مرحبا بالبنات الرشيقات

ادري إني من زمان ما كتبت لكم بس بصراحة ما عندي وقت

المدرسة والشغل اللي فيها أرجع مهدود حيلي أنام ساعة بس وبعدين أستلم اليهال تدريس والله تعبانة وايد ولا تنسون ابو العيال يبيله وقت ومرة دايماً تضحك الله يعين

كاتي : حبيبتي شفيج احنا شنو قلنا لا للتدخين يعني وبعدين شاطرة بس تمسكين الخيازرين وتولينا طق ترى انا الحين باخذ منج الخيازرين وبطقج ( هههههههههههه)
هونيها وتهون ترى الدنيا ما تسوى :26:

مرحبتين كبار بالزائرة الجديدة أقصد المجندة الجديدة روحي قدمي طلب حق ماما جوري علشان تعتمد لج اسم دلع :26:

زيزي : وينج أكيد دوخة المدرسة مخليتج ما تطلين علينا . يالله باجر الخميس وانشاالله نشوفج ونسمع أخبارج :26:

اختي أم سمية الحمدلله على السلامة وسلامات للكمبيوتر :26:

أختي أم شهيد : سلامات يالغالية وما تشوفين شر انشاالله الحين أحسن :26:

ما ما جوري : وينج يماما مهيتتنا جذي وما تطلين علينا ترى معاج مهلة إلى باجر وبعدين بنزعل :26:

هلوووووووووووووووووو بنات أمامييييييييييييييييييير ستاااااااااااااااااااااات حلوااااااااااات

توتي تتكلم بعد أن أدت اول إمتحان وأول دورة مع بداية الدوام والنتيجة طبعا إمتياز والحمد لله
أووووه نسيت إمتحان تحديد مستوى بعد في الكمبيوتر لأنا بناخذ دورة للحصول على شهادة ليسن دولي Icdl


وبعد دورة متقدمة إنجليزي حتى نحصل التوفل

اللحين تفرغت شوي لكم

جيف حالج شانتيه؟؟؟؟؟؟؟؟؟؟؟؟؟

آيسي

حبيبتي قولي حق صديقتج تصمم على رأيها وتتمسك بدراستها ولو لها نصيب تتزوج بتتزوج بإذن الله

وذكريها بحديث رسول الله صلى الله عليه وسلم :

ولو اجتمع أهل الأرض على ان ينفعوك بشيء لن ينفعوك إلا بشيء كتبه الله لك ............إلى آخر الحديث

يعني لو مكتوب لها تتزوج بتتزوج وعمر الدراسة مابتكون سبب في عزوف الشباب عن خطبتها

أم شهيد

ماشا الله على الرشاقة

حتى انا والله رغم إني مب ناقصة وايد بس الكل لاحظ النزول في الوزن

أم سمية مرحبا

أنا مااقدر انصحك بريجيم لأني ضد كل الريجيمات ماعدا التخفيف

magi

مرحبا وياهلا فيج بس لازم يعتمد لج إسم دلع خاص

وانا اقرأ كلامك إتذكرت نفسي والزيادة بعد الزواج بس 16 كيلو في سنة بصراحة وااااااااااااااااااااااايد

وشكلج مثلي مليتي الريجيمات فما لك إلا التخفيف ومحاولة المشي والقيام عن الأكل وغنتي بعدك يوعانه

أحسن شي وينزل الوزن على مهله احسن من النزول السريع والعودة السريعه

وعلى فكرة بنات تدرون لقيت رحوبة تكتب في مكان ثاني والظاهر من كلامها إن سبب عدم كتابتها وتواصلها معانا إن وزنها رجع يزيد بدون توقف

لهذه الأسباب انا ضد كل الريجيمات اللي تحدد اكلي ولازم التزم بها


افطر في الدوام عادي مع البنات الساعة 10ونص بس ما اترس معدتي

والغدا يمكن العصر رز مفور فنجانين أو ثلاث يشبعني ودجاج مشوي وخضار مسلوقة فنجان وسلطة واحيانا سمك

ترا انا مب قاصدة آكل هذا بس لأن خالتي يسوولها هذا االأكل وأقولهم زيدوا لي شوي من أكلها.......

