مقهــــــــــــــــورة من تجديد عقدي عطوني حل بنفجر ورب الكعبة !!

الطالبات والمعلمات

ايوالله يابناااااااات الناس تفرح بالوظايف وأنا مقهورة من الظلم الي أشوفه ....
وعلشان تعذروني بقولكم السبب ...
أنا معلمة تعليم كبيرات للمرحلة الثانوية لما جيت أوقع عقدي قبل ثلاث سنوااااااااات كان معي خبرة سنه بدل أستثناء
سألت المشرفة وقلت وش مميزات هالعقد ؟قالت لي عقودهم سنه كامله مو اترام مثل البدل ورواتبهم تمشي بالعطل علشان كذا رواتبهم أقل من البدل ...
فتوكلت على الله وكتبت العقد وأنا ودي تكمل خبرتي ثلاث سنوات بدون تقطيع وقلت بعدها أترك العقد وأخذ بدل .
وسألتها المدرسة تعليم كبيرات بس؟؟ قالت لا تعليم عام وكبيرات .
قلت وأن أجبروني أعطي تعليم عااااااام قالت : أرفضي ...وبعد ماجيت المدرسة طلع لي علم ثاني وتفاجأت بأنهم مسكوني فوق العشرين حصة ...وتعليم عام وكبيرات ...رجعت كلمت مشرفتي قالت لا تمسكين مثل المعلمات وغيرت كلامها عن الأول والي زاد الطين بله أنه كان جاني بدل ورفضته :mad:.
قلت بتحمل لما أكمل خبرتي واتركهم وكانوا يدقون علي كل سنه يبوني بدل لأن رقمي بالديوان قريب وأرفض !!
وقررت أن السنه الي فاتت آخر سنه لي عندهم بعد ماشفت وشلون المديرة حتى الأعمال الأدارية تكلف معلمات الكبيرات فيها
ورواتبنا ماتجي نص رواتبهم .
طبعاً بغيت أكمل الثلاث سنوات لأن الديوان زي ماتعرفون يحسب لنا الخبرة إلى 3 سنوات بس والباقي إذا تساويتي مع أحد بنقاط المفاضلة يطالعون لباقي خبراتك .
تحملت قلة الراتب 3450 ريال علشان الخبرة وتحملت الكرف بعد عام وكبيرات غير أن الكبيرات بعضهن أمهات بصعوبه يفهمن الدرس وأنتي تعيدين وتزيدين ...والله أتعب تعب الله وحده الي يعلم .
الحين جاء الملك وجدد عقودنا ...وأنا كنت مخططة لو جاني استثناء هالسنه آخذه ..وأنطقيت على عقدي
غير أن المميزات الي بهذا العقد والي كنت راضيه فيه علشانها صارت للبديلااااااات وصارت تمشي رواتبهم بالعطل والعقد يجدد لهم مو زي أول ترم بس وأحيانا ترمين على حسب أجازة المعلمة ..
غير أن معلمات المسائي
الي مامعهم إلا ثانوية مايفرقون عنا بالراتب إلا 450 ريال بس !!
وغير أن معلمات البكالوريوس المسائي يروحون ساعتين ويرجعون ونفس راتبي بالضبط !!
وغير أنا مثل البديلاااااااااات بعدد الحصص وساعات الدوام وهم أكثر منا بالراتب تقريبا ضعف الراتب !!
ويمكن نعاني أكثر منهم من قلة فهم بعض الأمهات الي تعيدين لهم بالساعات بحكم عامل السن ففيه فرق بينهن وبين التعليم العام ومايلاحظ هذه الفروق إلا الي يدرس هالفئتين ويتعامل معهم عن قرب . .
الحين لي كم يوم بس أغيب ومن دون عذر ....ويوم الأربعاء جمعتنا المديرة وبدت تعطينا تعليماتها للعام الدراسي الجديد من الضيقة بغيت أقوم وأطلع من الأجتماع وأخليها ,
أحس ماعاد لي خلق ولا أبي أداوم ...تعبانه نفسياً ومحطمة وبعد تصريحات وزير الخدمة ان التثبيت على ثلاث مراحل وثلاث ميزانيات صرت أخاف أبقى أكثر على هالعقد ...لدرجة من الحين مقرره ما أداوم السبت والأحد .
أنا خلقة مريضة واستخدم رقية وزادت نفسيتي سوء وكرهت المدرسة وما أبي هالعقد وش تنصحني فيه يا خواتي
والله أحس ماعاد عندي صبر وبديت أفقد وزني بعد وأخاف تزيد حالتي سوء وأموووووووووت من الكبت والضيقه

