من زمان عن هالقسم
عاد جايبتلكم احلى مقلقل
بيني وبينكم الصور لهن سنه على الجهاز
وضاعن مابقى الا صور التقديم من حسن الحظ في جوالي ما مسحتهن
قلت عاد العوض ولا القطيعه
طبعا شفت طرق مقلقل وكبده في المنتدى يبدون بحمس البصل والطماطم
بعدين يضيفون اللحم والكبده
حنا طريقتنا العكس نقلقل اللحم والكبده في الزيت اول
بعدين نضيف البصل والاضافات الاخرى والبهارات
والطريقه هاذي اطعم بشكل ماتتخيلون
نجي للمقادير :
لحم حاشي من عند ابو محسن مقطع صعنونات
بصل مفروم وسط واذا رايقه جوانح
فلفل بارد مقطع شرايح طوليه
جزر مبشور
بقدونس مفروم
حبة طماطم
بطاطس مكعبات مسلوق
ملح وبهار مشكل وفلفل اسود
الطريقه :
ضعي اللحم على النار مع شوي زيت
واذا تغير لون اللحم بالكامل ونزلت المويه هدي النار مره وغطيه
وخليه يستوي على مهله لحد ماتخلصين تقطيع الشله المذكوره اعلاه
اذا نشفت المويه تماما قلبي اللحم شوي مع الزيت لحد ما ياخذ لون غامق شوي
كلمة شوي حطي تحتها عشر خطوط >>>> ماتتركين اللحم يحترق وتقولين طعمه وع والا يابس !!
قد اعذر من انذر !!:024:
المهم لو كانت كميه الزيت تسثيرة شوي شيلي من الزيت>>>>>كلش الا الصحه
بعدين ضيفي البصل وخليه يذبل على رواق>>>>>مانحبه نص استواء
وبعدين الملح والبهارات والفلفل
هذي الطريقه الاساسيه عندنا
****
نجي عاد للابتكار >>>>الحقوق محفوظه لاختي الشيفه :bkh:
نضيف الفلفل البارد والجزر قبل البهارات لحد مايذبلون جميعا
بعدين حبة الطماطم ونغطيه لحد ماتذوب ونضيف شوي مويه
كميه المويه اختياريه
بعدين الملح والبهارات
بعدين تضيف البطاطس المكعبات وننتبه ما ينهرس اثناء التقليب
آخر شي نضيف البقدونس ومجرد ما ينخلط نسكر النار
شخصيا احب طعم البقدونس طازج
طبعا اختي اذا كانت رآآآآيقه تقلي البطاطس وتقلي باذنجان بعد >>>>حشى مسقعه :hahaha:
وهذي الصور
تسلم ايدين صانعته
ودمتي