مقهورة على اخوي الصغير من اختي

اختي هذا عندها ولد سبحان الله
عمره 3 سنوات واختي تخااف عليه من الهواء ماتحب احد يقرب عليه
امس كان قاعد يلعب بالكورة قدامنا والكل قاعد انا وزوجات ابوي وهي عيونها عليه
اذا احد قرب منه على طول قامت تحولت ل وحش قاتل
ويجو اخواني يثقلون دمهم عليه وهي تعصب على طول
وجا هذا اخر العنقود صف اول متوسط يلعب مع ابنها وسوا غلطين اول غلط انه شاط الكورة بعيد وذاك صار يبكي والغلط الثاني انه شاله عشان يراضيه وطاح منه على الارض وذيك قامت تحولت من انثى رقيقة ل وحش وجات صكت اخوي ذاك الكف على وجهه صوته رن في اذاننا والكل يلومها وذاك صار يبكي وراح وهي لحقته على بالنا بتصالحه لا راحت كملت عليه وماكفاها راحت شالت مقص وقصت شعره لانه شعره طويل شوي خربته له وصار يصرخ ويبكي اكثر واختي راحت بيتها على طول وامه كانت برا ويوم رجعت جن جنونها على ابنها
وجات مدرعمة صراخ وهواش مع زوجة ابوي ومعاي وانتم ماتحبون ولدي لانه اخوكم من ابوكم وسوت سالفة عشان ابنها
وذيك اتصلت اعتذرت عن لي صار وحلفت انها تاخذ الولد وتروح معاه حديقة او ملاهي تطيب خاطره وتعتذر منه وامه مو راضية ونازلة سب ب اختي وتوعدت لها ترد الكف لها لا شافتها وابوي تدخل كعادته بعصبية
هاوش اختي وسبها وضرب ابنه مرة ثانية
اليوم شفت الولد والله الكف للحين معلم عليه من قوته والله انقهرت وانغبنت عليه من جوا قلبي مايكفيه عصبية ابوي لي مدمرة نفسيته لا تجيه اخته بعد تكملها عليه
والله مقهورة من قلبي اكره شي اسمه ضرب الاولاد