..قلت حتى بغير المرحلة وبدرس بناتي الي تعودت عليهم العام بثاني وأخذ هالسنه ثالث ورفضن المعلمات الي ماسكات ثالث لايبدلني لأن منهج ثاني أكثر ........:icon33:
وش الدبره والله ضايقه فيني الوسيعه ولا أدري وش اسوي ...
أطلب تغيير العقد ويمكن يرفضون ولا أنتظر للميزانية وإلا وش اسوي ؟؟:44:
والي ماعندها رد ياليت بس تدعيلي أن الله يفرج همي ولك بالمثل أن شاء الله
بس لاتمرون على موضوعي مرور الكرام لأني بضيقه محتاجة لمن يوقف معي لو بكلمة .:(


23
2K

يلزم عليك تسجيل الدخول أولًا لكتابة تعليق.

تسجيل دخول

فراشة فوشيه
فراشة فوشيه
مساء الخير اختي

حبيبتي حالتك صعبة صدقيني انتي محسوده
اول شي صلي استخارة في موضوعك
ثانيا داومي عالرقية صدقيني تندمين اذا تركتي العمل
استغفري بنية الفرج وراح يجي الفرج
قوي ايمانك واحسني الظن بالله

الله يفرجها علينا جميع
دعواتك تتيسر امور ترشيحي المعلقه
حسبنا الله سيؤتينا من فضله انا اليه راغبون
مس تفاحة
مس تفاحة
مساء الخير اختي حبيبتي حالتك صعبة صدقيني انتي محسوده اول شي صلي استخارة في موضوعك ثانيا داومي عالرقية صدقيني تندمين اذا تركتي العمل استغفري بنية الفرج وراح يجي الفرج قوي ايمانك واحسني الظن بالله الله يفرجها علينا جميع دعواتك تتيسر امور ترشيحي المعلقه حسبنا الله سيؤتينا من فضله انا اليه راغبون
مساء الخير اختي حبيبتي حالتك صعبة صدقيني انتي محسوده اول شي صلي استخارة في موضوعك ثانيا...
اسأل الله أن يعجل بتعيينك وأن يفرح قلبك بالوظيفة الي تتمنيهاااااا في القريب العاجل
وفعلاااااااا شكلي بستخير بهالموضوع وأشوف وش الله يكتب لي .
شاكرة لك مرورك من هناااااااا
وأن شاء الله تبشرينا بخبر تعيينك قريباااا
دمتـــــــــــــي بحفظ الباري
دموع الصيف
دموع الصيف
ياحياتي والله اني رحمتك الله يفرجها لك ويرزقك من اوسع ابوابه ويرزقني بالوظيفه
امبريلا
امبريلا
عليك بالرقيه وقراءة البقره كل ليله وانفثي على نفسك و الا روحي شيخ يقرى عليك وتوكلي على الله واكثري الدعاء
بس لا تتركين الوظيفه وان شاء الله اتثبتين والله كثير حاسدك عليها الناس مو محصلين ولا وظيفه وصارت بس اتناضر اللي معها اي وظيفه
الله يفرج لك ويسهل عليك ويجعلك من الدفعه الاولى اللي اتثبت
مس تفاحة
مس تفاحة
ياحياتي والله اني رحمتك الله يفرجها لك ويرزقك من اوسع ابوابه ويرزقني بالوظيفه
ياحياتي والله اني رحمتك الله يفرجها لك ويرزقك من اوسع ابوابه ويرزقني بالوظيفه
الله يجبر بخاطرك زي ماجبرتي بخاطري ...ودي أحد يحس في فعلاااااااااااا
الله يرزقك بأفضل مماتتمنين .