بس مالتزم يمكن اغير على كيفي إذ ا إشتهيت مجبوس او غيره بس مااترس معدتي


والمسا شوربة

واكثر من الماي قبل الأكل والشاي الخضر وخل التفاح بعد كل وجبة

وأخيرا المشي ساعة

واحس إني مرتاحة جدا الحمدلله لأني ماأحرم نفسي واعذبها بريجيم وبعدين افرح بالنزول السريع ويرجع كل الوزن اللي نزل بسهولة

يعني غيرت نمط أكلي وحياتي بالكامل وصار عندي لياقة وشد جسمي

وهذا المطلوب إنج تستمرين على نمط صحي في حياتج

طولت عليكم سامحوني حبايبي

كوكو شلونج حبي عساج بخير وشاخبار الجهاد معاج ؟؟؟؟؟؟؟؟؟؟؟؟؟؟أقصد المدارس

كاتي ............كتكوتتي الرشيقة

شلونج ؟؟؟؟؟؟؟؟؟تصدقين عاد أنا بعد أكره أليسا وايد مادري ماتنزل لي من زور
أحسها ماصخة وايد طبعا كلهن ماصخات بس هاذي بزيادة

الله يعينج على التدخين

حبيبتي ليش متضايقة والله ماشي يسوى زعلج

إلااااااااااااااااااااااااااا كاتي عادي
إنتي اصلا اللي تخففين عن الكل بضحكج وخفة دمج ...............واللحين متضايقة؟؟؟؟؟؟؟؟؟؟ وين نروح إحنا إنزين؟؟؟؟؟؟؟؟

والله يابنات من يوم تعرفت عليكم قدرت أغير نمط حياتي للاحسن واحس إنكم تشجعوني وأشجعكم

يارب مايغير علينا إن شا الله

والله مافي شي يستاهل الزعل والكدر وكل مشكلة ولها حل باذن الله

فضفضي حبيبتي كاتي ترا كلي آذان صاغية أقصد عيون مبققه على النت خخخخخخخخخخخخخخ إيه جذيه إضحكي عسى ربي مايحرمنا من هاذي الضحكة

وينجججججججججججججججج زيزيييييييييييييييييي

جورييييييييييييييييييييي

اين انتم يابنات عسى المانع خير

المضارب قد أظلمت دونكن

وجفت اضرع الشياه

ومات الكلأ

بالله عليكم أجيبوني لقد بدات اقلق عليكن

ماجني صرت فيلم عربي عبلا وعنتر أبيض واسود هههههههههههه انكت شو اسوي بعد :17: :17: :17:

شووووووووووووفوا بنات شموخ بلادي شو كاتبه

(( قال صلى الله عليه وسلم ))

السلام عليكم ورحمة وبركاته
بسم الله الرحمن الرحيم

قالى تعالى (( وكلوا واشربوا ولاتسرفوا )) صدق الله العظيم
وقال سيدنا المختار صلى الله عليه وسلم (( نحن قوم لا نأكل ... وأذا أكلنا
لانشبع ))
عزيزتي حواء اذا وضعتي هذه الآيه وقوله صلى الله عليه وسلم
امام عينيكي اعلمي ان الله لن يخذلك وسوفَ ترين عجب
عزيزتي . اولاً وقبل اي شي عليك بالتالي .
1- الا تأكلين حتى تشعرين بالجووووووووع
2- واذا أكلتي ايااااااااااااكي والشبعه عليك
بترك نصف ماكنتي تأكلينه
3- قبل البدء بلأكل اشربي كوب مويه ليس
بالبااااااارد وليس بالدافئ
4- اياكي ان تأكلين بين الوجابات اي اطعمه
دسمه او ثقيله او من هذه التي تسمى الوجبات
(( الغربيه )) الخفيفه
5- اكثري من السواااااااااااااااااائل قهوه مويه حليب
عصيرات شاي
6- اثناء الليل عليك بالأ بتعاد عن الأكل الكثير الدسم
خففي من الاكل قدر المستطااااع
............
والله ان فعلتي كما ورد سالفى والله لترين عجب
الامراض تبتعد السهر يقل النوم بكل راحه
وطمئنينه الحاله النفسيه عال الشعر والبشره خيال
الكرش تختفي والعيون تمتلي بالصحه والعافيه
والوجه ماضئ والله لن تذهبي الى الدكتور بألم الا ان يكتبه لك
الله عز وجل ..
هل تعلمين ماهو السبب انكي اتبعتي مايجب ان يتبع
القرآن والسنه النبويه ..
وسلامتكم من كل الامرااااااااااااااااااااااااض

مساء الخير ايسي
خلي صديقتك تفكر لقدام وتكمل دراستها
لانها بتحتاجلها بعدين
ومشكوريين
وين مكتوب نظام لللللللللللللللللللللللللللللللللولللللوس