بسم الله الرحمن الرحيم
سويت لكم اليوم مقلوبه وحطيت فيها مكون جديد وصحيه بعد لأن الخضار المقليه غسلتها بمويه دافيه علشان يروح الزيت
((اعذروني لأن الدجاج محمر بزياده بالقدر سويتها وقعدنا ساعه الا ربع نصحي بالزوج الغالي بالدور رايحين جايين عليه انا وعيالي واخيرا حن على عياله الجوعانين وقام ))
المقادير
دجاجه مقطعه 4 قطع +بصل وثوم مطحون +بطاطس مقطع شرايح وباذنجان وزهره ومملحه قليل ومقليه +كزبره شوي وبقدونس مطحونات+رز ابو كاس 3 كيسان+شرايح طماط وليمونه شرايح
الطريقه
جيبي قدر وضعي شوي زيت وشوي سمنه وقلبي فيها البصل والثوم وضعي فيها الدجاج وزيدي عليه ماء وحطي عليه بهارات البيت شوي وفلفل اسود حب شوي وهيل شوي وورق غار وماجي ابيض وملح واتركيه يستوي الدجاج
طلعي الدجاج اذا استوى وجيبي مقلاه صغيره حطي فيها شوي زيت وحمريها من الجهتين فقط على نار عاليه بس مجرد تحمر من الجهتين مانبيها تنشف من الوسط وموية السلق حقت الدجاج اسلقي فيها الرز نص سلقه بعد ماتصفينها من البهارات الصحيحه
والحين جيبي قدر كشني فيه بصل وثوم شوي وحطي عليها نص علبة صلصه والشي الجديد حطيت صوص صويا شوي وبهارات شوي وملح بعدين ضعي الدجاج وبعده ضعي البطاطس والباذنجان المقليه وعلى فكره انا عقب ماقليتها غسلتها بمويه دافيه علشان يخف الزيت وحطيتها بمشخال الين جفت من الماء وراح الزيت بعدين ضعي عليها البقدونس والكزبره المطحونات وعلى الرغبه شرايح الطماطم والليمون وبعدها الرز ويكون فيه مويه سلق شوي مانشف مره
قدميها بالهناء والعافيه
سويت جنبها سلطه كامله طماط بصل ملفوف جزر وخيار
وبالعافيه مره ثانيه
ام الكرم والجود @am_alkrm_oalgod_1
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
اشتهيت من زمان ما سويتها