من اول ما نزلت موضوع ..
فحبيت هالمرة انزل لكم
اول طبق رز تعلمته
اللي هو المقلوبه ..
انا اسويها بطريقتي .. والحمد لله تعجب اهلي كثير ..
نشوفها الحين الطريقه والصور مرة واحدة
بسم الله :
اولا الدجاج ..
قطعي الدجاج زي ماتحبي وسوي فيه فتحتات وتبليه بالاتي
(ملح +فلفل اسود واحمر + سماق +بهارات عاديه )
واشويه بالفرن العادي
ولعي الفرن من فوق وخليه ساعه ويمكن اكثر او اقل حسب فرنك
راح ينضج ويصير كانه مشوي تماااااما
والي تحب ممكن تقلب الدجاجه بين فترة وفترة عشان تتحمر من تحت
وانتي حرة
نجي لكشنه الرز ..
بصله مقطعه جوانح
طماطم مقطعه ارباع << حسب كمية الرز
فلفل رومي << حسب الرغبه
كزبرة او نعناع << حسب الرغبه
جهزي هالمقادير وجيبي قدر يكفي للرز وحطي فيه شوي زيت
وكشني هالمقادير مع بعض
كشنهيم الين تذبل الخضار
واذا حسيتها مرة نااشفه زيدي مويه شوي بس
جيبي قدر ثاني ..
واسلقي فيه الرز بطريقتك .. وملحيه لا تنسي
على بال ما ينضج الرز
قطعي الخضار اللي تحبيها
انا قطعت
بطاطس +باذنجان + فلفل رومي
قطعيهم بالشكل اللي تحبيه واقليهم تمام
وخليهم على جنب
المعذرة ما صورت هالخطوة ..بس واضحه ان شاء الله
تابعوني
طفي النار
وخذي محتويات القدر واضربيهم بالخلاط ورجعيهم للقدر
واضبطي الملح
وحطي البهارات اللي تحبيهاوممكن تحطي الماجي
نرجع للرز
راح يكون نااضج بس احرصي انه ما يكون ناااضج تمام
لان لسى راح نطبخه شوي
يعني خليه ثلاث ارباع استوى
انا احب يكون في الرز نكهه
فعشان كذا
اذوب ملقعه صفار الزعفران في بياله مويه كادي
وارشها على وجهه الرز
ممكن تستغني عن الكادي او الصفار .. يعني براحتك
نجي للخطوة الحلوة
تاخذي شوي من كشنه الطماطم تقريبا ربعها او نصها وخليه على جنب ..
جيبي الخضار ( البطاطس والباذنجان والفلفل )
وحطي نصها على الكشنه اللي خليتها بالقدر
حطي فوقها نص كمية الرز ..
وفوق الرز حطي الكشنه اللي شلتيها .. وبقية الخضار اللي عندك
واخر شيء ارجعي حطي بقية الرز
يعني خليها تصير طبقات
خضار وكشنه - رز - خضار وكشنه -رز
وولعي النار على الواطي وقفلي القدر
خلي الرز يكمل استواء
تابعوني ..