السلام عليكم ورحمة الله وبركاته....
انا اليوم تضايقت من زوجي بقولكم الموقف وانتم اعطوني ارئكم...
حبايبي من تزوجت لي 6 سنين ساكنة بشقة صغيرةجدا جدا ماشكيت وصبرت لما صارعندي طفل احس تضايقت منها قلت لزوجي خلينا ندور على شقة تكون اكبر لوقديمة واحنا نظبطها طبعا ماعنده غير كلمة الاجارات مرتفعه حنا ببداية زوجي ابوزوجي يدفع الاجار
والحين صار زوجي وبعض الاحيان ابوه
اذا شكيت عند اهل زوجي ينطون امه واخته:22: الاجارات غالية وإن شاء تبنون ملك وشلكم بنقل من هالكلام يعنى بالعربي مايشجعون زوجي انه ينقلني صبرت وامري لله وسكت
ولما زوجوا ولدهم الثاني قامو يتشرطون في الشقة لازم تكون كبيرة ولاكلمت امه تقول ماهمنا الايجار اهم شي تكون واسعة وحلوة :30:
قلت لزوجي ليش انا لاقلت نفسي في شقة اكبرنطوا في وجهي:o
واخوك لازم الشقة كبيرة
وصدمنى في الرد قال(تعرفين هذي لها اهل يزورنها ولازم البيت يكون كبير)وطيب انا مقطوعه من شجرة انا بعد لي اهل ومعارف تصدقون لعزمت وامي خواتي يرفضون يجون مايشيلهم المكان من الضيق والمطبخ متر في متر ضيق للغايه يعنى بالعربي بيت عزاب اواجانب
بعد هالكلام عصبت منه وقلت خلاص انا بسكن بس مااشوف تعزم احد لاني اتضايق من المطبخ ولما جاء رمضان قال بعزم ابوي واخواني للفطور قلت الله يكثر المطاعم وان ماتقدر روح للمساجد فيه افطار صائم فطروهم فيه
والحين قال امي تقول بزوركم قلت الله يحيها قال بس شكلها مستحة تجي كلميها واعزميها قلت بس ترى العشاء تجيبه من برا لان اهلك موشخص ولاشخصين14 شخص و المطبخ صغير
والله اتبهذل اذا طبخت وشلون عايلة كبيرة قال لا تطبخين انت
وانا ماعندي شغالة وهم كذلك والي يقهر اني اذا سيرت على بيت امه هو الى يجب العشاء من برا يقول علشان ماتتعبون وهم اشخاص ويتساعدون وانا كله على راسي ويقول اطبخي
واهل زوجي من النوع الى ماينادوني ابدا الى اذا في مناسبة عندهم يعنى بالعربي مايحبون كثرة الزيارات احس ام زوجي تتضايق
لدرجة مرة سويت معي حلا ومعجنات واصناف واخذت القهوة والشاي ورحت عندهم قام زوجي قال لامه قدامي ترا بجيب العشاء وخلو زوجتي تجلس عندكم وتتعشون مع بعض قالت انا معزومة وانا لي امكن عنهم 4 اشهر عنهم يعنى متناديني او تتصل تقول تعالى بناتي مجتمعات تعالي انبسطي معهم وانا قلت هم مايتصلون يقولن تعالي وانا مثلهم الى بيجي يسير الله يحيه لان جلست عنهم 6 اشهر قال زوجي ليش متعزمين زوجتي عندكم قالت حنا مانعزم الى بيجي الله يحيه
(((وانا بطلت اروح لهم وصرت اطول مازورهم لاني بداية زواجي كنت كل اسبوعين واعزمهم عندي ولاتصلت قلت بزوكم تتعذر معزومة بروح لسوق يعنى لقطت وجهي كم مرة بعدين قررت ماراح اروحلهم الا لواجب ازور بناتها اذا ولدوا ولاعيد غيره لا الااذا دقوا هم وحددوا موعد ولاعمرها كلمت وحددت لي يوم وطنشتهم والحين زوجي يقول اعزميهم وشرايكم))))
هدوء الكون && @hdoaa_alkon_ampamp
عضوة نشيطة
يلزم عليك تسجيل الدخول أولًا لكتابة تعليق.
جست دريم
•
مشاكل تصير في كل بيت
مالك الا الصبر ومافيه احل اصلا الا الصبر لازوجك اللي بيغير البيت ولا تقدرين تغيرين طبع اهل زوجك مع أن هذي اصلا هذي طبايع كل اهل زوج
عليك بقيام الليل مع سورة البقره والله بيفرجها عليكم
مالك الا الصبر ومافيه احل اصلا الا الصبر لازوجك اللي بيغير البيت ولا تقدرين تغيرين طبع اهل زوجك مع أن هذي اصلا هذي طبايع كل اهل زوج
عليك بقيام الليل مع سورة البقره والله بيفرجها عليكم
الصفحة الأخيرة
وش ذا العائله يالله لك الحمد
يو وين صلة الرحم اكره مالي الي يروح لعزايم ويكثر مساير ولا يحب احد يجيه حلوه ذي
مالك حل معهم غير الصبر والتطنيش
وبالنسبه للشقه كثر الدق يفك اللحام << مدري صح او لا المثل
المهم حني عليه كثير والله يسهل