مقلوبه غير شكل ,, والطعم واااااااااااو

السلام عليكم
بأنزل لكم طريقه المقلوبه حقت غدانا اليوم لذيذه

هذي الصوره والمقادير بأكتبها مع الطريقه ,,, الصينيه المستعمله هي صينية الكيك اللي تكون مفتوحه من النص

mqlwbh


المقادير والطريقه طبعا الكميه لشخصين الى 3 اشخاص

نسلق مقدار كاس لحم هبر بدون عظم او بعظم صغييير نسلقها مع زيت وهيل وقرفه وكمون لمدة ساعه الا ربع او ساعه انا اخليها ساعه لاني احب اللحمه تكون ذايبه
ونسوي مرق خضاار نكشن بصله صغيره وحبة طماط وسط مع بهار ونص مكعب ماجي وفلفل اسود وملح وثوم وكركم ونصب عليه مويه وملعقتين صلصة طماطم والخضار مقطعه مكعبات وسط (بطاطس وكوسا وجزر,, واي خضار تحبي) ونخليها تطببببببخ الى ان تشرب المويه وتكون المرق ثقيله بس فيها شوي مويه
نغسل كاسين رز بشاور (عنبر) ونشيل اللحم ونحط مكانه الرز والملح الى ان يستوي
نقطع بصله وحده صغيره الى شرايح مثل الهلال وتحمس مع زيت وفصين ثوم مهروس وملح وبهار ونص مكعب ماجي وكركم وفلفل اسود مع جزره وسط مبشوره وفلفل اخضر بارد مقدار ملعقتين كبار مقطع شرايح ثم نضيف له اللحم بعد تصفيته من الماء ويحرك باستمرار على نار هادئه لمدة خمس دقائق
نبدأ بصف طبقات الرز والخضار اول حاجه نضع نص مقدار الرز في صينية الكيك وبعدها نضع طبقة الخضار (المرق) بس بدوووون المويه حقت المرق واكيد بعد كل طبقه تضغطينها بالملعقه زين علشان لما تقلبينها تكون متماسكه ,,,وبعد طبقة الخضار نحط طبقة الرز المتبقي ونضغط عليه بالملعقه وبالنهايه نرش شوي مره من موية المرق ونغطيها بقصدير ونحطها شوي بالفرن لمدة عشر دقايق على 140 درجه علشان تسخن بس
وفي النهايه نقلبها في صحن ونحط اللحم في الفتحه اللي بالنص المتكونه من الصينيه ونرش شوي مره من موية المرق

وبالعافيه على قلوبكم
:p