بدّورة الحلوة :

المهم وتمضي الأيام تلو الأيام...وام وليام مهيب به ... ثاني القرزمز اللي هو البوكسنغ داي(احس لما اسمع هالكلمة إن فيه بقس بيجيني على وجهي مدري ليه)...طبعا هو يوم فتح الهدايا حقت القرزمز (فتح العيدية :) ) ... ثالث العيد طلعت روحي من الطفش...قم ودني لأي مكان عساك للمر... على طاري المر...شكلي من كثر مااادعي على رجلي بالمر جاني قبل يومين مرن يحبه قلبكم... المهم كنا متاخرين على طلعة يعني...بس قلنا ميخالف نروح لتشرشل سكوير :( المشكلة هالسكوير اللي مانزل لي من زور طلع من خشمي ...لو تبون قول لكم كم بلاطة هناك تسان قلت لكم... جا ابونا يقول القطارات معطلبن اليوم!!!!!!!! قلت اجل مابي حيل امشي ...ابقعد بالبيت... انطقينا في البيت ومن بكرة قمنا الصبح نصلي الفجر وماعاد نمنا... وكان الوعد ....سي فوووووووورد...لويس...قرى محافظات ساسكس... :).... ......... ومع زقزقة العصافير قمت ...صليت ...وعينت من الله خير... زهبت القهوة واخذت عدتي معاي قال ابونا بسبقتس آخذ التذاكر تعالي ترا باقي على القطار عشر دقايق... طبعا المحطة جنبنا نفس الرصيف...وهي دقيقة بس اركض واصك الهيتر والفرن والكهرب واركض اطلع واركض قدام الانغريز يناظروني يقولون وش هالمهبولة ؟؟؟ يوم وصلت واسمع حس القطار يقول تااااااااااااااااااااااااااااح... والا ابونا جاين راكبه ستين ابليس...ياوييييييييييليييييييييييه... تاخررررررررررررتي...تأخرتيييييييييي وهات ياهواش وانا ماسكة نفسي قلت يابنت ...خليتس عاقلة لاتخرب الطلعة خير شر همن عاد لاتحصلين عنب الشام ولابلح المدينة... وعاد هو شافني ساكتة وهات ياتهزيء... وتهزيء .. وتهزيء... وهشوى يجيب ربي هكالانغريزي دخل معانا في المظلة حقت القطار...ومير يسكت عني:) يارب تهديه وتسخره.. ...وهو ربي اللهم لك الحمد يجيب القطار متقدم بدقيقتين ... يارب لك الحمد...:) ..... وندخل القطار فاااااضي مابه مخلوق خبركم الناس لسه يتعيدون:) ونفلّها والله ...بالعادة لازم نحوس لين نلقى كرسي... هلحين اخذنا اربع كراسي مع طاولتهن .. انا قعدت من النجاسة على كرسيين وفتحت ذرعاني ... أناحرة ...عندكم مانع؟؟ وهي نتقهوى ونوصل في عشر دقايق لنيو هافن تاون..وقف القطار قلت لابونا لا يمه شكلها كئيبة (ياااااي) خل ننزل بالمحطة اللي عقبها ... تسن عندي سالفة...تسن انغلترا طالعتن من خشمي بس... قال ابونا ابد شورتس وهداية الله...ننزل بالمحطة اللي عقبها اللي هي نيو هافن هاربر... طبعا المدينة ذي يفترض من اسمها (هاربر) ميناء...كورنيش...منطقة سياحية... بس يوم نزلنا... والا والله تستقبلنا هكالغربان....:) والمصانع...وشقالات من بعيد...ومباني يعود عهدها لتشارلز ديكنز... واحزنيه؟؟؟ يعني معقول فيه مباني بهالقدم؟؟؟ تخيلوا درايشهن خشب من القدم ... خشبن نابتن به طحالب شيء ماتتخيلون.. وامسك الكاميرة عاد طافرتن بها اول مرة ماانساها.. قال ابونا وين انتي وش تبي تصورين؟؟؟ مصانع وحوسة وفوضى والله ماتقولون البطحاء...البطحا انظف من هالمكان... المشكلة انحبسنا ماندري من وين نطلع من المحطة؟؟؟ فيه معبر خشبي بس تمر من عنده اسلاك الريل....وكاتبين انتبه من اسلاك الريل.. عساكم للبلا وين نغدي؟؟؟وين نروح؟؟ ياما رقينا درج المحطة ياما نزلنا..والله ان تقطع تسبودكم ضحك لو تخيلتونا بس... يعني انحبسنا صدق...ولقينا منفذ يطلعنا على المباني اللي يبدو انها جديدة بالحيل... يعني مالها ولا عشرين او ثلاثين سنة.. بس وش...وش نناظر ونتمشى تكفون؟؟؟ قال ابونا اهوه بس عطيني جدول القطار ..الفركة الفركة...هجينا... ويجي القطار على شغل الاولين اذا قرب تتسكر حواجز همين تسمعين قطار ترن ترن ترن مثل قطار سالي... يعني خلاص مابقى الا تطلع لنا حرمة عليها فستان منفوش وحاقطتن راسها بقبوع وخلاص..اصدق اني رجعت للقرن الثامن عشر... ويطلعون علينا اثنين قلت هشوى يعني فيه كائنات حية هنا:) ونقبعها طلعة لسي فورد....لاعادتس الله من هاربر .... .......... نزلنا لسي فورد وهشوى..فيها أودام ...فيها ربع فيها انغريز... وعاد وقتها كان ابونا يقول ابي مطعم ... قلت له المطعم ملحوقن عليه يابعدي..ابي حمااااااااااام...:) ............طااااااااط فاصل رقابي.... لما خلصت واطلع ولا والله به كلوك تاور يحبه قلبكم.. قلت ماعني لازم اصوره لكم... عاد وانا قاعدت ن اضبط الكايمرة وكل من مر قام شبهر بي وش تصور ذي؟؟؟ قراوة قراااااااااوة..تقل عمرهم ماشافوا مسلم شكلهم..فعلا في القرى المحيطة ببرايتون ماشفت مسلمين الا وحدة بس بعكس برايتون ياكثر المحجبات فيها ... هذي صورة الكلوك تاور :

المهم وتمضي الأيام تلو الأيام...وام وليام مهيب به ... ثاني القرزمز اللي هو البوكسنغ داي(احس...