مقهورة من الحياة أريد أن أفضفض فقط و لاااا أبحث عن حل !!

مرحبا بنات، اول اشي بدي اوصللكم الحاله اللي انا فيها هلأ، عم ببكي و عيوني منفخه من البكا و محروق دمي و محروقه اعصاااابي، و حالتي النفسيه سيئه و تعباااااانه جدااا جدااا جداااا فوق الوصف، أسوأ ايام بمر فيها بحياتي كلها، بدخل بالموضوع، بدي اقولكم كل اللي بقلبي و بتمنى أقدر أوصللكم حالتي تماما متل ما أنا حاسة فيها، و من غير ما تفهموني غلط، أولا احنا البنات بنضل نحكي بدي اتزوج بدي اتزوج، و بس ييجي العريس ابننبسط كتيييير و بنصدق حالنا، بس بالفعل و الوااااقع هل احنا بنحب نتزوج؟؟؟ والا فقط من باب انه هيك المجتمع؟ و اللي ما ابتتزوج بطلع عليها حكي و لقب مزعج و من هالامور هاي؟ انا من ناحيتي مخطوبه و كمان شهرين و نصف الزواج على خير، لكن حقيييقه بيني و بينكم انا مو حابه اتزوج !! حابه اضل لحالي طول العمر، بقدر اعيش سعيده بدون زوج، يا ريت بس هيك، لكن سأعيش مهمومه مع زوج و اولاد!! لانه مسؤوليات و هموم، راح انسى نفسي، لكن الزواج اعتبره (شر لابد منه) كل هاد و ما ننسى التغييرات التي تحصل مع الزواج، و ما ننسى الااااام الجماع و الاااااام الحمل و الولاده و الرضاعه، ليش في الام لهاي الدرجه عند الولاده؟؟؟ شو الحكمه؟؟ انا مرعوبه من مجرد التفكير بالولاده و حاسه حالي راح اموت و انا عم بولد و اللهي راح اموت، الشغله فوق طاقتي، عدا عن موانع الحمل و الادويه اللي الكل بحكي عن مخاطرها و سلبياتها لكن ساصبح مجبوره عليها، انا بضل افكر يعني في كتير اطفال فقراء و يتامى فقط ببحثوا عن اهل لهم، ليش ما حدا بتبنى؟؟؟؟ ما تقولولي حب الام لطفلها اللي من صلبها غيييير، لانه انا قرات و سمعت انه (لا تستغربي لو ما شعرتي بالحب لطفلك عند رؤيته اول مره و تفكري قلبك قاسي لكنه شئ طبيعي لانه الطفل يحبب بنفسه مع مرور الايام و مع تعلق الام به) يعني المحبه ابتيجي سواء مع طفلك او غيره، و الام اللي بتربي مو الام اللي ابتولد!!!
من الامور اللس بفكر فيها برضه (بس لا تفكروها بسيطه و مو محرزه، انه انا متعوده انام لحالي عالسرير، فـ كيف لما اتزوج؟؟؟ ما بتخيل يصير انسان يشاركني سرير!! و مو بس مشاركه لكن خصوصيااااتي !! يمكن انا اليوم مو جاي عبالي .... او تعبااااانه و مو قادره، و هو جاي عباله!! ما بنفع هيك انا ما بتحمل و الله !! و مستحيل اغضب ربي و امنعه!!! فهمتوا علي؟؟؟ لا تفكروا اني ماخده زوجي عن طريق العادات و التقاليد حتى ما اكون حاسه بمحبه اتجاهه لكنني اعشق زوجي و احبه و اموت فيه بجنون و الله، لكن بحس انه الحب اشي و الحياه الزوجيه اشي مختلف و اشي صعب، ما بعرف ليش البنات ميتين يتزوجوا، و انا متاكده انهم كلهههههم داخليا و من جوا بتمنوا لو الدنيا مو قاسيه و الناس ما بحكوا، كان الكل ما تزوج، انا هدفي من الزواج هو عشان حكي