مقهورة

تخيلوا صاحب الشقه ازعجنا حتى على فاتورة الكهرباء حنا خليناها أقساط يقول لا سددوا المبلغ كامل رغم ماله دخل في الكهرباء ولما نقول مالك دخل يروح يفصل علينا الكهرباء المهم مشاكله معانا كثيره صاحب الشقه راح اخذ زوجته وعياله وحطهم بدور الثاني وطلع لي بسالفة المكيف ينقط على مكيفه مويه حنا بدور الثالث وهو الثاني وحنا عايشين بظروف مايعلم فيه الا الله المهم المكيف بغرفت عيالي وكنت احاول سنين اشتري لهم دولاب ملابس وجيب لهم اسره بس الظروف تعاندني المهم غرفتهم معدومه وصاحب الشقه مزعجنا ومع البرد ذا اقسم بالله ما اشغل المكيف ويوم يدق على زوجي يسأله ليه ماصلحت المكيف قال زوجي المكيف مانشغله وحنا مانشغله اصلآ من البرد بس واضح يدور مشاكل ويوم استلم زوجي الراتب اللي مايمر عليه يوم راح جاب عامل دخل صاحب الشقه غرفت عيالي واحس نفسي مقهورة انه شاف عيشتنا قلت ليه تدخله قال عشان يعرف اني صلحت المكيف قلت مو لازم نجيب له دليل اصلا هو من كلامه يبيك تطلع من الشقه و اخوي يعرف ظروفنا والمشكله اللي بين زوجي وصاحب الشقه اخوي كان هو اللي يتدخل بينهم ويحل المشاكل اللي تصير بينهم اللي مسمينها مشكله ولما قلت لخوي ليه تدخله انت وهو قال انا اللي دخلته عشان يعرف ان زوجك صلح المكيف بالله ذا كلام وش دخله هو حتى مادق علي قال لي ان صاحب الشقه راح يجي معاهم ولما دخل صاحب الشقه صار يتمشى لدرجه دخل المطبخ حتى الدولاب مكسر وانا ماودي شاف عيشتنا الحين انا غلطانه بكلامي اني هاوشتهم وزعلي ماله داعي