مقصرة مع الكل وضميري يؤنبني

السلام عليكم جميعا

آآآآه احس اني مقصرة مع الدنيا بكبرها

هالاحساس ماجاني الامن كم يوم >>مدري وش السالفه يمكن صحوة ضمير:ohwe:

أحس ان نفسي أهدي وأهدي وأهدي بس العين بصيرة واليدقصيرة

غيركذا اللي حولي يحبون الفخفخه كثير يعني لايعجبهم العجب ولاالصيام في رجب

علاقتي بأهلي موذا ك الزود لكن ولله الحمد تمكنت من اني ارجع المياه لمجاريها صحيح مافيه (حب وغلا)

بس ماني مقاطعتهم(من فترة كان فيه قطيعه وكتبت عنهاهنا)

الزبدة

ابوي مسويي حادث بسيط وقام بالسلامه ونفسي اهديه و(العربيه للعطور مدري للعود)مسويه تخفيضات قلت باخذله عطربخمسين ريال من حافز

اختي بتتزوج ولازم هديه بس تبي شي ماقدرعليه لانها برنسيسه وانا ماعندي:ohwe:


عمتي عندهامناسبه ولازم هديه

خواتي الصغار تفسي اعايدهم بس برضو مدري وش اهديهم

قبل كم سنه كنت في جدة واشتريت هدايامن محطه على الطريق

قالت امي جايبتلهم من ابوريالين!!!تفشلت كثير,,رغم ان اختي جابتلهم فعلامن ابوريالين وطارت فيهاوناسه!!

وحرمت بعدهااهديهم


بس هاليومين مدري شفيني نفسي اهديهم

والله نفسي افرح (خياتي الصغار)باي شي وعارفه ماراح يعجبهم

ونفسي اهدي اختي العروس وادري هديتي ماراح تعجبهم

من كم سنه كمان اهديت اختي الكبيرة طقم ذهب نااااعم مرة بعت من ذهبي واشتريتلها
ولاقدرت اني بعت من ذهبي عشان اهديها ولامرة لبسته ولاجاملتني حتى :44:

وبرضوحلفت اني معد اهديهم بس هالحين قلبي مومطاوعني


احساسي بالتقصير بيذبحني

ولماافكر ليش كذا

هم وش عطوني ولاعطوا عيالي حتى معامله طيه مافيه !!

طيب ليه ضميري يؤنبني

ليه هالاحساس اللي عندي لازم اهديهم والله وحده يعلم عن ظروفي


على فكرة الكل فاهم ان زوجي راتبه كثير لاني ماقد بينت للناس حاجتنا ابدا ابدا ويحسبوني بخيله

بس فعلا اللي عندنايدوب يكفينا وانا ماحب احتاج احد نهائيا

جوالي قديم ومكسر ومقدرت اشتري لنفسي واذا احدعلق او سأل

اقول هالجوال له ذكرى واحبه مستحيل اغيره واكره الجوالات الحديثه ومن هالكلام

وانا وزوجي بنموت على ايفون ولاجلاكسي بس نكابر



وش رايكم


حفوزي( اللي هو حافز ) نزل وماصرفت منه شي الى الان

وش اسوي

اهدي ابوي

وعمتي

واختي

وخواتي الصغيرونات بعايدهم

واشتري فستان لزواج اختي

ومحتاجه جوال!!

تتوقعون لو ازرع هالالفين يمديها تطلع وتتكاثر >>ههههههههه استغفرالله شرالبليه مايُضحك


والله نفسي اهدي ليش مادري

اناعارفه ماراح تزيدمن قدري عندهم ولاراح تملى عينهم

بس ضميري يؤنبني


تكلمت كثيييييييييير سامحوني بس حبيت افضفض

واستشير لعل بكلماتكن اجد ضالتي>>عجبتني الجمله الاخيرة حسيت اني مثغفه=مثقفه:2thmup:


يلا انتظر ردودكن


فتكوا بعافيه