كوبونات الراقية تسجيل الدخول

-أنامل ناعمه-
-أنامل ناعمه- •
القد المياس
يسلمو حياتي
الله يكون بعوني وعونك وعون المسلمين

انا بحاول اجدد نشاطي واصحى من اول الصبح
يمكن تروح عني ضيقه الصدر
الحمد لله اليوم صحيت بدري
واحس اني راااااااااااايقه اكثر من اي يوم
أم بيجامه
أم بيجامه •
-أنامل ناعمه- -أنامل ناعمه- :
يالله حسن الختام يسلمو يابعد عمري والله اول ماابدأ اقعد استغفر واكون بهمه بعدين ابدأ انقهر وافكر بوضعي وحالتي بين هالروائح اللي تقطع القلب وانقهر على حالتي وكل مابديت استغفر ارجع افكر
يالله حسن الختام يسلمو يابعد عمري والله اول ماابدأ اقعد استغفر واكون بهمه بعدين ابدأ...
أول شي يا أختي قولي لاإله إلا الله
قرأت موضوعك وردود بعض الأخوات وردك عليهم

بالبدايه بذكرك بشي امهاتنا وجداتنا كانوا ماشا الله تبارك الله شعلة نشاط في بيتهم ليه لانهم تعودوا هالشي من الصغر .. الأمراض والعلل ماشافوها الا لما كبروا سبحان الله لانو الكبر يأثر وهذا الشي مفروق منه ..
أما أحنا اللهم يا كافي علل وبلاوي واحنا تونا بعز شبابنا اللي يشوفنا على هالتشكي يقول نتكلم عن عجز مو بنات شباب ماشا الله علينا ..
انا مثلك كنت ببيت عز ولله الحمد وكان عندنا الخدامه تروح تجي بعدها خدامه وماكنت ألمس شي بالبيت مااعرف ادبر أموري .. ماأعرف أغسل دورة المياه .. المجلى بشنو ينغسل ؟؟.. الفرن ..الملابس كيف أغسلهم ؟؟
كل اللي كنت أعرفه كيف أهتم بغرفتي وارتبها >> يعني الشهاده لله كل شي يلق فيها لما أستلم تنظيفها ..

ليه نقول علموا بناتكم على الشغل والترتيب من الحين لانو الوحده ماتدري الحياه شنو راح تسوي فيها ؟؟ شنو راح يكون مصير بنتها ؟؟ شنو راح تواجه ؟؟ لاتقولون يكسرون خاطرنا وهم عاملين او مسوين حتى لو عندكم شغاله علميها بعد ماتاكل تلم السفره بعدها .. لما تشوف شي بالارض تلمه .. بيني لها انو هذا مو شغل الشغاله لا هذا شغل كل من يحب النظافه ..

نجي لك :::: اول شي ابدأي جلسات العلاج ليدك لانك راح تجهدينها أكثر ..

ثاني شي لااااازم تلبسين القفاز والله اني ماكنت أعرف أغسل بالقفاز وكنت دايما أسمع هالشي من خواتي واهلي لكن لما تزوجت وبدت معي المشاكل بيديني قلت لنفسي ليه ماأجرب جربت وماحبيته .. بس كل من أشوف يديني ارجع البسه لين صار شي أساسي في أغراض البيت .. يعني كل مره أغسل لاااازم البسه حتى لو ماحبيته لين تعودت عليه ومااعرف أغسل الصحون الا به ماشاء الله تبارك الله والله اني لما مالبسه واغسل الصحون مااخذ راحتي غير لما أكون لابسته هات يا دعك في هالصحون والقدور .. يعني البدايه صعبه لكن كل شي بالتعوووووووووووووووود أفهموها:angry2: ... حتى الحمامات اوعي تمسكين شي بدون قفاز والله حتى احنا نحب لما نشوف يدينا تكون زبده بس لازم تسوين شي مو تقولين كم أتمنى وانتي حاطه يدك مره بالكلوركس ومره بالتايد>> تراه يعدم اليدين .. ومره بالهاربيك ومره بالـ101.. ومره بفانيش وتقولين يديني انعدمت .. استمري على القفاز ودهن اليدين باللوشن او الحليب وبتشوفين الفرق بإذن واحد أحد..

