بسم الله الرحمن الرحيم
انا عضوه جديده وكل يوم ليل ونهار وانا على عالم حواء وعاد حبيت اشارك مع اني توني مبتدئه في الطبخ بس اتمنى تعجبكم المقلوبه وتجربونها..:cook:
المقادير :
دجاجه مقطعه ارباع
بصله كبيره مقطعه صغار
عدد 6 او 5 فصوص ثوم وتزيد بزيادة كمية الرز
بهارات صحيحه(لومي _ قرفه _ورق غار_ هيل _ قرنفل)
بهارات مطحونه (مشكله_ كمون _هيل شوي_ وقرفه أهم شي وكثريها )
1 بطاطا شرايح مقليه
1 بادنجان شرايح مقليه
1 طماط شرايح
1 فلفل رومي اخضر شرايح
رز حسب كميتك.
الطريقه:
كشني البصل مع الزيت والبهار الصحيح واذا لان حطي ماجي الدجاج والثوم وبعدها اضيفي الدجاج وقلبيهم سوا ثم اضيفي البهارات المطحونه ومويه مغليه تغطي الدجاج وقفلي عليه الضغط واول ما يصفر احسبيله 15 دقيقه (الدجاج ياخذ 20 دقيقه بس هنا اتركي الخمس دقايق الاخيره مع الرز وكل وحده حسب هي كم تترك دجاجها بس اهم شي تنقص 5 دقايق وتضيفها مع الرز).
خلص 15 دقيقه كبي الدجاج ومويته بقدر ثاني.
الحين جيبي تقريبا نص كاس او اقل شوي رز مغسول مو منقع وانثريه في قاع الضغط ثم حطي عليه الدجاج بدون مويه وفوق الدجاج اضيفي البادنجان والبطاطا والفلفل والطماطم ورتبيهم ثم اضيفي الرز المنقع حسب كميتك وحطي عليه موية الدجاج بشويش وقيسيها زين وذوقي الملح وعدليه اذا احتاج.
ثم قفلي القدر واحسبيله 5 دقايق بعد ما يصفر.
انا استخدم ابو كاس.
قفلتي عليه خلاص وفتحتيه بعد ما راح الهواء انتبهوا
جيبي صحن تقديم مدور وحطيه عالقدر من فوق واقلبي القدر عشان تطلع لك المقلوبه بطبقاتها مرتبه.
صدقوني لذيييييذه وجربوها وادعولي بالصلاح والعافيه والرزق ويحفظلي اولادي:04: وزوجي.
اهم شي البهارات المطحونه تكثرين منها خاصه الكمون والقرفه حتى بتشوفين المرقه صارت غامقه هذا المطلوب لا تخافون:32:
برد الأحــــزان @brd_alahzan
عضوة جديدة
يلزم عليك تسجيل الدخول أولًا لكتابة تعليق.
مشكوره اختي
وصراحه انتي صادقه المقلوبه خطيره في الكاتم طعمها لذيذ انا مااستغني عن الكاتم اطبخ فيه كل شي
وصراحه انتي صادقه المقلوبه خطيره في الكاتم طعمها لذيذ انا مااستغني عن الكاتم اطبخ فيه كل شي
عباتي تاج راسي .. ان شاء الله تجربينها وتعجبك ..شاكره مرورك ياطيبه
اختي ام عبودي .. تسلمين واسعدني مرورك
الصفحة الأخيرة
يعطيكـ الف عاااااااافيهـ..