سبحان الله توني اليوم اتكلم مع زوجي في سالفة الأسامي .. يقول اذا حملتي ويبتي ولد باسميه خلفان .. وأنا اقول له: بعينك اكره ما علي اسم خلفان وخليفة ومستحيل اسمي حد من عيالي هالاسمين.

قال لي: من له الحق يسمي .. انا والا انتي؟

قلت له: انا طبعاً .. انا اللي اشيل واتعب .. وانا اللي تلوع جبدي واستفرغ .. وانا اللي يمسكني الشد العضلي في رجولي وينقزني من نومي في عز الليل .. وانا اللي الدكتورة تلعب فيني ملاعيبها عشان تشوف الرحم مفتوح كم سم .. وانا اللي تطلع روحي لين يطلع النونو .... وانت الياهل يوصل عندك على البراد.

قال لي: خلاص خلاص .. كلتيني :icon20:


بس الفرق ان زوجي الله يخليه لي عارف حدود كل واحد .. سواء انا او هو او حتى امه .. ورغم انها حاولت تتدخل في اختيار اسامي ولدي وبنتي لكن الحمدلله زوجي ما هضم حقي وانا اللي سميتهم مثل ما ابا.






شوفي حبيبتي .. الحق لج طبعاً وما حد يقدر يقول شي .. ويمكن ام زوجج كلمت ولدها لأنها تمون عليه .. يعني مب شرط يكون قصدها انها تتجاهلج مثلاً.

المهم انتي تكلمي مع زوجج وتفاهمي معها بهدوء وبدلع .. وتمسكني وطيحي لج دمعتين .. واوعديه ان النونو الثاني بيكون اسمه من اختيار جدته اذا الله كتب .. أما أول فرحة فالمفروض تكون لج انتي .. بس اياني واياج تييبين طاري امه بالشين أو تحطين عليها وتقولين: امك شو يخصها وامك شو عليها .. يعني لا تعطين زوجج فرصة يمسك عليج غلطة في حق امه.


وما انصحج انج تكلمينها وتتفاهمين معاها لأنها مع احترامي مب صاحبة حق .. وأي نقاش بخصوص اختيار الاسم المفروض يكون بينج وبين زوجج .. مب بينج وبين امه أو أي حد ثاني.



والله يسخر لج زوجج يا رب.

انا زيك من حملت بولدي وانا مختاره له اسم ولما ولدت سمته عمتي ام زوجي قهرتني والله بس تعودت عالاسم وانتي سلمي امرك لله

يوه يوه والله من جد شي يقهررررررررررررر

انتي اللي تحملين لا و حملتي بعد تعب وانتي اللي تتعبين و تولدين و تربين و تجي هي بااارده مبررده تسمي
لا و ما تشاورك تروح تامر ولدها

بصرااحه مالها حق ابد وانتي من حقك تعترضين

كلميها باسلوب حلو و قوليلها انك مشتهيه هالاسم من زمان و عطيها من الكلام الزين

الله يكون في عوونك

شي بيقهر

كلميها عادي ما فيها شي

قوليها يا خاله والله نفسي اسمي هذا الاسم وكلميها باحترام

وووو يمكن تحن عليك