مقهورة لهذي الدرجة الناس ماتخاف الله

يابنات انا يوم تطلقت طلاقي الاول خطبتني زوجة خالي لأخوها هو ماسبق له الزواج وشاب مايعيبه شي بس النفس وماتهوى انا ماحبيته ولاحبيت نسبهم لأسباب خاصه
وزوجة خالي من ديرة حنا مانزور هالديرة ولانتواصل مع الي فيها الا اذا زواج وموأي زواج نروح بس كلنا نعرف بعض وفيهم عائلة ممتازة جدا من جميع النواحي وصار بهذي الديرة زواج وحضرت امي الزواج ومعها اختي بالابتدائي لأن العريس يقرب لنا حيل المهم حرمة من العائله الي اقولكم ممتازة وطيبين ومحترمين والكل يتمنى نسبهم شافت اختي واعجبتها وبعده سألت زوجة خالي قالت اختها الكبيره المطلقه تشبه ذي قالت ايه تشبه لها واحلا منها طبعا زوجة خالي علمتنا في هالكلام ومرت السنين وسمعنا ان ولد الحرمه تزوج وكبرت اختي الي اصغر مني وتزوجت واحد من هذي الديرة وزارتها الحرمه وقالت لأختي والله انا وولدي تمنينا اختك وولدي تعلق فيها من الوصف بس الله يسامح امك رفضت !! وتقابلنا مع الحرمه ذي قالت لأمي حنا كلمنا زوجة اخوك الي هي (زوجة خالي )وقلنا لها كلميهم لنا نتقدم رسمي وقالت انكم رفضتوا
صراحه انصدمت في زوجة خالي ادري ان الدعوه كلها نصيب بس ليش قطع الارزاق
الي قهرني اني دايم ومازلت اخدمها واوقف معها
وخالاتي وبناتهم طول عمرهم شايفين انها نمسه وانا ضدهم وبكل موقف ابررلها