بسم الله الرحمن الرحيم
السلام عليكم ورحمة الله وبركاته
كيفكم يا عالم الحوائيات ،، لاول مره اضع موضوع في المنتدى ،،
فحبيت انو يكون من مجهودي الشخصي ،، عشان كذا قلت اخليه طبخة ،،
واذا عجبتكم ولقيت ردود تستاهل تعبي ،، زدت المواضيع والطبخات باذن الله ..
اخترت لكم طبخه من طبخاتي اللي يحبها زوجي كثير ،، وهي مقلوبة اللحم المبخر
ماراح اطول عليكم ،، بمدخل على طول في الموضوع ..
* اول شي نسلق اللحم وننقع الرز ونقطع الخضار ( بصل شرايح - طماطم شرايح - فلفل رومي - ثوم مدقوق - زنجبيل مبشور )
اطبخي الرز ابيض ساده اما بالملح والماجي الابيض او بالملح و5 حبات هيل وعود قرفة واتركيه يستوي لبينما تجهزي التسبيكة
الحين نجي للتسبيكة في قدر على النار حطي الثوم والزنجبيل مع زيت وقلبي بسرعة واضيفي الخضار السابقة
ولما تبدا بالذبول اضيفي البهار والفلفل الاسود والملح وقرص ماجي ورقتين غار وعود قرفة وقرنين فلفل حراق
ثم اضيفي ملعقة وحدة من صويا وعلبة صلصة وقلبيهم تمام وبعدها ضيفي لهم قطع اللحم اللي سلقتيها مسبقا
بهالوقت بيكون الرز استوى تكوني محضرة فحمتين صغار وتحطي في بيالة او قصدير زيت وترمي فحمة فيه وتطبقي القدر مضبوط عشان تعلق ريحة التبخيره في الرز
والحين تسوي نفس الخطوة السابقة لتسبيكة اللحم بعد ماتتشرب شوي من مويتها وتبخرين اللحم بعدها تضيفين الرز للتسبيكة وتتركينها على النار لمدة 10 دقايق على نار واطية
بهالعشر دقايق جهزي سلطة الطحينة وهي طماطم وخيار وملفوف بنفسجي تقطعينهم وتضيفي لهن عصير ليمون قليل او خل مع ملح وفلفل احمر وتضيفي طحينة حسب الرغبة لذيذة جدا مع هالرز
الحين نجي للتقديم
في صينية التقديم اقلبي الرز واللحم مثل المقلوبة بالضبط وزينية باللون والصنوبر
وبكذا نكون خلصنا ،، الطعم روووووووووعة وبتصيري كل يوم تسويه والطريقة سهله وماتحتاج وقت كثير
اتمنى يكون طبقي نال اعجابكم ..
وان شاء الله اشوف ردود وتقييمات تسعدني ،، لاني تعبت بالموضوع كثير وفي التنسيق قعدت 3 ساعات
استغرقت وقت اطول من وقت الطبخه ههههههههههههه ،، بس تستاهلوا التعب بمنتداكم الحلو هذا ..
وانتظروني قريبا في اكلات تانية ..