السلام عليكم
كيفكم يابنات
بدخل بالموضوع على طول طبعا الكل عارف مشكلتي لاني اكثر من مره انزلها في المنتدى انا ساكنه مع زوجي في بيت أهلي انا في غرفه وحمام وعندي بنت وانا الحين حامل وتعبانه ونفسيتي زفتتتتت وصار لنا مع اهلي 5 شهور تقريبا واهلي مو مقصرين معي الله العالم بس انا طفشت وابي لي شقه لحالي وزوجي وعدني بمجرد اطلب منه يطلعني يطلعني بدون مايعارض
واحنا اتفقنا نطلع وقعدنا ندور لنا شقة وندور في منطقة عمل زوجي طبعا اما اهلي واهله في الديره المهم واتعنى واروح والمشوار تقريبا ساعتين ومواعيدي في المستشفى بعد هناك والله تعب مرررررررره وانا خططت كل شي لشقتنا الجديده وبنيت احلام وبسوي وبسوي وزوجي ماعارض ولا شي بس قلت له لاتقول لاهلك شي الى مانكتب العقد عشان اذا دروا بالموضوع راح يوقفوا ضدنا ومايرضوا وزوجي مايرفض لهم طلب لو على حساب راحته وسعادتنا وقال اوكي ما اشوفه امس الا قال لا مايصير اهلي ولازم اقولهم قلت له عادي بس انتظر نكتب عقد الشقه عشان لايعارضوا و.... الخ قال لا بقلو لهم قلت كيفك ماعلي منك انا حذرتك بس في المقابل اذا رفضوا انا ماراح اتنازل ابي شقه يعني ابي وانت تصرف
وما اشوفه يوم ثاني جاي وانا نايمة متضااااااااااايق وشايل هموم الدنيا على راسه وحالته حاله بالموت يشيل عمره وشكله متغير انا حسيت فيه شي وقلت اكيد نفس الموضوع وقمت غسلت وصليت وسألته قالي بعدين مالي نفس اتكلم وبعد الغدا وبعد اصرار مني قالي ايه اهلي رفضوا انا انجنيت منه انه حتى هو غير رايه احلامي راحت وحياتي انتهت اقوله هذا حقي الشرعي مالهم حق وليش يتدخلوا في شي خاص زي كذا المفروض اذا خايفين عليه مثل مايقولوا
يقولوا لك بتتعب وضغط عليك يبينوا لك الصح من الغلط وبعدين يقولوا لك على راحتك مو يفرضوا عليك فرض لاتروح ولا تاخذ ولا ولا طبعا هو ماقالي وش قالوا بالضبط بس قالي رفضوا وبس اقوله حررررررررام اتحدى اذا بنتهم تسكن عندهم ويصرفوا عليها ويرضوا هم عندهم بنت ساكنه معهم بس في شقه كامله وكل يحنوا عليها اطلعي انتي وزوجك شوفوا لكم شقه ليش ماتدفعوا اجار ليش ماتشتروا اكل للبيت ونسووووووووا نفسهم وانا اعظم من بنتهم انا غرفه وحده بس وعندي بنت والثاني في الطريق يعني وين ارررروح والله ضاقت فيني الدنيا جالسه افكر وافكر ومولاقيه حل تعبت تعبت
وزوجي رحمته حييييييييييييل جد شديت معه في الكلام بس احسه اول مره متعاطف معي ومتأثر لما ابكي واصيح يمه احس دمعته في عينه وغاص بكلامه يقولي انا بسين نارين مو عارف شسوي قدري ضرفي وصبري علي انتي زوجتي واعز الناس تخليني ومن هالكلام وصار يم امي بعد وامي قالت لي حرام عليك صح اهله غلطانين بس لاتظلميه مايستاهل والله زوجك طيب لو واحد ثاني كان طنشك وطنشهم ولا عليه منكم صبري كلها شهرين انتي مو في الشارع ومن هالكلام
والحين انا منقهره من حركة اهله حيل احس كأنهم مشو كلامهم علي وكل مره بتنعاد هالحركه حتى قي المواضيع الثانيه هذا غير انهم هالكينه مشاوير ... ودقيت على ام زوجي بكلمها وصارت مو موجودة خيره من الله امي قالت لي لاتدقي هي اللي بتلعبك وبتاكلك اكل بكلامها هي ماينقدر عليها سليطه وماتهاب احد بس مابي احد ياكل حقي وانا اسكت ومقهوزرة وطول وقتي صياح كل ما اذكر نزلت دمعتي في كل مكان من صار الموضوع وانا بس اصييييييييح
ساعدوني شسوي انا الحين قلت لزوجي بصبر شهر او شهرين عشانك بس بظل متضايقه ولا ادري شسوي هو بعد متضايق
شوروا علي يابنات ارجوكم انصحوني
وعلى فكره زوجي مو الوحيد عنده اخوان شكثرهم
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
ماما 3
•
اكثري من الاستغفار وادعي واشكي لرب العالمين همك
وراح تفرج باذن الله
انا قعدت استغفر واحمد الله وادعيه واللحين الشهر الجاي زوجي بياخذ شقه اكبر من الشقه اللي انا فيها
والحمدلله فرجت من عنده اللي مايصعب عليه شي
وراح تفرج باذن الله
انا قعدت استغفر واحمد الله وادعيه واللحين الشهر الجاي زوجي بياخذ شقه اكبر من الشقه اللي انا فيها
والحمدلله فرجت من عنده اللي مايصعب عليه شي
اختي لاتتركين الزن بالموضوع لين يلقى لكم شقه وتطلعون الله يفرج همك ويسر امرك ويكتب لك الخيره في امرك
الصفحة الأخيرة
بس الغلط من زوجك مو منهم لو يبي يحط لك شقة حط
الا اذا أهله ما لهم الا هو وهم في حاجته
في هذي الحاله مالك حق تتكلمين
لأنه ولدهم قبل ما يكون زوجك