مقهورة

السلام عليكم و رحمة الله و بركاته
كيفكم ي حلوين!
ي بنات انا من امس مو قادرة انام زي الخلق ما ادري الموضوع يستاهل ولا انا صايرة حساسة بزيادة
امس كنت في بيت عمي ( اهل زوجي) كانو مجتمعين عندهم اقاربهم كلموني و رحت المهم زوجة ولد عمتهم سألتني كيفك ي ميعاد وش اخبارك كيفك مع الحمل اختفيتي بعدين وش فيك كل مالك تنحفين نعرف الحامل تسمن و انتي عكس الناس رديت عليها الحمدلله بخير و النحف لاني ما اكل زين مع الوحام قالت لي هاه بنوته ولا ولد نطت اخت زوجي قالت لسى ما ندري انا ناظرتها وقلت لها بنت عسى ربي يقر عيني بشوفتها قالت مبروك ياعمري الله يتمم لك على خير بس اهم شي اهتمي ب اكلك و صحتك علشان النونو حقك على فكرة هيه عندها 7 ما شاء الله و السابع توه مولود


الزبدة الساعة 11 استأذنت منهم ورجعت بيتي وصلت البيت فتحت جوالي الا اخت زوجي كاتبه لي معروض في الواتس
وش هالغباء اللي انتي فيه مو اي احد يسألك عن شي تجاوبين هذي خصوصيات لازم تتعلمين تحتفظين فيها لنفسك و مالع داعي تسولفين عن حملك قدام الناس بعدين وش عندك حضرتك مو لابسة فضفاض يعني تبغين تورين الناس بطنك ( مع انو ما عندي بطن ابد ابد ما كأني حامل ) اذا انتي ما تخافين من العين و الحسد و مو هامك احد ترا احنا يهمنا هذي بنتنا شوفي اختي فلانة ما تجاوب اي احد يسألها عن ذا الموضوع ودايم تلبس فضفاض اتمنى هالشي ما عاد يتكرر


رديت عليها اتوقع انو الموضوع مافيه اي شي من الخصوصية و ثانيا انا حرة اسوي اللي يعجبني محد له دخل و الحمدلله انا مو من الناس النفسية اللي حتى الكحة تخبيها علشان محد يعرف و هذي بنتي انا مو بنت احد ثاني و فلانة غير وانا غير ما احب احد يقارني ب احد ثاني


جاء زوجي معصب عرفت انه اشتكت له اول مرة يصارخ علي و يهاوشني من لما تزوجنا و يمكن هالشي هوه اللي قاهرني يقول انتي حساسة بزيادة حتى النصيحة ما تتقبلينها ولا لانو اهلي حريصين عليك مو عاجبك لو احد من اهلك كان فرحتي بعدين وش دخل الناس اذا انتي حامل ببنت ولا ولد مو لازم يعرفون لما تولدين وقتها يعرفون قلت له بالله وين النصيحة في الموضوع هيه تهدد و تعطي اوامر قال بكرة بنزل السوق و تاخذين لك ملابس حمل تصيرين تلبسينها قلت له اسفه لانو ما عندي بطن اروح اخذ شي يطلع علي كأني لابسة خيمة لو عندي بطن انا من نفسي ب اجي اقول لك ابغى اشتري ملابس حمل المهم انه واقف بصف اخته و طلع وخلاني و انا مرة مررة مقهورة لانه اعطاهم فرصة يتدخلون بحياتي






هل انا غلطانة؟!