سلاااااام تربيع لاحلى صبايا
امبارح عملت مقلوبة :hahaha: مافي اشي بضحك بس الي ضحكن اني الي 6 سنين بعملها
وزوجي بحكيلي اطيب مقلوبة بتعمليها من يوم اخذتك :06: مع انه بشهادة الجميع مقلوبتي
زاكية الي نفس عليها وعلى كل الاكل بس ابصر شكلهه كاين جيعان :o
شو بدكو بطول السيرة منروح بسرعة عالمقادير وبعدين بفرجيكم الصور
المقادير :
2 باذنجان منقشرهم دوائر سميكة ومنرش ملح عليهم مشان مايشربو زيت منخليهم من نص الى ساعة
حبتين بطاطا
دجاجة مقطعة الى اربع قطع
كيلو رز صنوايت او تايقر
بهارات وملح وهيل مطحون وعصفر مشن لون ارز يصير اصفر (مهم العصفر او الزعفران)
مكعب ماجي (لذيذ على المقلوبة)
الطريقـــــــــــــــــة: :35:
1: اول شي منسلق الدجاجة ومنحط عليها الملح والماجي والبهارات والعصفر ومنخليهم يغلو عالغاز
لمدة ساعة الا ربع او حسب استوا الدجاج (انتي بتقدري الوقت)
2: منقلي الباذنجان والبطاطا ومنحطهم على جنب
3: بس يستوي الدجاج منحط زيت بطنجرة الطبخ ومنشيل الدجاج ومنحطهم ومنقليهم شوي لحتى يتحمرو شوي
4: وبعدها منضيف ماء السلق على الدجاج ومنضيف عليها الباذنجان والبطاطا ومنخليهم 5 دقايق يغلو مع بعض
وبعدها منضيف الارز المنقوع عليهم ومنخليهم على نار عالية لمدة 5 دقايق وبس تنشف شوي من المي
منهبط شوي للغاز على الاخر وخليها تستوي على نار هادية (اذا شفتوا انها المي قليلة بتقدروا تضيفوا مي مغلية)
وصحتين وعافيه ولاتنسونا بالردود
وهاي الصور
miss february @miss_february
محررة برونزية
يلزم عليك تسجيل الدخول أولًا لكتابة تعليق.
لماااار2008
•
تسلم يدك من جد شكلها بتشهي
الصفحة الأخيرة