الشي الثالث .. ترتيب البيت لاتجهدين نفسك يابنت الناس كل شي بالبساطه حلو وهذا انتي قلتيها زوجك مو حاس بتنظيفك لانو كل شي قدامه نظيف .. مااقول صيري وسخه بس خلي ولدك مثلا يلعب بالعابه هو بالنهايه طفل .. بتموتين نفسك اذا كل شي يحوسه ترجعينه مكانه تراها العاب مو تحف وصور للمشاهده فقط !!! .. خليه يلعب والعبي معاه بعدين قولي له يلا نرتب يلا نحط العابنا في مكانهم وكرريها معه كل مره وبعدها هو بيكرر معك الكلام بعد ماتقولينه ..

النقطه الرابعه :: الكل تكلم عن مساوئ الخدم وانا معهم لهم بلاويهم بس حرام تجيبن لك احد يقيد حريتك كفايه اولادك الله يخليهم لك لما راح يكبرون بيقيدون لك لبسك يعني لساتك صغيره وتحبين الكشخه .. حددي يوم بالاسبوع جيبي شغالة امك كل أسبوعين مره ترتب لك شي ثقيل .. نوافذ .. مسح خزانات المطبخ .. كوي..مدري شنو بعد طارووووا:p


وبكذا كل شي بيكون تمام:biggthump ..

انتي تقولين أفكر في اللي جاي الحين مافي شي صار الطفل لسى مااستوى كلها فكره براسك انتي تفكرين فيها وربي يكتبها لك ولايحرمك ..
عيشي يومك ورتبيه ونظميه وحاولي تبرمجين نفسك على هالنظام وبتلاقين كل شي بإذن الله زي الفل وراح تستقبلين الضيف المنتظر وتشيلينه بين ذراعك وانتي مبتسمه وتقولين أم بيجامه قالت .. ربي يرزقك اللي في بالك ولايحرمك..

أتمنى أفدتك وحاولي تطبقين هالكلام تعبت وانا أكتب ولا ترا:angry2:
-أنامل ناعمه-
-أنامل ناعمه- •
ام بيجامه
الله يجزاك عني الف خير
كلامك يشرح الصدر
واسلوبك اسلوب اخت ناصحه مو متشمته
يسلمو ياحياتي
انا اليوم صحيت الصبح بدري وقلت الله يطرح لي البركه والحمد لله انجزت اشياء كثير ولله الحمد وكنت نشيطه الين العشا
يعني لو صبرت شوي ومسكت نفسي ومانمت كان انا الان بسابع نومه
أم بيجامه
أم بيجامه •
اووووووووووووووووف خربتيها بنومة العشا بس معليش يوم يوم وراح تتعودين
اساسا بعدين راح تشوفين نفسك تصحين بكير لانك مو متعوده تنامين بكير

بس لاتهملين موضوع العلاج الطبيعي
والله ماقلت هالشي الا لاني ابقي لك الخير والله ييسر أمورك يااختي ويخلي لك زوجك وبنتك وبيتك ويديمك فوق راسهم

لاتشوفين اللي أحسن منك شوفي اللي اقل منك

ونصيحه اقرأي جزء من القرأن قبل تبدأين
وطمنينا بكره عن أخبارك وأخبار القفاز معك :)

الله يشفيك ويعافيك.. والاكزيما هذي ضريبة مابعد الكرف خخخخخ ومحاربتها بالقفازات خخخخ
-أنامل ناعمه-
-أنامل ناعمه- •
السبت يبدأ الكرف الجديد
بروح اشتري لي قفازات المطاط
لان القفازات الطبيه تنقطع بسرعه وتطلع اصابعي تطل منه