شخبااااااركم اخوواتي
اقدم لكم غداي البسيط
وان شاء الله ينال على اعجابكم
بسم الله نبدأ
انا سويت مقدار يكفي لشخصين
انتم حطو اللي تشوفونه مناسب لكم
~~~~~~~~~~
المقادير :
لحم مقطع قطع صغيره
رز بشاور
نص حبة بصل مقطع نص شرايح
3 فص ثوم مفروم
زنجبيل طازج مفروم ( اقل من الثوم )
فلفل رومي اخضر مقطع صغار
2 فلفل احمر صحيح
قرنفل + دارسين + هيل ( حب مو مطحون )
ملعقه صغيره صلصلة طماط
فنجان من كريمة الخفق
بطاطس مقطع مكعبات متوسطه
كوسه مقطعه صغار
بازيلا مقطع نصين
زهره ( قرنبيط )
بقدونس مفروم ( مقدار ملعقه صغيره )
3 ورقات نعناع مفرومه
ملح
ملعقه صغيره بهارات مشكله
رشه بهار كاري
نص ملعقه صغيره خلطة تكا ماسلا ( حقتي سايله نوعا ما )
هذي صورتها
الطريقه :
نحط بالقدر زيت زيتون مقدار ملعقه كبيره
ونحط عليه ( قرنفل + هيل + دارسين )
نخليهم بالزيت ثواني ثم نحط اللحم وملعقه بهارات مشكله
ونحركه على نار متوسطه لين يتغير لونه ويتحمر شويه
ثم نحط عليه البصل والثوم والزنجبيل والفلفل الرومي و2 حبه فلفل حار
ونحررك ونخليه 5 دقايق على نار هاديه لين يتحمر نوعا ما
ثم نحط عليهم الخضروات البطاطس + البازيلا + الكوسه + الزهره
ملاحظه ( تسلق الخضار نص استوى قبل لانحطها على اللحم )
ونقلب ونحط عليهم المقادير الباقيه كلها ماعدا الرز وكريمة الخفق
وخليها على نار هاديه مدة 10دقايق
ثم حطي عليهم كريمة الخفق وخليهم 10 دقايق ثانيه
وقتها اسلق الرز احط بالمويه حبات من القرنفل والهيل والدارسين
وملح وشويه زيت وخليه يستوى قريب للاستواء
وحطيه على خلطة اللحم وثم حطي على الرز زعفران منقوع بمويه حاره
وخليهم على نار هاديه جداً لمده عشر دقايق
واللي تبي الاكله حاره تحط فلفل مفروم ( حسب الرغبه )
وبالعافيه
( مفروض خلطة اللحم تكون حمره بس ماعندي الا صلصله حاره ماكثرت منها )
و سويت سلطه خضره المعتاده احب اكلها معها لذيذه
عبارة عن :
خيار + خس + طماط + عصير نص ليمونه + ملعقه صغيره زيت زيتون
+ نص ملعقه صغيره فلفل اسود مطحون + ملح حسب الرغبه
ربي يسعدكم