قبل كل شي اعذروني في خطوات ما قدرت اصورها .. بس الطريقة كتبتها بالتفصيل
اول شي بنسلق اللحمة او الدجاج متل ما بنحب وبنتركهم على جنب
بنقلي البتنجان بزيت غزير بعد ما نكون قشرناه وقطعناه شرائح سميكة ورشيناه بالملح
وبنتركه على ورق نشاف ليمتص الزيت منه
بنحضر القدر يلي رح نستخدمه .. بالقاع بنرش شوية رز (مغسول منيح ومصفى مسبقا)
فوق رشة الرز بنوزع حبات(اسنان) ثوم بقشره
بعدين طبقة من شرائح الطماطم .. وفوقها دوائر البصل ..
بعدين طبقة البيتنجان .. وقطع اللحمة (هالمرة استخدمت لحمة قطع صغيرة )..
بعدين طبقة الارز وبنساوي سطح الرز بمعلقة خشب وبنضغط بشكل خفيف فوقهم لحتى يضله متماسكين لما نحط المرقة فوقهم
وبنحط المرقة اللي سلقنا فيها اللحمة من قبل
بنرفع القدر على النار لحتى تغلي المرقة .. وتقل شوي ..
بنهدي النار ونغطي القدر وبنتركها تاخد وقتها وتستوي
بعد ما تنضج .. بنتركها شوي لحتى تهدا وبعدين بنقلبها
بتتقدم مع سلطة عادية .. ولبن زبادي او ( سلطة لبن بالخيار )
النتيجة الفتاكة
ومن الجنب
شو رأيكم ؟ :)
