بطريقتي راح تعملوها دايما لأنها اسهل والذ وماتاخذ ساعه إلا والاكله جاهزه
يالله ورايه على المطبخ.
الطريقه
ناخذ بصله مقطعه صغير _فلفله مقطعه وسط_3 فص ثوم_(باذنجان مقطع صغير او حلقات صغيره
ونحطهم في القدر مع نصف كوب زيت ونحطهم على النار حتى تنقلي مع بعض
ونقلبها مع بعض زين إلين تتحمر شويه
ونضيف عليه دجاجه مقطعه صغير بالعظم طبعا وملح وبهارات
ونقلبها في الزيت إلين تتحمر شويه بعدين نضيف صلصة طماطم ونقلبها زين
بعد ماتنشف نضيف كوب ماء مغلي ونغطي عليه حتى يتسبك مع بعض
يتبع
بعدين نصب الارز على خلطة الدجاج والباذنجان بدون مانقلبه نخلي الدجاج تحت والارز فوق
ولازم يكون لسى في الدجاج شويه صلصه سائله حتى يتشربها الارز
بعدين نغطي القدر بالقصدير(الفويل)ونغطيه ونخليه على نار هادئه جدا نصف ساعه
بعد مايستوي نقلبه في صحن التحضير وبرضه مانقلبه راح يكون عليه شكل جنان والارز بيكون لونين ابيض اللي تحت وعليه طبقه ارز حمراء من الصلصه بعدين طبقة الدجاج والباذنجان
طبعا كالعاده الصوره مااعطت الطبق حقه لأنها كاميرا جوال
جربوها ماراح تبطلو تعملوها وطعم جنان
وبالعافيه انشاء الله