نبتدي الطبخة على طووووول ;)
المقادير والطريقة :
دجاجة مقطعة
جيلتين= مكيالين رز
بصل مفروم ناعم
ثوم مفروم ناعم
2_3 حبات فلفل حار
باذنجان مقطع حلقات
زيت
بهارات مطحونه + بهارات صحيحة + ملح + مكعبين من مرقة ماجي + حبتين ليمون اسود
نبتدي نحمص البهارات الصحيحة مع الزيت كالعادة .. هنا انا نسيت اضيف الليمون .. انتي ضيفيه بهالخطوة
بعدها نضيف البصل ونحركه لين يذبل
وبعدها نضيف الثوم والفلفل
ونحرك البصل كل بين خمس دقايق على نار هادية لين يتحمر وبعدها نضيف البهارات المطحونه والملح والماجي
نضيف الدجاج ونغطي الجدر لمدة 10 دقايق على نار هادية .. لين تنزل ميّة الدجاج
بعد الـ 10 دقايق نزيد عليها ماي مغلي ونخليها على النار لين تستوي الدجاجة
نحط الدجاج بالفرن للشوي .. ونضيف الرز على المرق .. لاحظي ان المرق متساوي مع الرز .. لاني احب يكون الرز نثري:D وحبه حبه
ونصف حلقات الباذنجان المقلي ... ونغطي الجدر لمدة 30 الـــى 45 دقيقة على نار هادية كثير
ونقدمه
قدميه مع السلطة وصلصة الدقّووووس الحارة :D
عاجبني هالجنب :D
وبالعافية على قلوبكم
ان شالله يعجبكم