كيف حالكم خواتي الغاليات ؟
قبل فتره يمكن اكثر من 3 شهور قريت بموقع امريكي
وحده كاتبه ان قريبتها وصفت لها مقشر وسوته وانبهرت من نتايجه وحست بنضاره ببشرتها وخلت هالمقشر عاده لها
وعلى طول سويته
وصراااحه يااخوات
ادمنت عليه :heart:
هو سكر بني + غسولك الخاص والافضل لو كان غسولك كريمي
انا غسولي بحكم ان بشرتي حساسه مختلطه فافضل شئ جربته وناسبني
هو نيتروجينا فيزبلي كلير 2×1
هذا غسولي
اعصر عصرة منه براحة يدي وافتح كيس سكر بني
يعني بمقدار م شاي صغيره سكر بني
اخلطهم براحة يدي
واكون غاسله وجهي بماء
وافرك هالمقشر على وجهي مع تجنب وضعه على منطقة العينين طبعا
افرك بحركات دائريه وبلطف لمدة دقيقتين تقريبا
بعدها اغسل وجهي وراح تنبهرين من الصفاء والنظاره من اول استخدام
اخيرا امسح وجهي بقطنه مبلله بماء ورد
افضل ماء ورد جربته هو
وبعدها ارطب بشرتي بزيت لوز مر واحيانا حلو
مااستخدم الا منتج وادي النحل لانهم الحلو والمر اصليين وممتازين للشعر والجسم والبشره بنفس الوقت
ــــــــــــــــــــــــــــــــ
التقشير يكون مره بالاسبوع طبعا
ماعدا اللي عمرها فوق الاربعين
تقشر وجهها مرتين بالشهر فقط
جربوه وربي يوفق الجميع
ملاحظه / انا كل اسبوع لي مقشر مااحب اثبت على شئ معين عشان ماتتعود بشرتي عليه
لكن المقشر هذا هو الوحيد اللي احس وجهي فاتح ونظر بعد مااغسله على طول :heart:
ملاحظه اخيره :biggrin2: / اقشر اول مااصحى من النوم
ماادري احسه افضل من التقشير بالمساء والله اعلم
ودي لكم يالغاليات