مقهورة منهم المتكبرين

السلام
عندي خال غنييي قد ما اقول غني يطلع غني
خالي حبوب وحنون
بس خالي مشكلة عياله وبناته نفسيات اييع مثل امهم الكرنيبة سبحان الله بالجينات حتى عيالهم مثلهم نفسيات طالعين
بناتهم وعيالهم بس تنمر على خلق الله وفشخرة بالسيارات ومشاكل واحنا سافرنا واحنا طلعنا واحنا اكلنا
انا الحمدلله ما اطيقهم ولا اطيق شوفتهم وكلامي معهم صلة رحم بس
ولد خالي الصغير تزوج بنت خالتي
خالتي هذي الله عليها حبوبة هي وزوجها وعاشو على قدهم بمنزل شعبي وربو وكبرو العيال والبنات
لي دكتور ولي ضابط ولي مهندس ولي موظف بمنصب مرموق وحتى واحد منهم يشتغل بقنصلية برا ماشاء الله عيال يرفعون الراس
ابوهم كان عسكري قديم وعلى قد نفسه هو وخالتي حتى مرت خالي كانت تقول ما ازورهم بهذا البيت واييع وصخ ومدري ايش مع انهخالتي انظف منها ومن عايلتها تفو عليها
انا مادريت كيف حصل النصيب بينهم بس نصيب سبحان الله
المهم من تزوجته هالبنت وهي على ما اسمع تراضيه وهو متكبر شايف روحه يعطيها كلام مثل السم لانه ليه لانه نفسية ويشوف خلق الله ارذال قدامه
جيناات السيدة الوالدة القديرة فيه يعني ايش بيطلع داعية ولا مثقف هو واخوانه واخواته لازم يطلعون للوالدة استغفر الله ماودي اسبها
والبنية مسكينة جميلة وسنعة وطيوبة متحملة وساكتة
انا على مافهمت انهم كانو فاتحين سالفة عن ولد اخوهم الكبير انه سافر امريكا يدرس طب
وهو تكلم عن عياله لما يخلف قالتله يعني بترسله امريكا بعد يدرس طب
قالها ايه تبغيه يطلع عسكري مثل ابوكي يعني
هي زعلت من هالكلمة يعني جات مثل القشة لي قسمت ظهر البعير يعني اتحملك واتحمل نفسيتك الشينة وتكبرك علي وانا مرتك وفوقها تهين ابوي وتركت البيت ورافضة ترجعله نهائيا تقول خلاص واحسن مانجيب عيال منه واتورط ما ابغى عيشته خلاص مسمم بدني بكلامه
انا اقول والله معاها الحق ابوها ماقصر فيها ورباها افضل تربية وكان افضل اب لهم تجي تسمع اهانة عليه من واحد مثل هذا واذا كان عسكري له الشرف بخدمة دينه ووطنه انت ايش يارخم قاعد والماما تصرف عليك عاطل لا وظيفة ولا شي ولا درست وامه وابوه يصرفون عليه بس
ليه ماتقول يطلع مثل اخواله يرفع الراس ادب وعلم وثقافة ومنصب
انا ودي اتدخل بس مارح اتدخل لانه ليه لانه بيقولو اووه بدور فتانة خرابة بيوت بس والله مقهورة عليها لانهم اعز من خواتي وهي رافضة حتى ابوها يقولها يابنتي ارجعي لزوجك انا مسامحه على كلامه ولاااا بعد الشين يقول مابعتذر لها لاني ماقلت شي يزعل اخخ فيني قهر شديد عليهم ودي امسح فيهم الارض من قهري ماتعرفون الحرة لي بداخلي عليهم
كثر مصخرو علينا وعلى اخواني واخواني ساكتين لانهم مايحبون التمشكل معهم وامي تقول معليه عشان خالكم والله تذكرت مواقف لي بخاطري انتف البنات تنتيف
والله ماحد عرفلهم الا زوجي مسح بلحاهم الارض يوم قربو منه شوط فيهم يمين يسار ورفسهم ترفيس وانا لمته لا والله مالومه بالعكس قلت له معاك حق امس قالي ليه تذكرتيها الحين هذي من سنتين قلت لا بس تذكرتها
لانه ليه زوجي واحد مايحب التكبر ولا التعجرف ولا العنصرية مثلهم مع انه بارد بس مع اشكالهم يكون حار مايتحملهم يتجهم
بمرة عطوه كلمة قاله الزم حدك لا اشيل عيونك واحطهم بدال انوار الجمس هذا
قاله اخوه الثاني يمزح معاك بوفلان
قاله لا يمزح يقطع عمرك وعمره مع بعضكم والله اعلقكم هنا بالسيارة واهجول فيكم هجولة مابيني وبينك مزح تلزم حدك لا ادبس دلة القهوة براسك وامي تقول حق زوجي يعني عيال اخوي شفيك وهو سكت مايحب المشاكل
لي بتخرب موضوعي خليها برا