف ,ونحن نستخدمه وهو ناشف.
الارطاء اكيد بتحصلينه بحفر الباطن اذا تقدرون تمرونها لانها هي اقرب شيء للشرقيه والكويت :26:


الكبو وقت الدوره الالم وقتها طبيعي لان الارحام تدفى وتنزل الد الفاسد انتبهي: الكبو يستخدم في الأيام الأخيرة من الدورة والنفاس(من الأسئلة :البخور يستعملونه الحريم في آخر الايام حتى ينشف الرطوبة عندهم .... لكن هي تبخرته من أول يوم بعد الولاة مباشرة واستمرت عليه 20 يوم فطبعا دائما رطوبة عندها وارتخاء كبير ..في المنطقة )


كبو الهواء مخلط من مجموعه من الاعشاب مثلا أعواد هواء , فلفل الهواء يشبة هيك الفلفل الاسود
كبو الهواء ممكن انك تلغينه وتتبعين النظام عادي واي فرصه تحصلك جيبيه واستخدميه ولكن كثري الفلفل الاسود في اكلك

(كبوا الشمم): وهو بخور مخلط من( محلب+مرة+حلتيته رطبة+ خواجوا)



المكروشه اول مرة اسمع انها تسبب تجاعيد, انتي اذا استخدمتيها مثل البخار للوجه وبعدين مرة واحدة تستخدم في النفاس اذا الوحدة شكت ان نفاسها مو تمام , وهي ممتازة جدا بس تبي الحذر والتعامل الجيد مع البخار عشان متسبب حروق وطريقتها:
خذي كرش ذبيحة غنم لاتكون مقطعه يعني على شكله ,غسليهاونظفيها وبعدين احشيها بأدويه مثل:كمون +فلفل اسود+حبة حلوه+دارسين(قرفه)+حلبه +محلب+نونخه ماش+قيصوم+شيح+يانسون+ميرميه+حزاة+الحبة السوداء+قرنفل) وبعدين تخيطينها وتحطينها في قدر كاتم لمدة ساعه بعدين تسكرين النار
ولاتفتحين القدر خلي لهواء ينسم مع الفتحه المخصصه بعدين بربع ساعه خذي القدر معك داخل بطانيه وافتحيه شوي شوي واستنشقي البخار واذا تقدرين تاكلين منها يكون احسن وبعدين اجلسي لك شوي انتي ومتلحفه بالبطانيه وخلي احد يروح ويوزنلك الدش على ماء دافي وقومي وانت والبطانيه وادخلي تحت الدش وتروشي ,والهدف انك ماتطلعين من تحت البطانيه عشان ماتتعرضين لتيارات الهواء المختلفه ويكون الماء اللي تتروشين تحته دافي .وكذا تمت العمليه

-------------------------------------------------------------------------------


أما إذا كانت الحالة شديدة يعني تعاني من خروج هواء من المهبل أو خروج سوائل فعليها اتباع النظام السابق لمدة أربعين يوم وكأنها
نفاس حتى وإن لم تكن
باستثناء أنها تستطيع الاستحمام والوضوء عادي (والجماع عادي لكن تخفف ) , وقد يكون علاجها يحتاج مدة طويلة وتستمر على العلاج كل حيضة,


وتري العلاج والنظام يبي صبر لاتفترين او تتهاونين واهم شيءيكون الرحم قوي ويتحمل الحمل لان صحة المرأة من صحة ارحامها
وانا شخصيا اعرف واحدة مهتمه بنفسها وبرحمها وما شاء الله عليها الحين عمرها 50 سنه وماشاء الله عليها تعطينها 35سنه ونشيطه وحيويه.:icon28: وعندها من الاطفال 15 ابناء وبنات واصغرهم عمره 3سنوات. :26:

ولن تصدقن إذا أخبرتكن أن سيدة اعرفها شخصياَ لم تعتني في نفسها فترة النفاس فأصيبت بالهواء والسوائل معاََ وهو شيء خطير جدا لذلك اتبعت النظام السابق بصرامة + استخدمت عشبة تسمى ( جنبة) وشربت مغليها يوميا, وهذه العشبة نوعان النوع الأول تسمي ( جنبة النفود) ولا انصح بها لانها حارة على الأرحام اما النوع الثاني تسمى( جنبة البر) وهي ممتازة وانصح بهاوانا استخدمها في بعض الاحيان , ولكن اتمنى لو اريكن شكلها حتى تعرفنها,......



واهم شيء للخربانة :eek:ان تأكل التمرة مع الرشاد التي سبق واعطيتكن وصفتها ,



والعلاج يحتاج الى صبر لأنه قد يستغرق مدة 4 اشهر وإن كانت متزوجة لاتقول شيء لزوجها وتشاهد فقط انطباعته لأنه ماأن يتعدل وضعها الصحي فإنه سوف يصارحها بأنها مختلفة , وأنها افضل ويزول السبب الذي كان يجعله كتوما معها خاصة بالامور الجنـ...... وبالنسبه للنظام اذا انتي سويته ماكان فيه داعي تمتنعين عن زوجك اذا لم تكوني نفاس او حائض


(الخراب اللي اتكلم عنه هو خراب الارحام وانا اقول فيه بنات ماتزوجو وخربانات لان الداء في الارحام فممكن تكون الوحده ضيقه ولكن الله يخلف من الداخل عدم يعني لزوجات واهترائات وهذا اللي يخوف اما انتي من كلامك السابق طبيعيه لان الواحدة بعد الولاده الطبيعيه تتغير شوي ولكن الشاطرة اللي تهتم بسلامة ارحامها وبكذا تظمن انها بتكون احسن من بنت البيت والله صعب اشرح لان الناس الفكرة اللي عندهم هي فكرة المنطقه الخارجيه بس وهذا خطأ ولا كيف تفسرين انه بعض الرجال مستحيل يفكر يتزوج على زوجته وعندها 7 او10 اطفال وزوج اخر يفكر يتزوج على زوجته وهي ماعندها الا طفلين او طفل وحتي لو كانت قيصري). :22:



بالنسبة للالتهابات والحكه افضل شيء انك تروحين لطبيبة نساء وولادة لان الالتهابات لازم تعالج .



العملية القيصرية:انا جبت بعملية ومشيت على النظام لان الارحام هي الاساس والخراب يكون بالارحام مو بالمهبل.



اللولب بالعادة اللي تركب لولب يصير معاها لخبطه يعني نزيف اصبري عليه واذا تبين توقفين النزيف ( شبه سوداء ويكون حجمه كبر حبة الحمص+ فنجان حلب) اطحنيهم وخذي ملعقه مع كوب حليب على الريق وان شاء الله يوقف النزيف المهم انك حاولتي تهتمين بدورتك وخاصه البرد





انقلاب الارحام والميلان : فلا يعالج بالادوية لانه لابد من الذهاب الى امرأة متخصة

وسلااااااااااااامتكم
:13: