عشان تقتنعي اكثر باقول لك تجربتي مع الشغاله اللي جبتها بعد مايبست راسي زيك اللحين واقنعت زوجي اللين راضاني وجابها
المهم بيتي زي بيتك بالتمام وزي وضعك كان عندي ولد وفوق هذا كله حياتي ترحال مابين الطايف وجده بين اهلي واهله اوقات الاجازات
قررت احمل وحملت الحمدلله وتحملت شغل البيت والسفر رغم انه كان ع فترات متباعده في الشهر مره بس على مضض
وقلت لزوجي ****لله اذا ولدت عند اهلي ترا مابطلع بيتي الا والشغاله معايه قال طيب ابشري بس انتي قومي بالسلامه
ولدت الحمدلله وجبت بنوته زي القمر ماشالله وصار اللي ابغاه وطلعت بشغالتي وانا باتشقق من الفرح اخيرا افتكيت من شغل البيت وخصوصا اني كنت مقبله على رمضان
المهم عدا رمضان على خير وماحسيت بشي بالعكس الشهاده لله ارتحت كثير عاد تعرفون كرف رمضان ومع رضيعه وطفل ثلاث سنوات؟؟ ياويلي
المهم بعد رمضان بديت اني احس اني مخنوقه في بيتي
لازم احسب حسابها في بيتي في كلامي مع زوجي عاد انا من النوع اللي فله اتكلم بصوت عالي وانكت واضحك براحتي واونس نفسي
بس لما كانت موجوده قسم انه حتى الهمس تسمعه وتعرف كل شي
ولبسي تقيدت فيه كثييييييير وحركاتي مع زوجي وتمر من الصاله في كل وقت حتى واحنا ناكل صراحه تضايقت كثير نبهت عليها بس برضه تنسى احيان
صراحه هي كانت جدا محترمه وتذكر الله في كل وقت وتسمي وتسبح ذكر الله دايم بلسانها
بس شوي شوي لاحظت ان ولدي بدا يحبها لانها تلعب معاه كثير وتهتم فيه لاني غصب انشغلت شوي بالبيبي وانا انسانه اهتم انو اطفالي مايقعدو عند الشغالات كثير احبهم حولي بس بديت الاحظ انه ماعاد يسمع كلامي وبدا يردد ىنفس كلامها كويس!!كويس ياماما
صراحه انقهرت
ولما امر من عندها وهي تلعبه لاحظت انها تجلسه بحظنها وهو يلعب مره قهرتني حركتها ليه الشغله غسيل مخ يعني صرت اناديه من عندها بس برضو صار منساق لعالمها
صار بيتي نظيف ويلق وارتحت نعم بس نفسيتي زفت وبس افكر ليه انا محاصره منها كذا
الين جات الطامه الكبرى
يوم جيت بنام انا واولادي في غرفتي
وبعد مانيمتهم وكل شي حاولت انام ماقدرت طار النوم قلت خليني اطلع الصاله واشوف تلفزيون الين يجي زوجي من سهرته
شغلت التلفزيون وخليته ع الصامت اتابع فلم اجنبي
وانا مخليتها تنام بالمقلط جنب الصاله ومقفل عليها وعندها حمام خاص فيها
المهم الابديت اسمع حركه غريبه بالمقلط كأنها تتقلب بالفراش!!وصوت تنهدات واهات
قربت اكثر من الباب وبديت اسمع
الا والله يابنات كانه وحده سعوديه عندي بايته بالمقلط مو اندونوسيه تتكلم بجوالها كلام حب وغزل مع حبيبها بس مو كلام مكسر لااااا سعودي ميه بالميه انا هنا عاد انتفضت وارتعشت وتبلكمت وتعرقت والدنيا دارت فيني
دقيت ع زوجي وقلت تعال ويوم جا وقلت له الاهو كمان انصدم وقررت انا اني اطيرها خلاااااااص مره عفتها وكرهتها
وفعلا استغنيت عنها رغم انها كانت نضيفه جدا وخدومه بس بعد ذا الشي لا والف لا
وبعد قبل لااكشفها كنت الاحظ لما نخرج ونتسوق انها كانت تسابق زوجي ع شيل الاغراض وكنت الاحظ انها تتعمد تدق يده وهو يشيل الاكياس عشان يحس يدها عاد يدها كان فيها نعومه عجيبه !!! بس اعوذ بالله منها قلعتها وحوست كثير بالبيت بس اللحين تعودت على الوضع المساله مسالة تعود وحبه حبه الدنيا مو طايره وعادي اذا تكركب البيت شويه المهم ماتجيبين لك بلوة بالبيت تمكر وانتي ياغافلين
ملحوظه: شغالة اهلي ماشالله لها عند اهلي اكثر من خمس سنوات وطيبه جدا لدرجة ان اهلي سكنوها بنفس العماره مع زوجها بس برضو عليها حركات نص كم تخيلي تتعمد تخلي باب الشقه مفتوح لما يطلع ابوي واخواني عشان يشوفونها بلبس البيت وكلهم قالو وانا شفتها بنفسي قسم شكلها غيييييييييييييييير بلبس البيت والنوم عشان تعرفين ان هذا طبعهم مع الرجاجيل السعوديين بس انا ماقدرت اتحملها وطبعا طيرتها وسلمت عليها ولاقلت لها اوحسستها اني اعرف عشان ماتكيد لي
واللحين اكرف نعم في شغل البيت ولا اجيب لي عله في بيتي تقل حياها وانا اسمع اعوذ بالله
والحمدلله ان اهلك قريبين استعيني بخدامتهم تروح تيجي واعطيها المقسوم

ناميه الشوق


يعطيك الف عافيه قلبي
الله يكون بعون الجميع

من جدك انتي على هالرد
يعني اقولك كيف اقنع نفسي؟؟
لو بيدي جب ومن زمان
بس هو مو راضي

واحس شغل البيت مرهق
ابي وحده من السنعات تدبرني
مو تحبطني!!!

اختي شوفي مواضيع البنات في ق سم التجارب الله يجزاهم با الجنه وقسم الاجهزه راح تخضر لك الوقت ورب اشرح لي صدري ويسر لي امري لاتنسين ها الدعا

دفا الامال


يابعد عمري الله يفرج لك كل هم وكربه
ويبعد عنك دار المؤذي من خلقه

والله لو بحط نفسي بمكانك بمووووووووووووت قهر


انا بالعكس لما تجيني شغاله اهلي تنام ليله اتقيد باللبس مع العلم اني اكره هالشي واحب اخذ راحتي بالبيت


لو الوضع على ولدي وزوجي عادي كان اوكي
بس انا ودي احمل
كيف بتحمل بيبي صغير وشغل وزوج واوامره هو وولده؟؟؟