:26:السلام عليكم:26:
مرحبا خواتي وكل عام وانتم بخير مقدما>>>>سبقت العالم
وبمناسبة هالشهر الفضيل حبيت اهديكم هالطريقه اللذيذه لعل الله يكتب لي فيها الاجر
طريقه يمكن تكون غريبه على البعض لكن والله يابنات منتم محلفيني انها طعم ولا اللذ ...............تدورين سر النكهه ومانتي قادره تكفشينه ههههههههههه....>>>>>صارت لعبة ملاحق
واللا الون يجن لاهو احمر ولاهو صياديه ....>>>>هذا بالنسبه للجزء المقلوب
والحين بعد هالمقدمه الحماسيه راح اجيكم بالطريقه
هي طبعا مثل غيرها تقريبا من القلوبات لاجديد اللا بموضوع الكراميل اللي انتم مانتم مستوعبينه
الطريقه
اول شيء نقعي رز اذا كان مزه قبل لاتبدين بالطبخ بمويه حاره وشوي خل>>>الخل خياري
وبعد كذا نبدأ بالطبخه اللزيزه
كشني بصل وطماط واغسلي اللحمه او الدجاج وسقطيهاعلى الكشنه وبهريها((ملح ..فلفل احمر...كمون(بهار مجمع)....كركم..وتقدري تحطي شوي صلصه حمرا))وقلبها واتركيها على نار وسط وزيديها مويه ....كأنك تسوي المقلوبه العاديه اقولكم لاجديد:icon28:
اسلقي الرز مع زبده وهيل وملح ولما يتسلق لمدة 10 دقائق تقريبا بمويه واااافره عشان نشخله
الحين نجي للسر الخرافي
قبل تكبين الرز على الكشنه سيحي سكر حوالي فنجان قهوه صغير كأنك تسوي كراميل حق حلى بس بدون قشطه وبعد مايتكرمل وقبل يحترق((لازم يكون لونه بني غامق مو اول مايسيح ترفعينه لا))
بعد ماتنضج اللحمه ويكون الطعم اوكي من ملح وبهارات والمويه تكونين متأكده ان مقاس الكشنه مناسب للرز صبي الكراميل فوق اللحمه ومجرد مايتجانس مع الكشنه اشخلي الرز وكبيه عليه ......طولي النار لبعض الدقائق وبعد كذا خلي النار وسط لمدة خمس دقائق او عشر وبعد كذا نار هاديه
عاد كل وحده ورغبتها على الوجه الاخير تسوي زيت مقليه ببصل وتساقيه شوي او مكعب زبده
وهذا الطبق جاهز..........وان شاء الله يعجبكم
مااحل اي وحده تنقل موضوعي بدون اذني او على الاقل تذكر مصدر النقل وصاحبته
وسلامتكم