الناس، و عشان الستره، و انه يكون في رجل بحياتي لانه الواحد مو ضامن عمر ابوه -الله يطول عمر بابا- يعني اول على اخر وضع البيت ما راح يضل متل هيك، خواتي راح يتزوجوا و اخوي راح يتزوج، متل ما بقولكم (((شر لابد منه))) !!! و اللي بقهرني اكتر و بكل صراحه يا بنات، انه بقرأ بمواقع عن الحياه الزوجيه و مشاكلها من الناحية الجسديه، و قرأت موضوع بعنوان (أحدث طريقة لتضييق المهبل) بعد الزواج طبعا، و انا انصدمت من الموضوع!! شو تضييق املهبل؟؟؟ دخلت عالموضوع و فهمت بالنهايه انه كل ما زادتت عدد الممارسات يتوسع المهبل مما يؤدي الى قلة المتعه!!!!!!!!!! انا انصدممممممممت!!! يا بنات استغفر الله العظيم بس مو المفروض انه الزواج لمتعة الانسان؟؟؟؟ ليش كل اشي ناقص بهالدنيا؟؟؟ شو تقل المتعه؟؟؟ يعني يصير الزوج يبحث عن بنت اخرى؟؟ او تقل رغبته بزوجته عن السابق؟؟؟ او لا يشعر معها بالمتعه الكافيه؟؟ ليش طيب يا ربي شو الحكمه؟؟؟ يا بنات بسأل جد شو الحكمه بدي اعرف؟؟؟ انا هلأ فهمت ليش الرجل بس يكبر بصير يبحث عن بنت صغيره يتزوجها!! لا اله الا الله!!! و الله الدنيا انها قااااااسيه.
كمان شغله من الاشياء اللي راح انجلط من وراها، انه راح اترك بيت اهلي!!!! راح اترك خواتي ما راح ارجع اعيش بينهم!!!! ما راح ارجع اشوف امي و ابوي كل يوم و اقعد معهم وقت الغدا و اقضي رمضان بينهم!! راح اصير فقط رؤيتي لهم من خلال الزيارات لا اكثر، و ليست يوميا، يعني بصير ضيفه بمنزلي!!! معقول هيك؟؟؟؟ بصير هالحكي؟؟؟؟ لا اله الا الله و الحمد لله رب العلمين، لا حول ولا قوة الا بالله، بصير اشوف اهل زوجي اكتر من اهلي!!! بنفرضوا علي سواء بحبهم او ما بحبهم بدي انجبر انه اتعامل معهم!!! و انجبر على المجاملات حتى مع الناس اللي ما بحبهم، و كل هاد غير عن انه لازم دايما اضل بمظهر انيق و مرتب، يعني احنا ببيت اهلنا بمر علينا ايام ما بنحب نترتب، بس بختلف الوضع مع الزواج، حتى لو كنت بأسوأ حالاتي النفسيه و المزاجيه بدي اضغط عل حالي و اتعامل مع زوجي باحترام و البس و اتعطر و اتمكيج.... ماااااااااااااااا بقدرررررر !!! راح يتغير مجرى حياتي لمجرى جديد علي، ما بقول اني بكرهه لكنه صعب جدا و مو كله حلو، و مرارته اكتر من حلاته، نفسي في بعض الاحيان لو لم اخلق، الحياه كلها الم و وجع و تعب و هم و يأس و كآبة، ما عادت حلوه متل ايام طفولتنا الله يرحمهااااا ما احلاها كانت و ما أبرأهااااااااااااا، الطفولة هي الحياااااة، قريت مره توقيع لوحده بالمنتدى متت فيه و لقيته معبر جدااا و هو (ألا يا طفل لا تكبر ، كذا أجمل كذا أطهر ، كذا لا هم يتراكم ، كذا لا ضغط لا سكر ، ترى أكبر كذبة عشناها ، يالله متى نكبر ) صح كتير روعه و عالوجع؟؟؟ ااااااااااااااخ جد انه اكبر كذبة عشناها متى نكبررررر، يا ريتنا ما كبرنااااا.
لا اله الا الله . . .