بسم الله الرحمن الرحيم
و الصلاة و السلام على خير الانبياء و المرسلين
بنات كيفكم الي صايمات الست لا تنسونا من الدعاء ان الله يعطينا الازواج الصالحين
بنات انا استفدت منكم كثير وصفات طبقتها ووصفات حافظتها للضروره
المهم بقول لكم قصتي مع المقشر تبعي
و الي تعرفه تعاف كل المقشرات الي تنباع لاني حسيتها اي كلام
ما تنظف من قلب مثل الي تسوينه بالبيت
تراه حصري لو تلفين كل قوقل ما تلقينه
لانه مو بالنت ولا بالمجلات ولا بالصالونات
تدرون وين ليقيته و كيف عرفته بقولكم قصتي معاه
لما كنت بالجامعه طبعا مو بالسعودية بدوله ما
المهم كنت بوقت الفراغ بين المحاضرات اروح للمكتبه حقت كليتنا
و اقرا قراءات عامه
مره و انا افرفر بالكتب لقيت كتاب عن الجمال و طرق العناية بالوجه
فتحت الفهرس و اقعد ادور موضوع اقراه لان بعمري هذاك كانت البشره
تعاني من مشاكل حبوب و غيره
المهم قعدت اقرا عنوان تقشير النجمه العالمية الهوليودية جوان كولينز
اذا ما تعرفونها هي حرمه الحين عجوز حيل بس مشهوره حيل و معروفه باناقتها و جمال بشرتها
المهم قريت المكونات على طول طبقت لانها متوفره بكل بيت
زيت ما اذكر نوعه و سكر و بس
رحت سويت ماي مغلي و حطيته بطاسه و جبت فوطه نطرت فوق ال7 دقايق
و بعدين فركت وجهي الله ياهو تنظف و حسيت المسامات قاعده تتنفس
و فعلا بشرتي بعدها تعدلت الحمد لله و قلت الحبوب و صارت عندي نظاره
و الدوره الدموية فعلا تحركت حسيت وجهي رجعت له الحياة
بعدين حسيت السكر خشن ماكان مطحون
ثم قلت خل اجرب الحليب البودر
و فعلا روعه و للحين انا مستمره عليه
و بعدها احط ماسك الروب قليل الدسم
و بعد التقشير بيومين احط ماسك الروب و احط له قطرات من الليمون لانه مو زين تحطينه و البشره توها مقشره
نظامي يوم و ترك تقريبا احط ماسك الروب لانه يوخر الحبوب و اثارها جدا روعه للاثار
نصيحه اخذو زيت جوز الهند خفيف على البشره ما عندكم مو مشكله اي نوع
ممكن تطحنون السكر و اصلا السكر معروف بتنظيف البشره
الحين اذا بتسوون تقشير لجسمكم استخدمو الوصفه هذي بتعرفون كيف جباره
الحين راحت ايام الطاسه شريت جهاز البخار و الحمد لله ارتحت تراه اقل من مية للي تفكر تشتريه
و بس ولا ابي الا الدعاء الطيب لي و لكل المسلمين:39:
شاهه2 @shahh2
محررة
مقشري الطبيعي الي اخته من النجمه الهوليودية جوان كولينز ما استغني عنه و اتحدى الصالو
32
5K
يلزم عليك تسجيل الدخول أولًا لكتابة تعليق.
الصفحة الأخيرة
فعلا السكر والزيت مقشر رائع للبشرة