مقلوبة الزهرة على طريقتي

السلام عليكم .....

كيفكم يا مدامات :)

اليوم بدي احكيلكم طريقة طبخ اكلة فلسطينية و اللي هي المقلوبة << اكيد بتعرفوها بس انا رح احكيلكم عن طريقتي الخاصة :)

اول شي يا عزيزاتي بتحضروا اللحمة او الدجاج < كيلو لحمة قطع او دجاجة واحدة مقطعة >و بتغسلوها و بتسلقوها لحد ما تستوي ............

و بعدين بتجيبي الزهرة بس تكون حجمها كبير او تنتين صغار << اكيد بتعرفوها ,,هاي ما غيرها اللي بتشبه الوردة و لونها بكون ابيض او على صفار :)

بتجيبيها و بتقطعيها قطع متوسطة الحجم و بتقليها بزيت المازولا لحد ما يصير لونها على بني << بس مو تحرقوها انتبهوا ,,,,,,و بعدين بتحطيها على ورق الماص للزيت ..

و بعدين بتجيبي 4 حبات جزر و بتقطيعها حلقات صغيرة و بتقليها بزيت المازولا .......

طبعا تأكدي انك تكوني حضرتي 3 كاسات كبار رز صنوايت و غسلتيه و نقعتيه ..........


هلاء بعد ما استوت اللحمة بتجيبي الطنجرة اللي بدك تعملي فيها المقلوبة ,,,و بتحطي اللحمة و بعدين بتحطي فوقها الزهرة المقلية و الجزر و بتحطي فوقهم مرقة اللحمة و بترجعي بتحطي الطنجرة على النار << و بتخليهم يغلوا سوا ربع ساعة لحد ما تاخد المرقة طعم الزهرة ,,,,طبعا اذا بدك بتقدري تحطي مكعب ماجي عشان تصير المرقة الذ .............

و بعدين بتبلشي تحطي البهارات <<<< ملح حسب الرغبة ,,,ربع ملعقة صغيرة كركم ,,,نص ملعقة صغيرة هيل مطحون ,,,,نص ملعقة فلفل اسود,,,ملعقة صغيرة بهارات مشكلة .......

و بعدين بتحطي على المرقة ملعقة كبيرة سمن بلدي و فنجان قهوة صغير زيت مازولا ....

و بعدين بتحطي الرز فوق المرقة و بتتركيه يغلى لحد ما تنشف المية < الماء > و بعدين بتخففي النار تحته كتير ,,,و بتحركي الرز شوي و بعدين بتتركيه قريب النص ساعة لحد ما يستوي الرز و تنشف المية ................

هلاء بعد ما استوت المقلوبة بتجيبي الصينية اللي بدك تحطي فيها المقلوبه و بتشيلي غطاية الطنجرة و بتحطي الصينية مكانها و بتقليبيها متل الكيكة << انا هاي الحركة بخلي زوجي يعملها بخاف اخرب الدنيا بعدين :)

و بعدين بتحطي اللوز و الصنوبر اللي كنتي قليتيهم شوي لحد ما اشقر لونهم على المقلوبة .....

و بتقدميها مع السلطة و اللبن .......

كتير لذيذة هالاكلة جربوها ,,,,و صحتين و عافية :) :26: