مقهورة ابغى افضفض شوي عندكم 😭😭

السلام عليكم
اخواتي جيتكم ابغى افضفض عندكم هل تسمعوني ؟؟؟
قصتي هي انا معلمة في حالي منضبطة بشغلي علاقتي مرة حلوة بالمعلمات وهم نفس الشي

لكن عيبهم يحبون التلزق بالمديرة ويعطونها من الكلام الحلو طبعاً وهي ماشية حسب شورهم بعضهم مو كلهم
المهم اليوم جينا بدري ودخلنا انا وكم معلمة ملاحظة اختبارات انا ومعلمة ثانية شلنا عن زميلاتنا لانهم تأخرو مرة مررة ومو اول مرة يسوونها

رحت لها وقلت لها عدد معلمات الكنترول اكثر من الملاحظات ليش ماتسوين موازنة بينهم لان معلمات الملاحظات مرة تعب نقعد واقفين ساعتين
وهم بس يجيبون الاوراق ويروحون يجلسون لين نخلص .. ماعجبها كلامي وحاولت تطلع لهم مبرررات وانهم يشتغلون وانتم بس قاعدين ..
طنشتها وخرجت

وبعد صلاة المغرب تفاجأت انها مرسلة في القروب شكر لهم وثناء على جهودهم وتعاونهم معاها
وكاتبتهم بالاسم حتى اللي احنا نشيل عنهم الملاحظة والتصحيح شكرتهم
وانا ومعاي ٤ معلمات ماذكرتنا بخير
حسبي الله فيها ان كان ظلمتنا وشكرت ناس ماتستاهل واغلب وقتهم جالسين لاشغل ولا مشغلة ويجون بعد متأخرات وعادي عند المديرة ،،،


اعذروني فيني غصة منها وحبيت افضفض عندكم لا اقل ولا اكثر
شكرا لكم ولرحابة سعة صدركم انكم سمعتوني عن بعد 😊😊💛💛